Қош бол, сүйікті әліппе
Қош бол, сүйікті әліппе!
Бүгінгі қуанышты күн — әліппемен қоштасу мерекесі. Құтты болсын!
Мұғалімнің құттықтауы
Бүгін — балалардың алдағы бағындырар биік белестерінің ең алғашқы қадамы: әліппемен қоштасу. Білім жолындағы белестерге қанаттары талмай көтеріле берсін деп тілеймін.
Енді бүгінгі мерекеде осы жарты жыл ішінде меңгерген білімдерін тамашалаңыздар.
1-жүргізуші
Өлең
Өтті оқу сан сабақ,
Бүгінгі үлкен салтанат.
Оқулықпен достастық,
Әліппемен қоштастық.
Өсті міне ойымыз,
Құтты болсын тойымыз!
2-жүргізуші
Өлең
Көз салып қараңызшы бойымызға,
Ортақ болып бүгінгі өскен ойымызға.
Қош келіпсіз, ұстаздар, ата-аналар,
Әліппемен қоштасу тойымызға!
Қысқа диалог
Біз оқи да, жаза да алатын болдық. Бұл білімді бізге не үйретті?
Әліппе — біздің досымыз.
Ендеше, әліппені ортаға шақырайық!