Қазақша рефераттар

Суретті аяқтау

Сабақ тақырыбы: Ұлттық натюрморт

Өтетін орны

Ақтөбе облысы, Алға ауданы, Нұрбұлақ ауылы

Мұғалім

Бирманов Н.А.

Сабақтың мақсаты

Білімділік

Оқушыларды ыдыстардан құралған натюрмортты бейнелеуге үйрету. Заттың жалпы формасын дұрыс беру және түстік қарама-қарсылық (контраст) заңын меңгерту.

Дамытушылық

Пәнге қызығушылықты арттыру, бояумен жұмыс істеу дағдыларын дамыту.

Тәрбиелік

Эстетикалық талғам қалыптастыру. Ұлттық бұйымдарды таныстырып, қадірлеуге тәрбиелеу.

Сабақтың форматы

Түрі

Дәстүрлі сабақ

Типі

Жаңа сабақ

Әдісі

Баяндау, көрсету, практикалық жұмыс

Көрнекілігі

Сурет кезеңдері плакаты, интерактивті тақта

Қажетті құралдар

  • Альбом
  • Бояу
  • Қалам
  • Өшіргіш
  • Палитра

Сабақтың барысы

I. Ұйымдастыру кезеңі

  1. Оқушылармен амандасу, түгендеу.
  2. Құрал-жабдықтарын тексеру.
  3. Алдағы жұмысқа сыныпты дайындау.

II. Ой ашар

«Натюрморт» тақырыбы бойынша сөзжұмбақ шешу арқылы оқушылардың бастапқы білімін белсендіру.

III. Жаңа сабақ

Натюрморт жанры француз тілінен аударғанда «өлі табиғат» деген мағынаны білдіреді. Батыс Еуропада XVII ғасырда натюрморт жанры қарқынды дамыды. Қазақстанда бұл бағыт XIX ғасырдан бастап кеңірек қалыптаса бастады.

Натюрморт салу барысында жарық пен көлеңкені дәл байқау және заттарды композициялық заңдылықтарға сай дұрыс орналастыру маңызды.

Бүгін біз ұлттық бұйымдардан құралған қарапайым натюрмортты бейнелейміз: торсық, кесе және алма.

IV. Практикалық жұмыс (кезең-кезеңімен)

  1. 1-кезең

    Натюрморттың орналасуын қағаз бетіне жеңіл сызықтармен белгілеп, композицияны орналастыру.

  2. 2-кезең

    Жарық түсетін және көлеңке түсетін бөліктерін анықтап белгілеу.

  3. 3-кезең

    Бояу жағу арқылы заттардың түстік контрастын (қарама-қарсылығын) дайындау.

  4. 4-кезең

    Түспе көлеңкені және заттардың бір-біріне түскен реңктерін көрсету. Суретті толық аяқтау.

V. Сабақты қорытындылау

Натюрморт жанры алғаш қай жерде қалыптасты?

«Натюрморт» ұғымы нені білдіреді?

Қандай ұлттық ыдыстарды білесің?

VI. Бағалау және үй тапсырмасы

Бағалау

  • Жұмыстардан шағын көрме ұйымдастырып, үздік салынған суреттерді таныстыру.
  • Кемшілігі бар жұмыстарды талдап, түзету жолдарын көрсету.

Үй тапсырмасы

Үйде натюрморт салып келу.

Кеңес: 2–3 заттан бастап, жарық бір бағыттан түсуін қадағалаңыз.