Сәлем - сөздің анасы сәлемдесу
Түлкібас ауданы
«Алтын дән» балабақшасы
Меңгеруші: Күлшат Беспаева
Регламент
45–55 минут
Тақырыбы
«Көргенді отбасы»
Сабақ түрі: жаңашылдығы бар, қазақы салт-дәстүрді дәріптейтін отбасылық сайыс.
Міндеті мен мақсаттары
Міндеті
Отбасында этикалық-эстетикалық тәрбиені дамыту.
Негізгі мақсаты
Этнопедагогиканы жаңғырту, отбасының беделін көтеру және бәсекеге қабілетті ата-аналарды машықтандыру.
Білімділік мақсаты
Қазақы менталитетті таныту.
Тәрбиелік мақсаты
Отбасылық тәрбиенің негізгі элементтеріне шолу жасау.
Дамытушылық мақсаты
Отбасында ынтымақ пен өзара қолдауды нығайту.
Қолданылатын көрнекіліктер
- Бүктемелер
- Техникалық құралдар
- Қазақы дәстүр бұйымдары
Сайыс барысы
Бастапқы бөлім: көрермендермен амандасу, назарды ортаға аудару.
-
1) «Сәлем — сөздің анасы»
3 минутСәлемдесу рәсімі.
-
2) «Өнерлі өрге жүзер»
3–5 минутӨнер көрсету: қолөнер, би, ән, күй (еркін тақырып).
-
3) «Дәстүріңді сақтай біл»
5–7 минутӘр отбасы бала тәрбиесіне қатысты, өз отбасына лайықты салт-дәстүрді көрініс арқылы көрсетеді (мысалы: шілдехана, бесік той, тұсаукесер, сүндет той).
-
4) «Артық болмас білгенің»
5 минутБерілген заттарға қарап, қатысушылар оның бағасын, қолданылуын түсіндіреді. Әр тапсырмада «тосын сый» сұрағы болады — міндетті түрде жауап беріледі.
-
5) Қорытынды және марапаттау
—Нәтиже шығару, қатысушыларды мадақтау.
Негізгі бөлім: жүргізушілер мәтіні
1-бөлім: «Сәлем — сөздің анасы»
1-жүргізуші
Сәлем сізге, көпшілік замандастар! Адамдықтың белгісі — амандасу. Бақ сынап ата-аналар келіпсіздер! «Асыл тастан, өнер жастан» демей ме?!
2-жүргізуші
Тас үйдің салдық бүгін түтіндігін, отбасылық байқауына келіп бүгін! Ендеше, көрермендер, қол соғыңыздар — үлгілі отбасылар сайысына қош келдіңіздер!
Ұйымдастыру тәртібі
- Әр топ әуенмен ортаға шығып, қазылар алқасының алдына барып, нөмірін алады.
- Сәлемдесу рәсімін жасайды.
- Топ атауын қойып, оған қатысты белгі/символ дайындайды және қорғайды.
- Қазылар алқасы ұпай қояды.
2-бөлім: «Өнерлі өрге жүзер»
1-жүргізуші
Асыл тастан шығады,
2-жүргізуші
Өнер жастан шығады.
1-жүргізуші
Өнерлі — өрге жүзеді, өнер алды — қызыл тіл.
2-жүргізуші
«Ел іші — өнер кеніші» демекші, енді ортада отбасылардың қолөнер, би, ән, күй бойынша еркін тақырыптағы өнерін тамашалайық.
3-бөлім: «Дәстүріңді сақтай біл»
1-жүргізуші
Шілдехана, бесік той!
2-жүргізуші
Тұсаукесер, сүндет той!
1-жүргізуші
Пай, шіркін-ай! Қазағымның салт-дәстүрі — кең пейілі дархан даласынан да кең. Олай болса, отбасыларымызды ретімен ортаға шақырамыз.
4-бөлім: «Артық болмас білгенің» — тапсырмалар
Қатысушылар берілген заттарды таныстырып, қолданылуын айтады. Әр кезеңде «тосын сый» тапсырмасы беріледі.
1-заттар
Кебеже, торсық, күбі — қолданылуы туралы айту.
Тосын сый
Ою ойып беріп, атауын айту.
2-заттар
Үкі, қамшы, бүркіт — қолданылуы туралы айту.
Тосын сый
Үш нөмірленген стаканда айран, қымыз, сүт, қымыран ұсынылады. Дәміне/белгісіне қарай ажыратып айту; қазылар нөмір арқылы тексереді.
3-заттар
Ағаштан жасалған ыдыстардың атауларын айту.
Тосын сый
Берілген түсті картоннан құрақ құрап, түстерін үйлестіріп жапсыру.
4-заттар
Ер-тоқым, абзел, таға — қолданылуы туралы айту.
Тосын сый
Майтары мен сөк дайындау.
Құрметті сайыскерлер, сіздердің құрметтеріңізге арнап музыкалық сәлемдемемізді қабыл алыңыздар.
Қорытынды сөз
1-жүргізуші
Демеңіздер, өнерді аяп қалды,
2-жүргізуші
Мезгіл де біраз жерге таяп қалды.
1-жүргізуші
Қош болып тұрыңыздар, кездескенше!
2-жүргізуші
Осымен сайысымыз аяқталды!
Марапаттау және мадақтау рәсімі өткізіледі.