Мақсатты білім беру - тұлға дамуын жүзеге асыратын мәселе
Мұғалім – болашақтың білім нәрін себушісі
Ұстаз – оқушы алдында мәртебесі қашан да биік жан. Тәрбиенің қайнар көзі, әрине, білімде. Білімді өскелең ұрпаққа жеткізіп, тәрбиені қатар беру ісінде ұстаздың рөлі айрықша.
Басты ой: Жеке тұлғаны, яғни дарынды әрі шығармашыл тұлғаны қалыптастыру – білім мен тәрбие берудегі мемлекеттік істің ең маңызды бағыттарының бірі.
Жаңарған талап, жаңарған жауапкершілік
Жас ұрпаққа жаңаша білім беру жолында түбегейлі өзгерістер жүріп жатыр. Мақсатты білім беру – тұлға дамуын жүзеге асыратын негізгі мәселе. Адамзат баласы ұрпағын оқыту мен тәрбиелеудегі тиімді ізденістерін жалғастырып, тың жолдар іздей береді; педагогиканың озық үлгілерін жаңашылдықпен дамыту да үзілмек емес.
Оқытудың жаңа әдіс-тәсілдерін сабақта кең қолдану – бүгінгі күннің талабы. Сол үшін менің педагогикалық ұстанымым берік болуы керек. Өз еңбегімнің әр күнін, әр сағатын сапалы білім беруге және саналы тәрбиеге баулуға арнауды мақсат еттім.
Тәрбиенің өзегі: ұлттық құндылық
Қазақ халқы қашан да бала тәрбиесіне үлкен мән берген. Үлкенге құрмет көрсету, кішіге қамқор болу, қайырымдылық пен мейірімділік таныту, ата-ана қартайса бағу-қағу – тәрбиенің берік негізі.
Халқымыздың қанға сіңген әдет-ғұрпы мен салт-дәстүрін өскелең ұрпақтың бойына дарыту – ұстаздар қауымы мен ата-ананың ортақ міндеті. Сондықтан тәрбие сағаттарының тақырыптарын өмірдің өзекті мәселелерін қозғайтын мазмұнға негіздеймін.
Ұлттық сана-сезімді қалыптастыру
«Ардақтайық қазақтың ата салтын!» тақырыбындағы ашық тәрбие сағаты.
Еңбек пен кәсіпке бағыттау
«Мал өсірсең, қой өсір, өнімі оның көл-көсір» атты ашық тәрбие сағаты.
Мамандық таңдауға бағдар
«Кім боламын?» тақырыбындағы ашық тәрбие сағаты.
Дәстүрді таныту және ізеттілік
«Бесікке салу рәсімі» және «Құрметтейік қарттарды» сыныптан тыс шаралары.
Отбасылық ынтымақ
Отбасылық «Толағай» сайысы.
Психологиялық қолдау
Мектеп психологы Галиулина Анар Тәженқызымен «Эмоция», «Түстер әлемі» тақырыптарындағы тренинг-сабақтар.
Қоғаммен байланыс және қауіпсіздік мәдениеті
«Бақытты балалық шақ» сурет көрмесі және полиция қызметкері Мухаметалин Берік Қалиұлымен тағылымды кездесулер.
Сынып жетекшісі ретіндегі ұстаным
Тәрбие арқылы баланың түрлі іс-әрекетін тиімді ұйымдастырып, оның дамуына қажетті материалдарды іріктеймін. Айналадағы табиғи және әлеуметтік ортаға көзқарасын қалыптастыруға, таным көкжиегін кеңейтуге ұмтыламын.
Тәрбие жұмыстарының дұрыс бағытын табу нәтижесінде оқушының ой-өрісі кеңейеді, эстетикалық сезімі мен талғамы артады, адамгершілік қасиеттері нығаяды.
Мұғалім беделі және қоғамдық жауапкершілік
Мұғалім – болашақтың білім нәрін себушісі. Бүгінгі қоғамда мұғалім беделін көтеру – басты мақсаттардың бірі. Алайда кейбір ата-аналардың көзқарасында мұғалім «ақша жинаушы», «сабақты дұрыс өтпейтін» адам ретінде қабылданып, бала тентектік жасап, бір нәрсе бүлдірсе де кінә мұғалімге жабылатын жағдайлар кездеседі.
Осындай жат қылықтарды мектеп өмірінен алыстату үшін мұғалімнің ерен еңбегі мен төзімділігі, сауаттылығы, еңбексүйгіштігі және мықты ұстанымы қажет. Сонда ғана біз мұғалім беделін нақты іспен көтере аламыз.