Қазақша рефераттар

Ендігі тапсырма Бес сөз ойыны

Тақырыбы: Ю дыбысы мен әрпі

Бұл сабақта оқушылар Ю дыбысын меңгеріп, оның әріп таңбасымен танысады. Сабақ құрылымы ойын элементтерімен, суретпен жұмыс және оқу-жазу тапсырмаларымен толықтырылады.

Мақсаты

Ю дыбысын меңгерту, әрпін таныту.

Міндеттері

  • Сөз оқыту, сөйлем құрату.
  • Сөздік қорын, тіл байлығын, ой-өрісін дамыту; сауатты, көркем жазуға төселдіру.
  • Еңбексүйгіштікке, шабыттылыққа тәрбиелеу.

Ұйымдастыру

  • Көрнекілігі: кеспе әріптер, Ю дыбысы бар суреттер, жұмбақ.
  • Сабақ түрі: аралас сабақ.
  • Әдістері: сын тұрғысынан ойлау стратегиялары, сұрақ-жауап, оқу және жазу.

Сабақтың барысы

1) Ұйымдастыру кезеңі

Психологиялық дайындық жасалады. Сабақтың ұраны еске түсіріледі:

Әнімізге ұласар — әннің аты Әліппе.
Бәрімізге тілашар — кітабымыз Әліппе.

Бүгінгі сабақта «Сиқырлы әріптер» бірнеше тапсырма дайындаған. Әр тапсырманың жауабын дұрыс тапқанда, келесі кезеңге өтеміз.

Тапсырма: қима әріптерден сөз құрап, дыбыстық талдау жасау. Сонда тақтадағы жасырын заттың аты ашылады.

Құрастырылған сөз: қоян.

2) Үй тапсырмасын тексеру

2.1. «Сұр қоян» өлеңін жатқа айту. Өлеңді қимылмен, хормен айту ұсынылады — бұл тапсырма да қоян тақырыбымен байланысады.

2.2. «Бес сөз» ойыны: Я дыбысы бар сөздерді ойлап табу.

  • 1-қатар: бес қыздың аты.
  • 2-қатар: бес ұлдың аты.
  • 3-қатар: жер-су атаулары.

Қайталау сұрақтары: өткен сабақта қандай дыбысты үйрендік? Я дыбысы қандай дыбысқа жатады? Қандай дыбыстардың қосылуынан жасалады?

Жауап: Я — дауысты, қосарлы дыбыс.

3) Жаңа сабақ: Ю дыбысы

Тақтадағы сурет арқылы жаңа дыбыс ашылады. Суреттен ою көрінеді: мұнда бір дыбыс белгілі — О, ал белгісіз дыбыс — Ю.

Оқушылармен бірге Ю дыбысы хормен айтылады және дыбыстық мінездеме беріледі:

  • Дауысты дыбысты айтқанда өкпеден шыққан ауа ауыз қуысынан кедергісіз өтеді.
  • Сондықтан Ю — дауысты дыбыс.
  • Ю дыбысы басқа сөздерде де кездеседі (мысалы, аю).
  • Бұл дыбысты айтқанда екі дыбыстың қосындысы сезілетіндіктен, ол қосарлы дыбыс ретінде қарастырылады.

3.1. Ю дыбысының әріп таңбасымен танысу:

Ю = Й + У

3.2. Сергіту сәті: қысқа қимыл-қозғалыс жаттығулары орындалады.

3.3. Қима буындар арқылы сөз құрастыру және жазу (қатарлар бойынша).

1-қатар

Со

2-қатар

То

3-қатар

Ба

3.4. Мағынаны тану (оқулықпен жұмыс):

  • Сөздерді оқыту.
  • Мәтінді оқыту.
  • Жазба сөйлемді оқыту.

4) Жаңа сабақты бекіту (ой толғаныс)

4.1. Суретпен жұмыс: «Әжемнің оюы» тақырыбы бойынша әңгімелеу.

4.2. «Әжеме көмек» ойыны: әжеміздің оюындай әдемі етіп дәптерге Ю, ю әрпін және Ю әрпі бар сөздерді көркем жазу.

5) Сабақты қорытындылау

Бұл — «Сиқырлы әріптердің» соңғы тапсырмасы: топтастыру.

  • 5.1. Сызбамен жұмыс.
  • 5.2. Жұмбақ шешу.

Ұстап әкеп шеңберді,
Байлап қойдым бағанға.

Жауабы: Ю

6) Мадақтау

«Сиқырлы әріптер» оқушыларға ұлтымыздың ою-өрнектерін сыйға тартады.

7) Үйге тапсырма

Ю дыбысы бар жұмбақ жаттап келу.