Қазақша рефераттар

Елі сүйген, елін сүйген Елбасы Тәрбие сағатының эпиграфы

1 желтоқсан — Президент күні

Бұл тәрбие сағаты Қазақстан Республикасының Тұңғыш Президенті Нұрсұлтан Әбішұлы Назарбаевтың өмірі мен қызметін таныстыруға, ел дамуына қосқан үлесін талдауға және оқушылардың азаматтық құндылықтарын нығайтуға бағытталады.

Мақсаты

  • Білімділік: оқушыларға Н. Ә. Назарбаев туралы жан-жақты түсінік қалыптастыру; ел дамуына сіңірген еңбегі мен экономика, саясаттағы реформаларын талдау арқылы білімді толықтыру.
  • Дамытушылық: өз бетінше іздену және оқу арқылы зияткерлік дамуды қалыптастыру; зерттеушілік және шығармашылық қабілеттерді дамыту.
  • Тәрбиелік: елбасынің еңбегі мен жүргізген саясатын үлгі ету; оқушылар бойына демократиялық құндылықтарды сіңіру.

Көрнекілік

Елбасының фотосуреті; рәміздер, Астана және еңбек жолына қатысты сюжеттік суреттерден дайындалған слайдтар; еңбектері; үнтаспа жазбалары; буклеттер; қанатты сөздер.

Ұсыныс

Слайдтарды бөлімдерге бөліп көрсету: мемлекеттік рәміздер, тәуелсіздік кезеңі, экономикалық реформалар, Астана.

Барысы (қысқаша)

  1. 1 Ұйымдастыру кезеңі.
  2. 2 Қазақстан Республикасының Әнұранын орындау.
  3. 3 Эпиграф және ой шақыру сұрақтары.
  4. 4 Зерттеуші оқушылардың талдауы: өмірі мен қызметі, саясат, экономика, мәдениет салаларындағы еңбегі.

Тәрбие сағатының эпиграфы

«…Мен өз халқымның жолында басымды бәйгеге тіккен адаммын. Маған ары үшін жанын садаға ететін осындай текті халыққа, мені ұлым деп, перзентім деп төбесіне көтерген халыққа, арғы-бергідегі қазақ баласының бірде-бірінің пешенесіне бұйырмаған бақыты — толыққанды, тәуелсіз мемлекет құрудың қасында болу бақытын бұйыртқан халыққа қызмет етуден артық ештеңе керегі жоқ. Осы жолда мен бойымдағы бар қайрат-қабілетімді, білім-білігімді аямай жұмсаймын, қандай да тәуекелге барамын…»

Нұрсұлтан Назарбаев

Ой шақыру

«Нұрсұлтан Назарбаев — түрік әлемінің лидері» (Т. Ердоған, Түркияның премьер-министрі).

Мұғалімнің бағыттаушы сөзі: Н. Ә. Назарбаев — тәуелсіз мемлекетті орнықтырып, экономиканы реформалау арқылы Қазақстанды әлемге танытқан тарихи тұлға. Қиын кезеңдерде ұлттық мақсат-мұратқа жол ашқан көшбасшылық болмысын бүгінгі ұрпақ білуі тиіс.

Тұлғалық қырлары

  • Ұлттық дәстүрмен тәрбиеленген, тілін, тарихын, мәдениетін, әдет-ғұрпын терең білетін, елінің мәртебесін көтеруге еңбек еткен азамат.
  • Халқының мұңын түсінетін жанашыр, тағдырлас тұлға.
  • Қиындықта демеу бола алатын, қорған болуға ұмтылған ел перзенті.
  • Алдағыны болжай білетін, стратегиялық ойлайтын көшбасшы.
  • Халықаралық деңгейде танылған, әлемдік көшбасшылармен тең дәрежеде пікір алмасқан саясаткер.

Зерттеуші оқушыларға сөз

Қазақстан Республикасының Президенті Нұрсұлтан Әбішұлы Назарбаевтың өмірі мен қызметін, саясат, экономика және мәдениет салаларындағы игі істерін талдау үшін зерттеуші оқушыларға сөз беріледі.

1-оқушы (өлең жолдары)

Сөйлесіп бір жүрген қай сөзіңде де халықты биік қоясың,
Халықпен бір ашығасың да, халықпен бірге тоясың.
Жастықтың жалын шақтарымен бірге айтып арман әндерін,
Қазақстанның бақтарымен бірге жапырақ жаясың.

Халықтың мұңы — мұңдайтының, халықтың жыры — жырлар жыр,
Көкірегіңде көнермей әлі өткен де кеткен жылдар жүр.
Соныңа ердік: «Сол ғана бізді жеткізеді» деп бақытқа,
Бақытқа баста байтақ еліңді, бақытсыздықтан құр қалдыр.

Өмірбаяннан дерек

Н. Ә. Назарбаев 1940 жылғы 7 шілдеде Алматы облысының Қаскелең (Қарасай) ауданындағы Шамалған ауылында дүниеге келген. Мамандығы — инженер-металлург. Экономика ғылымдарының докторы, академик.

Елбасының атасы Назарбай өз өңірінде беделі зор, ел басқарған адам болған. Шамалған, Қаскелең және Үшқоңыр жайлауын мекендеген.