Қазақша рефераттар

Оқушылардың зат есімнің септелуі туралы білімдерін нығайту

Сабақтың тақырыбы

Көмектес септік (86–91-жаттығулар).

Сабақтың мақсаттары

1) Білімдік

  • Зат есімнің септелуі туралы білімді нығайту.
  • Көмектес септіктегі сөздердің қандай сұрақтарға жауап беретінін және жалғауларын меңгерту.
  • Жаттығулар мен тапсырмалар арқылы көмектес септік бойынша білімді еске түсіріп, кеңейту.

2) Дамытушылық

  • Ой-өрісті, танымдық қабілетті дамыту.
  • Сөздік қорды байыту.
  • Шығармашылық қабілетті жетілдіру.

3) Тәрбиелік

  • Тиянақтылыққа тәрбиелеу.
  • Салауатты өмір салтын қалыптастыру.
  • Мәдениетті сөйлеуге және шапшаңдыққа баулу.

Сабақтың сипаты

Сабақтың түрі
Сайыс сабақ
Сабақтың типі
Білімді тиянақтау
Сабақтың әдістері
Сұрақ–жауап, әңгімелеу, практикалық жұмыстар
Көрнекілігі
Слайд топтамалары, суреттер, үлестірмелі қағаздар, шағын көрініс
Пәнаралық байланыс
Ана тілі, дүниетану

Сабақтың барысы

I. Ұйымдастыру кезеңі

Қайырлы таң, достым, Жұманың сәті Сәттілікке толсын, Біздің алар бағамыз — Кілең «бестік» болсын!

II. Үй тапсырмасын сұрау

85-жаттығу. Берілген сөздерді көмектес септікке қойып, олармен сөйлем құра.

III. Жаңа тақырыпты меңгерту

Сайыс сабақ форматы бойынша оқушылар екі топқа бөлінеді:

I-топ

Ойшылдар тобы

II-топ

Тапқырлар тобы

IV. Дәптермен жұмыс

86-жаттығу. Көп нүктенің орнына тиісті септік жалғауларын қойып, сөйлемдерді көшіріп жаз.

  • Оқығанды көңілге ықыласпен тоқылық.
  • Хат Астанадан келіпті.
  • Асыл Жанармен сөйлесті.
  • Қойдың жүні пайдалы.
  • Жүннен фабрикада түрлі маталар тоқылады.

87-жаттығу. Жұмбақты оқып, жатқа айт. Шешуін тап.

Екі ішек бар далада, Ауылды жалғар қалаға, Қаланы жалғар ауылға — Екі ішекпен зулайды ел, Жауында да, дауылда.

Шешуі: пойыз жолы (рельс).

88-жаттығу. Ребусты шеш. Шешуіндегі сөзді қатыстырып сөйлем құра.

(Ребус тапсырмасы мұғалім дайындаған материалдар бойынша орындалады.)

V. Сергіту сәті

Зат есім септеледі жеті түрде, Бір-бірімен шатастырып алып жүрме. Жалғанатын жалғаулары сан түрлі ғой — Жатта соны, босқа жүрме! Атау, Ілік, Барыс, Табыс, Жатыс, Шығыс, Көмектес. Жаттап алсаң, балақай, Зат есімді септе тез.

VI. Шығармашылық тапсырмалар

89-жаттығу. Сурет бойынша әңгіме құра. Әңгімеде көмектес септіктегі сөздер кездесетін сөйлемдер болсын.

91-жаттығу. Өлеңді ұйқасына лайық сөзбен толықтыр да, көшіріп жаз.

I-топ

Тұмсығымен шымшып, Құрт тереді ......

Жауабы: шымшық.

II-топ

Сылдыр қағып, Таудан құлап, Жатыр ағып, Мөлдір .......

Жауабы: бұлақ.

VII. Қорытынды

Септіктер тақырыбы бойынша шағын көрініс көрсетіледі (сахналау).

VIII. Үй тапсырмасы

90-жаттығу. Берілген зат есімдерді екі түрлі септікке қойып, жақшадағы сөзбен тіркестіріп жаз.

  • Гүлнұр (бару)
  • Жіп (байлау)
  • Қол (жуу)
  • Ән (айту)

IX. Бағалау

Оқушыларды мақтау–мадақтау әдісі арқылы бағалау жүргізіледі.