Қазақша рефераттар

Теориялық білім тексеру

Сабақ тақырыбы

Ондық бөлшектерді натурал санға бөлу

Сабақтың мақсаты

Білімділік

Оқушылардың білім, білік және дағдыларын жетілдіру; ондық бөлшектерді натурал санға бөлу алгоритмін меңгерту және оны есеп шығаруда қолдануға дағдыландыру.

Дамытушылық

Шығармашылық қабілетін дамыту; теориялық және практикалық сауаттылығын арттыру; пәнге қызығушылығын күшейту.

Тәрбиелік

Нақтылыққа, шапшаңдыққа, тиянақтылыққа тәрбиелеу; ұжым намысын жоғары ұстауға баулу.

Сабақтың сипаттамасы

Сабақ түрі
Дәстүрлі сабақ
Сабақ типі
Жаңа сабақ
Сабақ әдістері
Сұрақ-жауап, әртүрлі деңгейдегі тапсырмалар
Дидактикалық қамтамасыз ету
Интерактивті тақта, слайдтар, нақыл сөздер, бағалау жетондары

Сабақ барысы

I. Ұйымдастыру кезеңі

  • Оқушылармен амандасу.
  • Оқушылар санын түгендеу.
  • Оқу құралдарын тексеру.

II. Үй тапсырмасын тексеру

Оқушыларды жұмысқа бағыттау үшін сабақты Карл Гаусстың сөздерімен бастау ұсынылады: «Математика — ғылымдардың патшасы». Бүгінгі сабақта математика пәні бойынша оқушылар арасында топтық олимпиада түріндегі жұмыс ұйымдастырылады.

а) №1101. Амалдарды орындаңдар

  • (24 − 15,7) · 6,4 + 0,08 · 11 = 54
  • (5,69 − 2,85) · 1,5 + 7,8 · 5,4 − 23,88 = 22,5
  • (98,6 · 0,1 + 14 · 0,15) · 3,5 − 36,86 = 5
  • (103,92 − 5,6 · 4,2) · 0,75 − 2,8 · (10 − 8,25) = 55,4

ә) Теориялық білімді тексеру

  1. Ондық бөлшектерді натурал санға қалай көбейтеміз?
  2. Ондық бөлшектерді ондық бөлшекке қалай көбейтеміз?
  3. Ондық бөлшектерді разрядтық ондық бөлшекке қалай көбейтеміз?

Сабақ ұстанымы

Ағылшын философы Роджер Бэконның ойы бүгінгі сабақтың ұстанымы болсын:

«Оқу — адамды білгір етеді. Тыңдау — зерек етеді, ал жазып алу — ұқыпты етеді».