Қазақша рефераттар

Сынып тазалығын тексеру

Сабақтың тақырыбы

Жыл мезгілдері

Сабақтың мақсаты

Білімділік

  • Оқушыларды «Жыл мезгілдері» өлеңімен таныстыру.
  • Жыл мезгілдері туралы түсініктерін кеңейтіп, әр мезгілдің маусымдық өзгерістерін еркін әңгімелей білуге үйрету.
  • Тақырып бойынша білімдерін жүйелеу, пысықтау және тиянақтау.
  • Пәнге қызығушылығын арттыру.

Дамытушылық

  • Есте сақтау және көру қабілеттерін дамыту.
  • Шығармашылықпен жұмыс істеуге жұмылдыру.
  • Өз ойын еркін жеткізіп, ауызекі сөйлеуге дағдыландыру, ой-өрісін кеңейту.

Тәрбиелік

  • Жыл мезгілдері туралы әңгімелеу арқылы оқушылардың қоршаған ортаға сүйіспеншілігін ояту.
  • Әр жыл мезгілінің ерекшелігін танып-білуге және ұғынуға баулу.

Сабақ туралы қысқаша ақпарат

Сабақтың түрі

Аралас сабақ.

Сабақтың әдістері

Әңгімелеу, сұрақ-жауап, талдау, сөйлесу, іздендіру, дәлелдеу.

Көрнекілігі

Суреттер, сөзжұмбақ.

Сабақтың барысы

I. Ұйымдастыру кезеңі

  • Амандасу.
  • Сынып тазалығын тексеру (кезекшіні тексеріп, сыныптың тазалығына көңіл бөлу).
  • Оқушыларды түгендеу: «Бүгін сыныпта кім жоқ?»
  • Назарын сабаққа аудару: оқулықты ашу (196-бет).

II. Үй тапсырмасын тексеру

«Үй тапсырмасына не берілген еді? Кім айтады?» — 3–4 оқушыдан үй тапсырмасы сұралады.

III. Жаңа сабақ

Сөзжұмбақ арқылы тақырыпты ашу

Сабақты бастамас бұрын сөзжұмбақ шешу ұсынылады. Сұрақтар:

  1. 1. Қазақ балуаны
  2. 2. Кемпірқосақ түсі
  3. 3. Сезім мүшесі
  4. 4. М. Әуезовтің әкесі
  5. 5. Үй құсы
  6. 6. Біздің ұлтымыз
  7. 7. Бейбітшілік құсы
  8. 8. Жануар аты
  9. 9. Құс атауы
  10. 10. Орман дәрігері
  11. 11. Үй жануары
  12. 12. Абай Құнанбаевтың шын аты
  13. 13. Жануар аты

Белгіленген торкөздерден шығатын сөз: «Жыл мезгілдері».

Тақырыппен танысу

Бүгін біз болгар ақыны Калина Малинаның «Жыл мезгілдері» өлеңімен танысамыз.

Сұрақ: «Қандай жыл мезгілдерін білесіңдер?» — көктем, жаз, күз, қыс.

«Жыл мезгілдері» (өлеңнен үзінді)

Қозы-лақтар маңырап,
Жататұғын жамырап,
Білесің бе, қай мезгіл?

Күн сарғайтып көгіңді,
Оратын кез егінді,
Білесің бе, қай мезгіл?

Жап-жалаңаш қырқылар,
Кетеді ұшып тырналар,
Білесің бе, қай мезгіл?

Талқылау үшін

Әр шумақта сипатталған белгілер қай мезгілге тән? Дәлелде.

Сөйлесу тапсырмасы

Өз ауылыңда/қалаңда маусымдық өзгерістер қалай байқалады? 3–4 сөйлеммен сипатта.

Автор туралы мәлімет

Мекенжай

Шығыс Қазақстан облысы, Тарбағатай ауданы, Үштөбе ауылы, Өкпеті орта мектебі.

Мұғалім

Жұмаділова Айгүл Тоқтасынқызы