Қазақша рефераттар

Бүгінгі Кім жүйрік

Сабақтың тақырыбы: «Кім жүйрік?»

Бұл сабақ ата-аналар мен балаларды ортақ сайысқа қатыстыра отырып, олардың халық ауыз әдебиеті мен салт-дәстүр туралы білімін, сондай-ақ ән-би, қолөнер сияқты халықтық өнерден хабардарлығын анықтауға бағытталған.

Сабақ барысында «Отбасы – Отанның бір бөлшегі» екені кеңінен түсіндіріліп, оқушыларды ынтымақ пен бірлікке, татулық пен ұйымшылдыққа тәрбиелеу көзделеді.

Әдісі

Ата-аналар мен балалардан құралған командалар арасындағы сайыс түрінде өтеді.

Көрнекілігі

ҚР рәміздері, Отан, отбасы, ынтымақ, бірлік туралы мақал-мәтелдер жазылған плакаттар.

Сабақтың барысы

Жүргізушінің кіріспе сөзі

«Атамыз қазақ: “Бала – адамның бауыр еті”, “Балалы үй – базар” дейді. Өйткені бала – өмірдің жалғасы, отбасының жеміс берер гүлі».

Бүгінгі «Кім жүйрік?» атты сайысқа екі отбасы қатысады. Енді осы отбасылардың өнерін бағалайтын қазылар алқасын тағайындаймыз.

Сайыс бөлімдері

  1. Таныстыру
  2. Күлдіргі жұмбақ
  3. Жарнама (үйден дайындалған тағамды таныстыру)
  4. Не істеуге болмайды? (сұрақ-жауап)
  5. Кім жылдам? (спорттық кезең)

«Кім жылдам?» кезеңінің тапсырмалары

  • Шарды жару
  • Ине сабақтау
  • Қапшықпен секіру
  • Асық ату
  • Арқан тарту

Сайысты бастауға шақыру

Төрт көзіміз түгел болса, сайысымызды бастайық!

«Сайыскерлер келіп жетті танысуға,
Сыпырды томағасын осы дұға.
Қызып келген қырандай керіледі,
Әдеппен, ізетпен дегендей…»

1-бөлім: Таныстыру

Қатысып отырған командалар өз құрамын таныстырып өтеді.

2-бөлім: Жарнама

Үйден дайындалып келген тағамды таныстырып, жарнамалау.

Күлдіргі жұмбақтар

Сайыскерлердің білім деңгейін байқау үшін күлдіргі жұмбақтарға кезек береміз.

  1. Кім барлық тілде сөйлейді? Жауабы: Жаңғырық.
  2. Тышқан аулағышты 5 әріппен қалай жазуға болады? Жауабы: Мысық.
  3. Дүниедегі ең шапшаң нәрсе не? Жауабы: Ой-қиял.
  4. Егер түнгі сағат 12-де жаңбыр жауса, 72 сағаттан кейін күн ашылып, шуақ түсе ме? Жауабы: Жоқ, ол уақыт та түн мезгілі болады.
  5. Қандай кезде аспан жерден төмен тұрады? Жауабы: Аспанның суреті суда көрінген кезде.
  6. Қандай бөшкеге су құюға болмайды? Жауабы: Іші толы бөшкеге.
  7. Үш түйеқұс ұшып келе жатты. Аңшы олардың бірін атып алды. Нешеуі қалды? Жауабы: Түйеқұс ұшпайды.
  8. Қосарланып жегілген ат 1 сағатта 12 км жүреді. Осы уақытта бір ат қанша жол жүреді? Жауабы: 12 км.
  9. Қандай үш санның көбейтіндісі олардың қосындысына тең? Жауабы: 1, 2, 3.
  10. Не нәрсе сенің меншігің, бірақ оны өзіңнен гөрі басқалар жиі айтады? Жауабы: Сенің есімің.

«Не істеуге болмайды?» (жалғастыр ойыны)

Бұл бөлімде шапшаң жауап беру қажет. Төмендегі бастамаларды дұрыс жалғастырыңыздар.

1-топқа

  • Үлкендер…
  • Бейуақытта…
  • Ауызды…
  • Есікті…
  • Қатты дауыс…

2-топқа

  • Үлкендер…
  • Аналарды…
  • Қателігіңді…
  • Досқа…
  • Үлкендердің…

«Кім жылдам?» (спорттық кезең)

Бұл бөлімде ата-аналар мен балалардың ептілігі мен шапшаңдығы сыналады.

1

Шарды жару

2

Ине сабақтау

3

Қапшықпен секіру

4

Асық ату

5

Арқан тарту

Сайыс соңы

Бүгінгі сайысымыз мәресіне жетті. Енді сөз кезегін қазылар алқасына береміз: жеңіске жеткен командаларды бағалап, марапаттарын табыстасын!

Қорытынды

  • Білім мен тапқырлық
  • Өнер мен шеберлік
  • Ынтымақ пен бірлік
  • Ептілік пен жылдамдық