Қазақша рефераттар

Графикалық редактордың сурет салу кезеңдері

Информатика • 6-сынып

Қарапайым графикалық редактор: суретті ашу, сақтау және сурет салу кезеңдері

Бұл сабақта оқушылар графикалық ақпаратты құрудың негіздерін меңгереді, графикалық редакторда жұмыс істеуді үйренеді және сурет салудың негізгі кезеңдерімен танысады. Жұмыс барысында шығармашылық ойлау, бейнелік елестету және эстетикалық талғамды дамытуға басымдық беріледі.

Сабақтың түрі

Жаңа сабақ

Әдістері

Көрсете баяндау, пікірлесе түсіндіру, жеке жұмыс

Көрнекілігі

ДК, слайдтар, тест тапсырмалары

Сабақтың мақсаты

Түсіндіру және дағды қалыптастыру

Оқушыларға графикалық ақпаратты жасау туралы түсінік беру және графикалық редакторда жұмыс істеуге үйрету.

Қызығушылық пен ойлауды дамыту

Пәнге қызығушылықты арттыру және графикалық бейнелеу арқылы бейнелік ойлау қабілетін дамыту.

Эстетика және рефлексия

Эстетикалық талғамды қалыптастыру және орындалған жұмыстан қорытынды шығара білуге дағдыландыру.

Сабақтың барысы

  1. I

    Ұйымдастыру

    Сабаққа қатыспаған оқушыларды түгендеу, үй тапсырмасын қысқаша пысықтау.

  2. II

    Үй тапсырмасын тексеру

    Қайталау және бекіту сұрақтары арқылы оқушылардың алдыңғы тақырыптарды меңгеру деңгейін анықтау.

  3. III

    Жаңа сабақ

    Графикалық редактор ұғымы, мүмкіндіктері және Paint бағдарламасымен танысу.

  4. IV

    Сарамандық жұмыс

    Қарапайым сурет құрастыру, файлды ашу және сақтау әрекеттерін тәжірибеде орындау.

  5. V

    Үйге тапсырма

    Тақырып бойынша қайталау, қосымша сұрақтарға жауап дайындау және шағын сурет жасап келу.

  6. VI

    Қорытындылау

    Негізгі ұғымдарды бекіту, нәтижені бағалау және кері байланыс.

Бекіту сұрақтары

Төмендегі сұрақтар үй тапсырмасын тексеру және өткен тақырыптарды қайталау үшін ұсынылады:

  • Компьютер жанындағы өсімдік.
  • Баспаға шығару құрылғысы.
  • Жалпы желіге қосылу үшін не керек?
  • WordPad бағдарламасын қалай іске қосамыз?
  • «Ақпарат» (information) сөзі қай тілден шыққан?
  • Вирусқа қарсы бағдарлама.
  • Дыбыс шығару құрылғысы.
  • Бос орын қалдыру пернесі.
  • Caps Lock пернесінің қызметі.
  • Мәтіннің қарпін және өлшемін қалай өзгертеміз?

Жаңа тақырып: графикалық редактор деген не?

Компьютер — графикалық кескіндерді салудың ең қолайлы әрі қуатты құралдарының бірі. Графикалық кескіндермен жұмыс істейтін Windows қолданбаларын графикалық редакторлар деп атайды.

Графикалық редактор — графикалық бейнелерді жасауға және оларды өңдеуге (редакциялауға) арналған бағдарлама. Мұндай редакторлар сурет салуды жеңілдетіп қана қоймай, дайын объектілерді өзгертуге және түрлі элементтерді біріктіруге мүмкіндік береді.

Графикалық редактордың мүмкіндіктері

Құралдар мен бояулар арқылы сурет салу

Қылқалам, қарындаш, өшіргіш және түстер палитрасы көмегімен кескін құру.

Суретті бөліктерден құрастыру

Әртүрлі элементтерді қиып алып, көшіру және орналастыру арқылы композиция жасау.

Мәтін енгізу және пішімдеу

Суретке тақырып, белгі немесе түсіндірме мәтін қосып, оны безендіру.

Дайын объектілерді түзету

Кескіннің бөліктерін өзгерту, артық элементтерді өшіру, қателерді түзету.

Сызбалар мен схемалар құру

Фигуралар, сызықтар және бағыттауыштар арқылы қарапайым схемалар мен диаграммалар салу.

Paint бағдарламасы туралы

Paint — сурет салуға арналған қарапайым әрі қолжетімді графикалық редактор. Ол әртүрлі графикалық кескіндерді салуға және өңдеуге мүмкіндік береді. Paint көмегімен ең қарапайым суреттен бастап, күрделі графикалық жұмыстарға дейін жасауға болады.