Қажымұқан туралы деректеме
Сабақ туралы қысқаша мәлімет
Пән
Әдебиеттік оқу
Тақырып
Мұратхан Тәнекеев: «Қажымұқан»
Сабақ түрі
Топтық жұмыс
Әдістер
Сұрақ-жауап, баяндау, әңгімелеу
Көрнекіліктер
Автор портреті, сызбалар, бейнеролик
Сабақтың мақсаты
1) Танымдық мақсат
Алып палуан Қажымұқанның өмірімен таныстыру; мәтінді түсініп оқуға, жүйелеп айтуға үйрету.
2) Дамытушылық мақсат
Есте сақтау қабілетін дамыту; мәдениетті, жүйелі сөйлеуге, ойын тұжырымдап айтуға және салыстыра білуге баулу.
3) Тәрбиелік мақсат
Спорт түрлерімен шұғылданатын, шыныққан, жігерлі азамат тәрбиелеу.
Сабақтың барысы
Ұйымдастыру кезеңі
- Психологиялық дайындық.
- Музыка ырғағымен қимыл-қозғалыс жасау.
Топқа бөлу
Оқушылар батырлар есімімен аталған топтарға бөлінеді:
1-топ
Әлия
2-топ
Мәншүк
3-топ
Бауыржан
4-топ
Нұркен
Үй тапсырмасын сұрау
«Микрофон» әдісі арқылы сұрақтарға жауап беріледі:
- Әңгімені кім баяндап отыр?
- Комбаттың келген жауынгерлерге неліктен көңілі толмады?
- Мойсеевтің райынан қайтуына не себеп болды?
- Әлияны ол қайда жұмсады?
- Әлия барды ма?
- Неліктен бармады?
Үй тапсырмасын пысықтау
Ассоциация құру: «Әлия Молдағұлова кім?»
Мақсат қою кезеңі
- Сабақтың мақсаты мен тақырыбын хабарлау: Мұратхан Тәнекеев — «Қажымұқан».
- Қажымұқан туралы бейнеролик көрсету.
- Бұрын өткен тақырыпты еске түсіру: 2-сыныпта «Алып бала» (авторы Қалмақан Әбдіқадыров) мәтіні оқылған. Оқушылардан: «Ол қандай ерлік көрсетті?» деген сұрақ арқылы талқылау жүргізу.
Жаңа сабақ
А) Автор туралы мәлімет
Мұратхан Тәнекеевтің шығармашылығы туралы қысқаша мәлімет беріледі, мәтіннің мазмұнына кіріспе жасалады.
Ә) Мәтінмен жұмыс
- Тізбектей оқыту.
- Сөздікпен жұмыс.
- Топтық тапсырмалар орындау.
Топтық жұмыс тапсырмалары
1-топ
Мәтінде Қажымұқан қалай сипатталады?
2-топ
Нұрлы мен Қажымұқанды салыстырып, Т-кестесін құрыңдар.
3-топ
Мәтіннің әр бөлігіне ат қойыңдар.
4-топ
Сурет бойынша жұмыс: оқулықтың 109-бетіндегі суретке сүйеніп, әңгіме құрастырып айтыңдар.
Бағалау: әр топ бірін-бірі «Басбармақ» әдісі арқылы бағалайды.
Жеке оқушымен жұмыс
Қабілетті оқушыға
Қажымұқан туралы деректеме дайындау.
- Туған жылы
- 1871
- Жетістігі
- 18 медаль иегері
- Қайтыс болған жылы
- 1948
Үлгерімі төмен оқушыға
Мәтіннен балуандардың күресі сипатталған жерін тауып, дауыстап оқы.
Сабақты бекіту
«Синквейн» әдісі: 5 жолды өлең құрастыру.
- Қажымұқан (зат есім)
- Мықты, батыл (сын есім)
- Шықты, күресті, жеңді (етістік)
- Мұқан туған еліне оралды (төрт сөзден тұратын сөйлем)
- Балуан (мағыналы сөз)
Үй тапсырмасы
- Мәтінді түсініп оқу.
- Мазмұнын айту.
Бағалау
Оқушылардың белсенділігі мен жауаптарының сапасына қарай бағаланады.