Қазақша рефераттар

Мұхтар Шаханов кім

Сабақ туралы қысқаша мәлімет

Тақырып

Мұхтар Шаханов — «Отырар» поэмасы

Сабақтың мақсаты

Оқушылардың «Отырар» поэмасынан алған білімдерін жинақтау, қорытынды жасау.

Сабақтың міндеттері

  • Білімділік: поэма бойынша сұрақтар арқылы түсінікті нақтылап, білімді жүйелеу.
  • Тәрбиелік: ерлік пен батырлық рухын ояту, отаншылдыққа тәрбиелеу.
  • Дамытушылық: қорытындылау арқылы танымдық біліктіліктерін дамыту.

Ұйымдастыру және ресурстар

  • Түрі: дәстүрлі сабақ
  • Типі: бекіту сабағы
  • Әдіс-тәсілдер: әңгімелеу, сұрақ-жауап, ой қозғау, СТО әдістері
  • Көрнекілік: Отырардан табылған жәдігерлердің суреттері, тірек-сызба
  • Пәнаралық байланыс: тарих

Сабақтың барысы

I. Ұйымдастыру кезеңі

Бастау
  • Оқушылармен сәлемдесу, сыныптың сабаққа дайындығын тексеру.
  • Кезекшіні анықтау, сыныптағы оқушылардың қатысуын белгілеу.
  • Үй тапсырмасын нақтылау.

II. Үй тапсырмасын тексеру

Қайталау
  1. Мұхтар Шаханов кім?
  2. Мұхтар Шахановтың қандай шығармаларын білесің?
  3. «Отырар» поэмасы не туралы?
  4. Поэмадағы басты кейіпкерлер кімдер?
  5. Отанға, елге деген құрмет қалай суреттелген?

III. Жаңа сабақ

Тереңдету

Бүгін «Отырар» поэмасынан алынған үзінді бойынша түсінігімізді тереңдетіп, негізгі ойларды нақтылаймыз.

I. Қызығушылықты ояту

Хадиша Шалабаеваның орындауындағы «Отырардағы той» әні тыңдалады (әні: Ш. Қалдаяқов).

II. Ой қозғау

  1. Ән қай сазгердің әуеніне жазылған деп ойлайсыңдар?
  2. Әннің жалпы мазмұны қандай?

III. Концептуалды кесте

Поэманың тақырыбы, идеясы, кейіпкерлер жүйесі және тарихи мәні бойынша тірек-сызба жасалады.

IV. «Табылған олжалар» (жәдігерлер арқылы талдау)

Әр сұрақ белгілі бір жәдігердің суретімен байланыстырылады. Жауап беру барысында мәтінмен жұмыс күшейтіледі.

Жәдігер: Шығыр

Отырарды алу үшін Шыңғыс Шағатайға қандай зұлымдықты үйретіп отыр?

Жәдігер: Сырлы ыдыстар

Шағатай әкесі Шыңғысқа не деп тіл қатты?

Жәдігер: Отырар тиындары

Шыңғыс пен Шағатайдың тілдесуінен нені ұқтыңдар?

Жәдігер: Майдан даласындағы көрініс

Шыңғыстың құрметіне бөленуді ойлап, опасыздық жасаған Қарашоқыға Шыңғыс қандай баға берді?

Жәдігер: Құты (қақпағымен)

Шыңғыстың алдына алып келген екі адам кімдер?

IV. Сабақты бекіту

Жинақтау

Тапсырма: «Биопоэма»

Төмендегі құрылым бойынша қысқа мәтін құрастырыңыз:

  1. Есімі
  2. Сізді сипаттайтын 3–4 сын есім
  3. Ең жақсы көретін нәрсеңіз
  4. Неден қорқасыз
  5. Жетістіктеріңіз
  6. Орныңыз, мекен-жайыңыз
  7. Аты-жөніңіз

V. Сабақты қорытындылау

Рефлексия

Сұрақ-жауап

  1. «Отырар» поэмасы нені және қалай суреттейді?
  2. Отырардың қатерлі күйі туралы қандай ой түйдің?
  3. Мұхтар Шахановтың тағы қандай шығармаларын білесің?

VI. Үй тапсырмасы

Жалғастыру
  • «Отырар» поэмасын оқып, мазмұндау.
  • «Даңқы асқақ Отырар» тақырыбында шығарма жазу.

VII. Бағалау

Нәтиже

Оқушылардың жауап беру белсенділігі, мәтінмен жұмыс сапасы, талдау дәлдігі және қорытынды ой айту деңгейі бойынша бағаланады.