Қазақша рефераттар

Қышқылдардың химиялық формулалары

Химия сабағы • Негіздер

Сабақтың тақырыбы

Негіздердің құрамы, жіктелуі, алынуы, қасиеттері және қолданылуы.

Сабақтың мақсаты

  • Оқушыларға бейорганикалық қосылыстардың жаңа класы — негіздер, олардың құрамы және гидроксотоптың валенттілігі туралы түсінік беру.
  • Ион заряды мен тотығу дәрежесінің айырмашылығын көрсету.
  • Негіздердің қасиеттерін оқыту: суға және индикаторларға әсерін көрсету, алыну жолдарын түсіндіру.
  • Жіктелуі мен аталуының негізгі қағидаларын меңгерту.
  • Индикаторлар және сапалық реакциялар туралы түсінік беру.
  • Тұрмыста және халық шаруашылығында қолданылуын нақты мысалдармен байланыстыру.

Міндеттері

  • Негіздердің құрамын және қасиеттерін анықтауға жағдай жасау.
  • Оқушылардың талдау, салыстыру, қорытынды жасау және эксперименттік есептерді шешу дағдыларын дамыту.
  • Есте сақтау мен мағыналы ойлауды күшейту үшін өздігінен жұмыс жасау мәдениетін қалыптастыру.
  • Коммуникативтік дағдыларды дамыту.
  • Ұжыммен және жұппен жұмыс істеуге, өз мүмкіндігі мен білімін бағалай білуге тәрбиелеу.

Әдіс-тәсілдер

  • Әңгімелеу
  • Өздігінен жұмыс
  • Зертханалық жұмыс

Оқушылардың іс-әрекеті

Тақырыпты кесте және сызба түрінде өздігінен іздеу, топтасып жұмыс жүргізу, нәтижені дәлелдеп қорғау.

Көрнекіліктер

  • Ерігіштік кестесі
  • Индикаторлар кестесі
  • Демонстрациялық штатив, сынауықтар
  • Сілті ерітінділері, тұз үлгілері
  • Лакмус қағазы

Сабақтың барысы

Түсіну үшін бақылау қажет.

Назар: тапсырмаларда дәлелдеу, салыстыру және жіктеу дағдылары күшейтіледі.
I

Үй тапсырмасын тексеру

Сәйкестік тесті

Төмендегі сұрақтарға сәйкес келетін жауаптарды табыңыз.

Сұрақтар

  1. Оксидтер дегеніміз не?
  2. Тұздар дегеніміз не?
  3. Қышқылдар дегеніміз не?

Жауап нұсқалары

  1. 1. Екі элементтен тұратын, оның біреуі міндетті түрде оттегі болатын күрделі заттар.
  2. 2. Металл атомдары мен қышқыл қалдықтарынан құралған күрделі заттар.
  3. 3. Сутек атомдары мен қышқыл қалдықтарынан тұратын күрделі заттар.

Формула бойынша ажырату

Формулалар арқылы заттардың кластарын анықтаңыз.

Кластар

  1. Оксидтердің химиялық формулалары
  2. Негіздердің химиялық формулалары
  3. Тұздардың химиялық формулалары
  4. Қышқылдардың химиялық формулалары

Мысалдар

  • Негіздер

    KOH, Ca(OH)2, Cu(OH)2

  • Қышқылдар

    H2SO4, HNO3, H2CO3

  • Оксидтер

    Al2O3, ZnO, CaO

  • Тұздар

    MgSO4, Na2SO4, Ca(NO3)2

II

Жаңа сабақты түсіну

Мұғалім сабақтың тақырыбын жариялап, мақсат-міндеттерін нақтылайды: химия курсында біз бинарлы қосылыстармен және қышқылдармен таныстық. Бүгін күрделі заттардың жаңа класы — негіздерді оқып үйренеміз.

Тақтадағы формулалар

SO2 Cu(OH)2 Na2O NaCl H2SO4 NaOH CuS Al2O3 HCl Al(OH)3 HNO3

Тапсырма

  • 1-топ: берілген қосылыстардың ішінен бинарлы қосылыстарды теріп жазыңыз.
  • 2-топ: бинарлы қосылыстардан басқа формулаларды екі топқа бөліңіз.

Талқылау сұрақтары

  • Қандай белгілеріне қарап формулаларды екі топқа бөлдіңіз?
  • Бұл топтардың арасындағы ұқсастық қандай?

Автор туралы

Материал Атырау облысы, Индер ауданы, Махамбет атындағы орта мектептің химия пәнінің жоғары санатты мұғалімі Шалекенова Зухра Қайыпқызы тәжірибесіне негізделген.