Құрметті аяулы, ардақты аналар
Автор туралы
Батыс Қазақстан облысы, Орал қаласы, №5 ОЖББМ бастауыш сынып мұғалімі: Ескалиева Гүлзира Қонысқызы.
Тақырыбы
Менің анашым
Мақсаты
- Балаларды аналарға деген сүйіспеншілікке баулу, ана еңбегін ардақтап, мейірімділікке және сый-құрметке тәрбиелеу.
- Оқушылардың ой-өрісін кеңейтіп, тіл байлығын және ойлау қабілетін дамыту.
- Оқушыларға ата-ана алдындағы парыз бен жауапкершілік туралы түсінік беру.
Көрнекілігі
- Тәрбие сағаты өтетін бөлмені мерекеге лайық безендіру.
- «Ана — өмір себуші» тақырыбындағы буклеттер.
- Қанатты сөздер мен нақылдарды қабырғаға іліп қою.
«Ананың көңілі балада, баланың көңілі далада».
«Анаңды Меккеге арқалап барсаң да, қарызынан құтыла алмайсың».
Сабақтың барысы
- 1 Ұйымдастыру кезеңі.
- 2 Психологиялық кезең.
Жүргізуші сөзі
Құрметті ұстаздар, қыздар! Сіздерді келе жатқан 8-наурыз — Халықаралық әйелдер күнімен құттықтаймын. Сіздерге зор денсаулық, мол бақыт тілеймін.
Өмірдің көркі — көктем айы. Ол мейірім шуағын төгіп, қуанышын қоса ала келеді. Осы айда адамзат баласы үш әріптен тұратын ұлы есім — Ана алдында бас иеді. Аналарымыздың дәстүрлі мерекесі де — 8-наурыз күні.
Бұл күні төрткүл дүниедегі ең қадірлі жандар — аналар мен қыз-келіншектерге ерекше құрмет көрсетіліп, шын ықылас танытылып, сыйлықтар табысталады.
Құрметті аяулы, ардақты аналар! Өміріміздің гүлі, қуанышы — сіздер. Бар әлемге шуақ мейірім төккен көктем айы сіздер үшін аса қымбат.
Әйел — шаңырақтың ұйытқысы, ырыс-берекенің алтын діңгегі. Сонау заманнан бері ер-азаматқа тірек болып, жігер берген аналарымыз қаншама!
«Арулар — асыл жандар, ардақтылар,
Өмірдің жылуы боп қалмақ бұлар.
Арулар — тіршілікке күретамыр,
Өмірді бір-біріне жалғап тұрар».
Олай болса, бір қолымен бесікті, бір қолымен әлемді тербеткен аналарымыздың мерекесі құтты болсын!
«Әлемнің жарығын сыйладың сен маған…»
1 «Г» сыныбы әзірлеген ертеңгілікті тамашалауға рұқсат етіңіздер.
Оқушылардың тақпақтары
1-оқушы
Ана дейміз бәріміз де аңқылдап,
Ана дейді жас сәби де жарқылдап.
Ана деген — бәйтерегі өмірдің,
Ана деген — алтын қазық, алтын бақ.
Ана деген — асыл жан, бұлақтай,
Уа, адамдар, қадірлей біл ананы,
Жат қылыққа ақыл-ойды тоңатпай.
2-оқушы
Ана десем, сезім билер тым ыстық,
Жарасымды адамдарға туыстық.
Бар адамға берсе ананың мейірін,
Орнар еді бар әлемге тыныштық.
3-оқушы
Анамның саясында ер жеттім мен,
Аялы ақ бесікте тербетілген.
Анамдай ақ ниетті абзал жанды
Таппаспын айналсам да жер бетінен.
4-оқушы
Аялаған, баптаған,
Асыраған, сақтаған.
Сақтандырып күнде еппен,
Айтып, бәрін үйреткен.
Анамызға мың алғыс!
5-оқушы
Әженің біз — күніміз,
Ананың біз — гүліміз.
Құттықтаймыз мейраммен,
Ұзақ өмір сүріңіз!
6-оқушы
Жанымызды жайнатқан —
Сіздерсіздер, аналар!
Зор денсаулық, мол бақыт
Тілейміз біз, балалар!
7-оқушы
Үлкен-кіші әркімде
Әже де бар, ана бар.
Аналарды әр күнде
Қуантса екен балалар.
8-оқушы
Әлпештеген баласын —
Ана — бақыт, ана — күн.
Әркім сүйіп өз анасын,
Мақтан етер әркім.
Ескерту
Толық нұсқасын жүктеу бөлімі бастапқы мәтінде көрсетілгенімен, сілтеме берілмеген.