Қазақша рефераттар

Мақал - мәтелді тап

Сабақтың тақырыбы

Лексика бөлімінен өткенді қайталау.

Сабақтың мақсаты

  • Лексика тарауларынан алған білімді тексеру және бағалау.
  • Іскерлік дағдыларын дамыту.
  • Танымдық белсенділікті арттыру.

Оқытуда қолданылатын модульдер

  • Сыни тұрғыдан ойлауға үйрету.
  • Оқыту мен оқудағы әдіс-тәсілдер.
  • Оқушылардың жас ерекшеліктеріне сәйкес оқыту және оқу.

Оқу нәтижелері

  • Іскерлік дағдылары мен сыни ойлауы қалыптасады.
  • Танымдық белсенділігі артады.
  • Бірін-бірі бағалау дағдысы дамиды.
  • Логикалық ойлау және сауаттылық деңгейі көтеріледі.

Өзара әрекеттестік және әдіс-тәсілдер

  • Топтық, жұптық, жеке жұмыс.
  • Талантты және дарынды оқушылармен жұмыс.
  • «Деңгейлік тапсырмалар», «Мюнстенберг» әдісі, тест.

Бағалау және ресурстар

Формативті бағалау

  • Қол шапалақтау
  • Жұлдызша беру
  • Жетон арқылы бағалау

Ресурстар

  • АКТ
  • Үлестірме материалдар
  • Деңгейлік тапсырмалар
  • Тірек-сызба
  • Интернет-сайт материалдары

Сабақтың барысы

I. Ұйымдастыру кезеңі

  • Сыныпта ынтымақтастық атмосферасын қалыптастыру.
  • Топқа бөлу: «Білімділер», «Намыстылар», «Көріктілер».
  • Бағалау парақшаларын тарату.
  • Психологиялық тренинг.

II. Мұғалімнің кіріспе сөзі

Құрметті оқушылар! Бүгінгі сабағымыз — лексикадан өткенді қайталау сабағы. Біз лексика бойынша өткен тақырыптарды жүйелеп, қорытынды жасаймыз.

Лексика ғылымы нені зерттейді? (Тірек-сызбаға назар аударайық.)

III. Антонимдерді мақал-мәтел арқылы жалғастыру (топтық жұмыс)

«Білімділер»

Дұшпан — дос, жақсы — жаман

«Көріктілер»

Әдепті — әдепсіз, туады — өледі

«Намыстылар»

Қорқақ — батыр, суық — жылы

IV. Деңгейлік тапсырмалар

I топ: Табу сөз дегеніміз не?

«Бикеш-ау, күйеу таңдаймын деп, сен де жұртты басындырып болдың-ау!»

Тапсырма: Үзінді қай ертегіден алынған? Мәтін ішінен табу сөзді табып, белгілеңдер.

II топ: Эвфемизм мен дисфемизм дегеніміз не?

Сөздер: мылжың, сараң, аузы жеңіл, өлді, қолының сұғанағы бар, ақсақ, қоспай айт, саңырау, боқмұрын, бақиға аттанды, қолынан түк келмейді, қолды болды, сөзуарлау.

Тапсырма: Эвфемизмдерді бір бөлек, дисфемизмдерді бір бөлек топтап жазыңдар.

III топ: Көнерген сөздер дегеніміз не?

«Басына дулығасын киіп, көп қол — әскерін жиып, мылтығын асынып, ағаш үйдің қасында отырған кім?»

Тапсырма: Бұл кім? Қай шығармадан? Тарихи сөздер мен архаизмдерді табыңдар.

Сергіту сәті: «Жүйрік болсаң, озып көр»

Мақал-мәтелді жалғастырып жауап беріңдер:

  1. Қар жана ма?
  2. Инемен құдық қазуға бола ма?
  3. Аппақ қарға бола ма?
  4. Ең тәтті не?
  5. Адамның қай мүшесі қорқақ, қай мүшесі батыр?
  6. Етікті қонышынан басып киюге бола ма?
  7. Ер неше рет батыр, неше рет қорқақ?
  8. Тауық түс көре ме?
  9. «Көрдім», «көрмедім» деген неше сөз?
  10. Оттан да ыстық не?
  11. Отқа түсіп күймеуге бола ма?
  12. Қандай бала сүйкімді?

Оқулықпен жұмыс

216-жаттығу

Сөздердің тура мағынасын табу.

217-жаттығу

Синонимдік қатар құрастыру.

218-жаттығу

Сөздерді фразеологизмге, тұрақты тіркеске айналдыру.

«Мюнстенберг» әдісі

Шатасқан әріптердің арасынан мағыналы сөздерді тауып, белгілеңдер.

Вншағашшедышыршанемоедарынжаотанымдплпоқуогшнәтижелдплджылолл дмектеплдолғылымолплдәлеуметлдлоқушыолаплкөрушгдзейінждыжэхзппбалашещзбілімгещскезеңолвщкміндетлдыжоблыспнущдамытузелжойындвщшәрекетопгпедагогжвщшуақытжхухбасшыолпагшуақлдазжылущлдхтәжірибезхкндтдтұқымырщқұралдыушзпсезімдлаплпсыныпдмдвшввхат

Білімді тиянақтау: тест

1. Сөз мағынасын зерттейтін тіл білімінің саласы:

  • A. Синтаксис
  • B. Морфология
  • C. Лексика

2. Тұрақты сөз тіркесін ажырат:

  • A. Ашық жер
  • B. Қоян жүрек
  • C. Хат жазу

3. Мақал-мәтелді тап:

  • A. Бала шаба жөнелді
  • B. Білімді бол
  • C. Ақылды бала — арлы бала

4. Антонимді ажырат:

  • A. Қызыл — ақ
  • B. Ақ — қара
  • C. Қызыл — көк

5. Омоним сөздер қатысқан сөйлемді табыңыз:

  • A. Ел үмітін ер ақтар
  • B. Көк алманы алма
  • C. Қарақұс — жыртқыш құс

6. Дұрыс жазылған сөз:

  • A. Жыуу
  • B. Жуу
  • C. Жуыу

7. «Жалығу» сөзінің синонимін табыңыз:

  • A. Зерігу, құмар болу
  • B. Еріну, көшіру
  • C. Зерігу, іш пысу

8. Неологизм сөзді белгіле:

  • A. Несие
  • B. Гарантия
  • C. Процент

9. Көнерген сөзді тап:

  • A. Саяжай
  • B. Найза
  • C. Сәулет

10. Табу сөзді көрсет:

  • A. Шырайлым
  • B. Бауырмал
  • C. Қайратты

Үй тапсырмасы

  • Сынақ тапсырмасы.
  • Ұлттық құндылықтар тақырыбында «Досыңа хат» жазу (баяндау және суреттеу тәсілдерін қолдану).