Көңілі пасық ерде дәулет болмас
Сабақтың өзектілігі
«Ұлының аты өлмейді, ғалымның хаты өлмейді.»
Бұл сабақта Қорқыт ата мұрасының тарихи негізі мен көркемдік қуаты оқушының танымын кеңейтіп, ойды дәл әрі жүйелі жеткізу мәдениетін қалыптастыруға бағытталады.
Жалпы мақсат
- «Қорқыт ата кітабының» тарихилығын және көркемдік ерекшелігін таныту; білімді дамыта отырып, оқушының танымдық қабілетін арттыру.
- Әңгімелерді талдау арқылы өздігінен жұмыс істеуге машықтандыру, шығармашылыққа жетелеу.
Күтілетін нәтиже
Ойды жеткізу
Өз ойын жүйелі әрі нақты айту дағдысы қалыптасады.
Пікір айту мәдениеті
Пікірін еркін және ашық айтуға үйренеді.
Әділ бағалау
Бірін-бірі әділ бағалауға дағдыланады.
Сабақ барысы
1) Қызығушылықты ояту
«Қорқыт — қобыз» күйін тыңдату.
Ой шақыру мақсатында Қорқыт ата туралы деректі фильмнен үзінді көрсету.
2) Түрткі сұрақтар
- Бейнекөріністен нені түсіндіңіздер?
- Қорқыт ата кім болған, қай дәуірде өмір сүрген?
- Ол қандай қасиеттерімен халық жадында сақталған?
- «Қорқыт ата кітабы» қанша жырдан тұрады?
3) Мағынаны тану (Кубизм стратегиясы)
I топ
Зерттеңіз
Қорқыт ата туралы аңыздардың астарлы мәні.
II топ
Суреттеңіз
Күйдің шығу тарихы.
III топ
Салыстырыңыз
Қорқыт атаның нақыл сөздері арқылы ой сабақтастығын табу.
Оқушыларға нақыл сөздер таратылып, әрқайсысы мәтінді оқып, өзіндік пікірін ортаға салады.
Қорқыт атаның қанатты сөздері
«Қыз анадан көрмейінше өнеге алмас, ұл атадан көрмейінше сапар шекпес.»
«Дәулетті ұлың болса, ошағыңның қоры болар; дәулетсіз ұл болса, ошағыңның соры болар.»
«Жер қадірін ел біледі, ел қадірін ер біледі.»
«Құлан құдыққа құласа, құрбақа құлағында ойнайды.»
«Көңілі пасық ерде дәулет болмас.»
«Қар қаншама қалың жауғанмен, жазға бармас.»