Әңгімені сахналауды ұсыну
Тақырып және ортақ бағыт
- Тақырыбы
- «Мақта қыз бен мысық» (қуыршақ театры)
- Ортақ тақырып
- «Жолдар бізді қайда бастайды?»
- Бағыт
- Сөйлеу мәдениеті, сәлемдесу әдебі, рөлдік қарым-қатынас
Оқыту мақсаттары
Сөйлеу дағдылары
- 0.1.1.1 Ілікпе сөздер мен фразаларды айту кезінде тыныс алуды реттеу.
- 0.1.1.2 Дыбыстарды әртүрлі екпінмен анық әрі дұрыс айту; сыбырлап та, қатты да айту.
- 0.1.2.3 Интонация түрлерін ажырата алу және дұрыс қолдану.
Театрландыру және өзара әрекет
- 0.3.1.4 Басқа кейіпкерлермен рөлдік қарым-қатынасқа түсу.
- 0.3.1.5 Түрлі қуыршақтарды (киілмелі, сылдырмақты) пайдаланып, қуыршақты басқарудың кейбір тәсілдерін меңгеру.
- 0.3.1.6 Ым-ишара, дауыс ырғағы және ойын атрибуттары арқылы таныс шығарма негізінде кейіпкер бейнесін жасау.
Күтілетін нәтиже
Барлық тәрбиеленушілер
- Ілікпе сөздер мен фразаларды айтуда тыныс алуды реттейді.
- Дыбыстарды әртүрлі екпінмен анық әрі дұрыс, сыбырлап және қатты айта алады.
Көпшілік тәрбиеленушілер
- Интонацияны ажыратады және дауыс мәнерін келтіре алады.
- Басқа кейіпкерлермен рөлдік қарым-қатынас жасай алады.
Кейбір тәрбиеленушілер
- Киілмелі, сылдырмақты қуыршақтармен жұмыс істеудің кейбір тәсілдерін меңгереді.
- Ым-ишара, дауыс ырғағы және атрибуттар арқылы кейіпкер бейнесін сенімді жеткізеді.
Тілдік мақсат
Дағдылардың дамуы
- Алынған ақпарат бойынша толық жауап беру.
- Әңгіме мазмұны бойынша диалог құрастыру.
- Лексиканы қолдана отырып, образды жеткізу.
Көптілділік
Сәлем!
Привет! — Hi!
Сәлеметсіз бе!
Здравствуйте! — Hello!
Қайырлы таң!
Доброе утро! — Good morning!
Негізгі терминдер
- Ассалаумағалейкүм
- Уағалейкүмассалам
Пікір алмасу сұрақтары
- «Үлкенге құрмет» дегенді қалай түсінесіңдер?
- Қандай сәлемдесу түрлерін білесіңдер?
Алдыңғы білім
Тәрбиеленушілер ым-ишараны, дауыс ырғағын және ойын атрибуттарын қолдана алады; интонацияларды ажыратады; ауызша сөйлегенде дыбыстарды анық айтады. Кейіпкерлердің іс-әрекеті мен дауыс мәнерін сәйкестендіре алады.
Сабақ барысы
I. Көңіл күй қалыптастыру
0–2 минут
Тәрбиеленушілерге жағымды ахуал қалыптастыру үшін шағын өлең жолдары айтылады:
Шеңбер болып тұрайық,
Алақанды ұрайық,
Күннің нұрын салайық,
Таза ауадан алайық,
Жылуын жүрекке салайық.
Жиналған жылы шуақты
Бір-бірімізге шашайық.
Қонаққа барғанда, қонақ келгенде, мектепте немесе көшеде адамдардың бір-бірімен қалай амандасатынын еске түсіру ұсынылады.
II. Өмірлік тәжірибені өзектендіру
3–5 минут
Ойын-жаттығу: «Сәлемдесу»
Балалар бір-бірін қайталамай, әртүрлі дауыс ырғағымен және қимыл-қозғалыспен амандасады.
III. Тақырып бойынша жұмыс
6–27 минут
Әліппе-дәптер
1-тапсырма
Берілген сурет бойынша өз достарымен сәлемдесуді көрсетіп, қайталау.
Айсұлу: Әдепті баланың тәрбиесі сәлемінен-ақ көрінеді. Халқымыз ежелден сәлемдесуге ерекше мән берген. Әңгімені амандасудан, есен-саулық сұрасудан бастаған. Қол алысып амандасуға да ерекше көңіл бөлген.
- Сәлемге байланысты қандай сөздерді білесіңдер?
- Тәулік мезгіліне қарай: «Қайырлы таң!», «Қайырлы күн!», «Кеш жарық!» деп амандасады.
- Кім бірінші болып амандасуы керек?
Жауап үлгісі: кіші адам үлкенмен, ер бала қыздармен бірінші болып амандасады. Үйге немесе сыныпқа кірген адам отырғандармен алдымен сәлемдеседі; кетерде қоштасады.
Рөлдік диалог
Сәлемдесу үлгілері
Ата мен баланың сәлемдесуі
— Ассалаумағалейкүм!
— Уағалейкүмассалам!
Ата мен әженің сәлемдесуі
— Амансың ба?
— Есенсің бе?
Әже мен немеренің сәлемдесуі
— Сәлеметсіз бе?
— Амансың ба, шырағым?
Көптілділік
- Сәлем! — Привет! — Hi!
- Сәлеметсіз бе! — Здравствуйте! — Hello!
- Қайырлы таң! — Доброе утро! — Good morning!
Тіл ұстарту
2-тапсырма
Қуаныш балаларды тіл жаттықтыруға шақырады:
Же-же-же — мейірімді әже.
Лем-лем-лем — мен айтамын сәлем.
Ол-ол-ол — зерлі қамзол.
Көркем әдебиетпен байланыс
3-тапсырма
«Тіл дамыту және көркем әдебиет» сабағында танысқан «Кішіпейіл бала» әңгімесін еске түсіру. Сызба бойынша мазмұнын айтып, досыңмен бірге диалог құрастыру ұсынылады.
Әңгімені сахналауға болады: балалар «сиқырлы дорбадан» кейіпкерлердің суреті бар карточкаларды алады (ана, бала, сатушы, әже), ал қалғандары көрермен болады.
Сахналау
Театрға бару диалогі
Кассадан билет алу
1-бала: Сәлеметсіз бе, кассир апай!
2-бала (кассир): Сәлеметсіңдер ме, балалар!
1-бала: Бізге театр қойылымына билет бересіз бе?
2-бала (кассир): Әрине!
Балалар ақша төлеп, билет пен бағдарламаны алады.
Балалар: Рақмет!
Кассир: Оқасы жоқ!
Балалар билеттеріне сәйкес орындарына отырады.
Шығармашылық жұмыс
4-тапсырма
Жеке жұмыс
Айсұлу әжеге сыйлық жасауға ұсынады: әжеге сыйлыққа ұнайтын заттың суретін салу (орамал, көзілдірік, сақина, білезік және т.б.).
Қосымша мәлімет
- Педагогтің аты-жөні
- Құттымбетова Т. Н.
- Материал
- «Мақта қыз бен мысық» (қуыршақ театры)