Күз мезгілі келді, Жемістерін беріп түр
Күз туралы шығармалар жинағы
Міне, қабағын түйіп, жаңбырлы күз келді. Күз — молшылықтың, байлықтың, берекенің айы. Қырман басы тазаланып, бау-бақша жиналып, құс базары тарқайтын кез.
Жаңбырлы күннің арасындағы шуақ
Інім екеуміз терезе алдында отырмыз. Сыртқа шыға алмаймыз — апам рұқсат етпеді. Кешеден бері аспанды суық бұлт торлап алды. Түс мезгілі болса да, қала іші түнеріп тұр. Бір сәтке өзімізді жаурап, діріл қаққандай сезіндік: «Ух, қандай суық еді!»
Сәлден соң күн ашылды. Ауыр бұлттар тарқап, қиғаштай құйылған нұрлы шуақтан айнала құлпырып, мамыражай күйге енді. Біз де сыртқа шықтық.
Көрініс
Иілген қайың бұтағындағы жұқа сары жапырақтар самалмен дірілдеп тұр. Бақ іші сары бояуға малынып, тып-тыныш. Жаздағыдай құстардың әсем үні естілмейді. Тек табан астындағы тапталған жапырақтардың судыр-судыры ғана бақтың тыныштығын бұзғандай.
Інім сары жапыраққа алақанын тосты. «Қап, тесіліп қалыпты!» — деді. Өзі де аяп тұр. Кенет күнбатыстан суық жел сусылдап соқты. Ағаш жапырақтары ұша жөнелді. Біз үлкендердің «үстеріңді лас қылмаңдар!» дегенін ұмытып, жұп-жұмсақ жапырақтардың үстінде аунап ойнадық. Қайың мен үйеңкі жапырақтарынан гүл шоқтарын жасадық.
Ауа бірте-бірте зілдене түсті. Көгілдір аспанға шыққан бұлттар қоюланып, жаңбырдың лебі сезілді. Әуелі ірі-ірі тамшылар батылсыз тамды да, кейін үдеп кетті. Жаңбыр тамшылары есікті, терезені, қаңылтыр шатырды таққылай жөнелді. Көше суға толып, ойпаң жерлерде көлшік пайда болды.
Негізгі ой
Адамдар оны «жаңбырлы күз», «суық күз», «қара күз» деп айыптап жатады. Ал біз оны «алтын күз» дейміз.
Біз алтындай сап-сары жапырақтардан жасаған гүл шоқтарын құшақтап, үйге қарай жүгірдік. Апам бұл жолы бізге ұрыспайды!
Алтын күз
Абай атамыз айтқандай, күз де келіп жетті. Жапырақтар сарғайып, жерге түсіп жатыр. Күз мезгілін «алтын күз» деп атаудың себебі — айналаның бәрі сары түске боялады.
Жыл төрт мезгілден тұрады, әр мезгіл өз сұлулығымен ерекшеленеді. Ал мен үшін орны бөлек — күз. Өйткені күз молшылықтың, байлықтың кезі болып саналады. Бұл уақытта адамдар қысқа дайындалады.
Көмек пен еңбек
Мен анама үйдің жанындағы бақшадан көкөніс теруге, алма ағашынан алма жинап, себетке салуға көмектесемін.
Дәм мен денсаулық
Жемістерді қыста сағына жейміз. Олар өте пайдалы, денсаулыққа күш береді.
Күздің мінезі
Аспан жиі бұлттанып, ауа райы бұзылып, жаңбыр жауады. Күн сирек көрінеді, жылуы да азаяды.
Мектептегі «Алтын күз» мерекесі
Әдеттегідей, мектебімізде «Алтын күз» мерекесі өтеді. Мен осы сайысқа қатысып, бас жүлдеге ие болдым. Сол күнгі көтеріңкі көңіл күйімді жақындарыммен бөлістім.
Менің ойымша, күз мезгілі әр адамға береке мен молшылық әкеледі және баршамызға ұмытылмас әсер сыйлайды.
Сары күз
Алтын күз келді. Жапырақтар сарғайып, жерге түсіп жатыр. Жерге сары кілем төсеп қойғандай — жұп-жұмсақ. Күзді «алтын күз» дейтініміз де сондықтан: айнала түгел сары түске енеді.
Егін пісетін шақ
Күз мезгілінде бидай, тары, күріш, сұлы, арпа секілді дақылдар піседі. Маған күз мезгілі ұнайды.
Шағын өлең
Күз мезгілі келді,
Жеміс беріп тұр.
Жапырақтар сарғайып,
Құстар көшіп жүр.