Қазақша рефераттар

Тілдер мерекесіне арналған интеллектуалдық ойын сабағы

Интеллектуалдық ойын-сабақ: «Миллион кімге бұйырады?»

Өтетін орын Кадет корпусы

Сабақтың түрі Интеллектуалдық ойын-сабақ

Сабақтың мақсаты

Жаңа заман талабына сай қоғамдық өмірге еніп отырған әртүрлі жаңалықтарды талқылай отырып, оқу бағдарламасындағы күрделі тақырыптардың аясын кеңейту; тыңдаушылардың ойлау қабілетін дамыту; шапшаңдыққа, тез шешім қабылдауға және бірізділікке тәрбиелеу; сабаққа деген қызығушылығын арттыру.

Көрнекіліктер

  • Сигналды жетондар
  • Проектор және слайдтар
  • Ойынға қатысты музыка

Ұйымдастыру кезеңі: мұғалімнің кіріспе сөзі

Сәлеметсіздер ме, қадірлі тыңдаушылар және сабағымыздың қонақтары! Бүгінгі сабағымызға қош келдіңіздер!

Жалпы сұрақ-жауап

1) Бір жылда неше жыл мезгілі бар?

Жауап: төрт.

2) Қазір қай жыл мезгілі?

Жауап: күз.

3) Күзде қандай мерекелерді атап өтеміз?

Жауап: Білім күні, Тілдер күні, Отбасы күні, Мұғалімдер күні, Қарттар күні, Қасиетті Құрбан айт.

Тіл туралы қысқаша мазмұн

Қыркүйек айында елімізде Қазақстан халықтарының Тілдер күні аталып өтеді. Тіл — адаммен бірге пайда болып, қатар жасасып келе жатқан қоғамдық құбылыс. Тіл арқылы адамдар бір-бірімен пікір алмасып, өзара түсініседі және оны қатынас құралы ретінде пайдаланады. Әр адам өз ойын өзгеға тіл арқылы жеткізеді, ал басқа біреудің ойын тіл арқылы ұғынады.

Тіл — халықтың жаны, сәні, тұтас кескін-келбеті мен болмысы. Халықтың тарихта қалуы тіліне, тілінің сақталуына тікелей байланысты.

«Жан көріністерінің ең қымбаты — ой, ой тілі — сөз. Тіл — адам жанының тілмашы. Тілі кем болса, адамның қор болғаны...»

Мағжан Жұмабаев

1989 жылғы 22 қыркүйекте Қазақстан Республикасының «Тіл туралы» заңы қабылданды. Ол 1997 жылы қайта өңделіп, жаңа редакцияда жарияланды. Заңның 4-бабында: «Қазақ тілі — Қазақстан Республикасының мемлекеттік тілі» деп көрсетілген.

Бүгінде мемлекеттік тіліміздің мәртебесі күннен күнге артып келеді. Мемлекеттік тілдің беделін көтеру мақсатында бүгінгі сабағымызды осы мерекеге арнаймыз.

Ойын форматы: «Миллион кімге бұйырады?»

Қонақтар

  • Қайрмденова А. Е. — Тілдерді оқыту орталығының директоры
  • Махметова Ж. Қ. — Тілдерді оқыту орталығының әдіскері
  • Маширова А. Қ. — Тілдерді оқыту орталығының оқытушысы
  • Мадиева А. К. — Тілдерді оқыту орталығының оқытушысы
  • Қайырбекова А. Ж. — Кадет корпусының мемлекеттік тілді дамыту қызметінің бастығы

Ойыншылар және демеуші

Бүгінгі ойыншылар — ІІІ-9, жоғары деңгей тыңдаушылары. Баршаңызға сәттілік тілейміз: қайсысыңыздың туы желбірейтінін ойынымыз анықтайды.

Бүгінгі ойынымыздың бас демеушісі — Қазақстан Халық банкі.

1-раунд: «Қас қағым сәтте»

Бұл кезеңде барша тыңдаушыға бір жалпы сұрақ қойылады. Кім бірінші болып дұрыс жауап берсе, сол ойынға бірінші қатысады. Мұнда біліммен қатар жылдамдық та маңызды: жауабы дайын ойыншы қолындағы жетонын көтереді.

Жалпы сұрақ

Мектепте қойылатын бағаларды төменнен жоғарыға қарай ретімен орналастырыңыз:

  • A) жақсы
  • B) өте жақсы
  • C) қанағаттанарлықсыз
  • D) қанағаттанарлық

Дұрыс жауабы: C, D, A, B.

Бірінші жауап берген ойыншы қошеметпен ортаға шақырылады. Залда отырған досы тілек айтып, ойын шарты түсіндіріледі.

  • Ойын 15 сұрақтан тұрады.
  • Екі жеңілдік бар: зал көмегі және досыңнан көмек.
  • Кез келген сұрақта ойынды тоқтатып, ұтып алған соманы алуға болады.

І айналым: 15 сұрақ (үзінді)

Төменде алғашқы 10 сұрақ берілген (әр сұрақтың өз құны бар).

1-сұрақ

10 000

Қазақ тілінде неше септік бар?

  • A) бес
  • B) алты
  • C) жеті
  • D) сегіз

2-сұрақ

20 000

Ертеде жіп иіруге қандай құрал пайдаланылған?

  • A) пышақ
  • B) ұршық
  • C) қайшы
  • D) қамшы

3-сұрақ

30 000

Апалы-сіңліден туған балалар бір-біріне кім болады?

  • A) бөле
  • B) жиен
  • C) немере
  • D) бажа

4-сұрақ

40 000

Той жүргізушісін қалай атайды?

  • A) күйші
  • B) жаршы
  • C) асаба
  • D) әнші

5-сұрақ

50 000

Ежелгі Рим мифологиясында Нептун ненің құдайы саналған?

  • A) ағаштың
  • B) таудың
  • C) теңіздің
  • D) оттың

6-сұрақ

60 000

Қалыңдықтың бас киімі қалай аталады?

  • A) сәукеле
  • B) тымақ
  • C) тақия
  • D) бөрік

7-сұрақ

70 000

Қазақ балаларына арнап алғаш мектеп ашқан кім?

  • A) Ы. Алтынсарин
  • B) М. Жұмабаев
  • C) А. Құнанбаев
  • D) Ш. Уәлиханов

8-сұрақ

80 000

Жапондардың «каратэ» сөзі қандай мағынаны білдіреді?

  • A) ақымақ бас
  • B) бос қол
  • C) талтақ аяқ
  • D) қалқан құлақ

9-сұрақ

100 000

Аңыз-ертегілердегі қанатты атты қалай атайды?

  • A) құрақ
  • B) шырақ
  • C) құлақ
  • D) пырақ

10-сұрақ

150 000

Алматы қаласында қай кинотеатр жоқ?

  • A) Алатау
  • B) Алматы
  • C) Арман
  • D) Сарыарқа

Автор туралы дерек

Өңір Ақмола облысы, Бурабай ауданы

Мекеме Тілдерді оқыту орталығы

Оқытушы Абленова Нұргүл Мырзаболатқызы