Комплимент тренингі
Маңғыстау облысы, Ақтау қаласы, №20 М. Әуезов атындағы орта мектеп мұғалімі
Бекназарова Римма Аяшовна
Тақырыбы: «Әдептен озбайық»
Бұл тәрбие сағаты оқушылардың өзара сыйластық мәдениетін тереңдетіп, қарым-қатынаста әдепті сақтаудың маңызын түсіндіруге бағытталған.
Мақсаты
Білімділік
Оқушылардың достықты және қарым-қатынасты бағалай білу туралы түсініктерін кеңейту.
Дамытушылық
Түрлі жағдаяттарда эмоциялық күйді басқарып, жағымсыз ниеттерді тежей білу дағдыларын дамыту.
Тәрбиелік
Дене және психикалық саулықтың үйлесімділігі маңызды екенін ұғындыра отырып, оқушыларды мейірімділікке, қамқорлыққа және мәдениеттілікке тәрбиелеу.
«Комплимент» тренингі
Орныңыздан тұрыңыз. Әрқайсыңыз бүгінгі көңіл-күйіңізді бір-біріңізге қарап, әртүрлі қимыл-ишара арқылы білдіріңіз.
Кеңес: қимыл-ишараны таңдағанда сыпайылық пен өзара құрмет сақталсын.
Дәйексөз
«Адамда жақсы қасиет болмаса, оған бақ та, бақыт та қонбайды.»
Ойланайық, пікірлесейік
Мұқағали Мақатаевтың «Көшеде» өлеңінен үзінді арқылы әдеп, сыйластық және адамгершілік туралы ой қозғайық.
«Көшеде» (үзінді)
Мен жолымды берейін, өт қарағым,
Несін күттің, несіне көп қарадың?
Анасының бергенін саған берген,
Аруағынан айналдым текті ананың!
Талқылау сұрағы
Өлең жолдарынан қандай әдеп нормаларын байқайсыз?
Өмірмен байланыстыру
Қоғамдық орындарда өзіңіз қандай сыпайылық ережелерін ұстанасыз?
Мақал-мәтелдер сайысы
1-тапсырма
Әдепті бала — арлы бала, әдепсіз бала — сорлы бала.