Қазақша рефераттар

Етікші деген ертегі

Сабақ туралы қысқаша мәлімет

Пән
Әдебиеттік оқу (2-сынып)
Сабақтың тақырыбы
«Етікші» (ертегі)
Сабақтың түрі
Дәстүрлі
Сабақтың типі
Білімді жетілдіру

Сабақтың мақсаты

  • 1) Білімділік

    Ертегіні түсініп оқуға үйрету, мағынасын ашу, негізгі ойды анықтау.

  • 2) Дамытушылық

    Ойлау мен қиялды дамыту; зейінін күшейту; сөздік қорын молайту; оқиғаны елестетіп, жүрекпен сезіну және өз ойын жүйелі жеткізу дағдыларын қалыптастыру.

  • 3) Тәрбиелік

    Еңбексүйгіштікке, татулыққа, адалдыққа тәрбиелеу.

Әдіс-тәсілдер

Пікір алмасу, өз ойын ортаға салу, түсіндіру, тыңдай білу, сурет салу, сұрақ-жауап, жұмбақ шешу, ойын, топтастыру, салыстыру.

Көрнекі құралдар

Үнтаспаға жазылған ертегінің басы, «тылсым сан» тапсырмасы, бағалау парағы, плакаттағы жұмбақ, сөздік жұмысына арналған материалдар.

Пәнаралық байланыс

Математика, тіл дамыту.

Сабақтың барысы

I. Ұйымдастыру

  1. 1

    Үш топқа бөлу

    1-топ: Сұңқар, 2-топ: Бүркіт, 3-топ: Қаршыға.

  2. 2

    Сәттілік тілеу

    Музыка қойылады: оқушылар көзін жұмып, алақандарын түйістіріп, бір-біріне жылы сөздер айтады.

«Сиқырлы сандық» ойыны

Сиқырлы сандықтан әр топқа тапсырмалар беріледі:

1-топ

  • «Жалқау немере» ертегісінде әжесі немересіне қандай ой айтты?
  • «Еңбектің наны тәтті» дегенді қалай түсінесің?

2-топ

  • Әжесі мен немересі неліктен ашықты?
  • «Жалқаудың жаны тәтті» дегенді қалай түсінесің?

3-топ

  • Немересінің еңбек етуіне не әсер етті?
  • Бұл ертегі бізді неге тәрбиелейді?

II. Қызығушылықты ояту

Жұмбақ

Оның тіккен бұйымы,
Аяғыңды қаптайды.
Шыға қалса жұлымы,
Әдемілеп баптайды.

Жауабы: етікші

«Тылсым сан» тапсырмасы

Жұмбақтың шешуіне жету үшін математикалық өрнектерді шығарамыз:

Өрнектер

19 − 3, 60 − 8, 30 + 10, 80 − 25, 25 + 5, 17 + 23, 22 + 18

Шыққан нәтижелер

16, 52, 40, 55, 30, 40, 40

Құрастырылған сөз

16 – Е, 52 – Т, 40 – І, 55 – К, 30 – Ш, 40 – І, 40 – (І) → Етікші

Бүгінгі жаңа сабағымыздың тақырыбы — «Етікші» ертегісі. Мақсатымыз: ертегіні түсініп оқу, мағынасын ашу, негізгі ойды анықтау және өз пікірімізді жеткізу.

III. Мағынаны ажырату

  • 1) Тыңдалым

    Үнтаспадан «Етікші» ертегісінің 1–2-абзацы тыңдалады.

  • 2) Оқулықпен жұмыс

    Келесі абзацтарды оқушылар тізбектеп оқиды.

  • 3) Топтық жұмыс (1-тапсырма)

    1-топ

    Келесі бес абзацты оқып, мағынасын ашады.

    2-топ

    Келесі төрт абзацты оқып, мағынасын ашады.

    3-топ

    Келесі абзацтарды оқып, мағынасын ашады.

IV. Сөздік жұмысы

Қобди

Ұсақ-түйек салатын кішкентай жәшік.

Иесіз қыстау

Бос қалған, иесі жоқ үй.

Дәу

Үлкен, алып.

Мұрат

Алға қойған мақсат, арман, тілек.

V. Топтық жұмыс

2-тапсырма (дәптермен жұмыс)

1-топ

Дәуге мінездеме жазыңдар.

2-топ

Етікшіге мінездеме жазыңдар.

3-топ

Еңбек туралы 2–3 мақал жазыңдар.

Топтардың жұмыстары кезекпен оқылып, талқыланады.

3-тапсырма

1-топ

Ертегі мазмұны бойынша өз ойларыңды білдіріңдер.

2-топ

Етікшінің орнында болсаң, не істер едің?

3-топ

Етікшінің дәуден алған байлығын қалай үлестіргені туралы жерді тауып, дауыстап оқы.

VI. Шығармашылық жұмыс

Топтық жұмыс (4-тапсырма):

1-топ

«Егер мен етікші болсам…» (шағын әңгіме жазу).

2-топ

«Егер мен дәу болсам…» (шағын эссе жазу).

3-топ

Етікшінің тіккен сиқырлы етігінің суретін салу.

VII. Ой толғаныс

Венн диаграммасы

Топтастыру арқылы кейіпкерлердің қасиеттерін салыстырыңдар:

  • 1-топ: дәудің қасиеттері
  • 2-топ: етікшінің қасиеттері
  • 3-топ: ортақ қасиеттері

Талқылауға бағыт беретін сұрақтар

Кілтті ой

Еңбек, адалдық және татулық — ертегінің негізгі өзегі.

Дәлел

Мәтіннен кейіпкер әрекеттері арқылы осы құндылықтардың қалай көрінетінін табу.

VIII. Ойын

«Сиқырлы етіктің иесі»

Музыка ойналады. Музыка тоқтаған сәтте әр оқушы орындыққа отырып үлгеруі керек. Отыра алмаған оқушы ойыннан шығады. Жеңген оқушы «сиқырлы етікті» иемденеді.

IX. Қорытынды

Не үйрендік?

Білім алдық

Жұмыс түрлері

Оқыдық, үйрендік, сурет салдық, жаздық

Көңіл күй

Жақсы, сергек

Сезім

Тамаша

X. Бағалау

Өзіндік бағалау жүргізіледі, бағалау парағы толтырылады.

XI. Үй тапсырмасы

  1. Ертегіні оқып, мазмұнын айтуға дайындалып келу.
  2. Ертегінің мазмұнына сәйкес сурет салып келу.