Қазақша рефераттар

Терезе элементтерін рет ретімен жаз

Сабақтың тақырыбы

MS Word мәтіндік редакторында жұмыс істеу

Сабақтың мақсаты

1) Білімділік

Word бағдарламасы бойынша оқушылардың алған білімдерін нығайту, тиянақтау, жүйелеу және қорытындылау; теориялық білімін практикамен ұштастыру; редакторда жұмыс істеу ережелерін бекіту.

2) Дамытушылық

Ойын түрлері арқылы оқушылардың тапқырлық және ізденімпаздық қасиеттерін қалыптастыру; шығармашылыққа баулу; өз ойын тиянақты жеткізуін дамыту; сабаққа қызығушылығын арттыру.

3) Тәрбиелік

Тәртіпке, ұқыптылыққа және мәдениеттілікке тәрбиелеу.

Сабақтың сипаттамасы

Сабақтың типі
Пысықтау; білім, іскерлік пен дағдыны жетілдіру сабағы.
Сабақтың түрі
Аралас сабақ: жеке және топтық жұмыс.
Көрнекілігі
Компьютер, Word мәтіндік редакторы, слайд, интерактивті тақта, Венн диаграммасы, тесттер, электрондық оқулық, таратпа карточкалар және т.б.

Сабақтың барысы

I. Ұйымдастыру кезеңі

  • Сәлемдесу.
  • Оқушыларды түгелдеу.
  • Екі топқа бөлу.
  • Қызығушылықтарын ояту.

II. Үй тапсырмасын тексеру

Венн диаграммасы ұсынылады. Оқушылар 7-сыныпта өткен WordPad мәтіндік редакторы мен Word мәтіндік редакторының мүмкіндіктерін салыстырып жазады.

MS Word

Мүмкіндіктері
  • Құжаттарды құру және теру.
  • Қаріптер жиынын пайдалану.
  • Кестелер, графиктер және математикалық формулалар енгізу.
  • Емле ережесін тексеру.
  • Сөздерді автоматты тасымалдау.
  • Сақтау және баспаға шығару.

WordPad

Мүмкіндіктері
  • Қарапайым мәтіндік редактор.
  • Мәтін мен абзацты пішімдеу.
  • Шекараларды (жиектерді) жылжыту.
  • Әртүрлі қаріпті орнату.
  • Сақтау және баспаға шығару.

III. Негізгі бөлім

1) Информатикалық диктант

Негізгі ұғымдар мен әрекеттерді нақты, қысқа түрде жазу.

  1. Microsoft Word бағдарламасын іске қосу әрекетін жаз.

  2. Терезе элементтерін ретімен жаз.

  3. Мәзір жолағының командаларын ретімен жаз.

  4. Редакциялау дегеніміз — …

  5. Мәтінді форматтау дегеніміз — …

  6. Құжаттың әрбір бетінің жоғары немесе төмен жағына басылатын мәтін немесе сурет қалай аталады?

  7. Microsoft Word-та кесте құру әдістерін жаз.

  8. Microsoft Word-та суретті қалай енгізуге болады?

2) Құралдарды сәйкестендіру

Тақтадағы құралдарды олардың қызметімен сәйкестендіру тапсырмасы.

1-топ Стандартты құрал-саймандар тақтасы

Оқушылар берілген құралдарды тиісті қызметтерімен сәйкестендіреді.