Үлкенірек ыдысқа сүтті құйып үстіне жұмыртқа, йогурт, шекер, тұз, ұн, көпсіткіш, ванильді қант барлығын қосып араластырыңыз
Қажетті өнімдер
Мөлшерлер 1 рет пісіруге арналған.
Құймаққа арналған
- Ұн — 200 г
- Сүт — 150 мл
- Йогурт — 2 шай қасық
- Жұмыртқа — 1 дана
- Ванильді қант — 1 шай қасық
- Көпсіткіш (разрыхлитель) — 1/2 шай қасық
- Қант — 2 ас қасық
- Тұз — бір шымшым
- Сұйық май — қуыруға қажет
Ішіне салуға және үстіне себуге
- Банан — 1 дана
- Бал — қалауыңызша
- Даршын (корица) — 2 шай қасық
- Қант ұнтағы — 1 шай қасық
Кеңес: табаңыз «бауырсақ пісіретін» қалыңдау болса, құймақ жақсы әрі жабыспай піседі.
Жасалу тәсілі
-
1
Қамырды дайындау
Үлкен ыдысқа сүтті құйыңыз. Үстіне жұмыртқа, йогурт, қант және тұзды қосып, жақсылап араластырыңыз. Содан кейін ұн, көпсіткіш және ванильді қантты қосып, біркелкі қоймалжың болғанша араластырыңыз.
-
2
Құймақты қуыру
Табаны қыздырып, аздап сұйық май жағыңыз. Қамырды бір ожаудан құйып, екі бетін алтын түске дейін пісіріңіз.
-
3
Салмасын әзірлеу
Бананның қабығын аршып, дөңгелектеп тураңыз.
-
4
Құймақты толтырып, орау
Дайын құймақтың үстіне бананның 2–3 тілімін қойыңыз. Үстіне 1 шай қасықтай бал жағып, даршын мен қант ұнтағын себіңіз де, құймақты ораңыз. Қаласаңыз, оралған құймақты ортасынан екіге бөліп ұсынуға болады.
Дайындаған:
Жадыра