Қазақша рефераттар

Нашар көрші

Сабақ тақырыбы

«Нашар көрші»

Сабақтың түрі

Жаңа сабақ

Технология

БжС технологиясы, «Ауызша – 2» картасы

Әдістер

Түсіндіру, сұрақ-жауап, қайталау, жазу, бекіту

Көрнекілік

Матрица, сын тұрғысынан сұрақтар, тірек сөздер

Сабақтың мақсаты

  1. 1

    Мәтін мазмұнын ашу арқылы негізгі идеяларды ұғындыру.

  2. 2

    Сөздік қорды байыту: сұрақтарға жауап беру, қарама-қарсы сұрақтар құрастыру, эссе жазу.

  3. 3

    Сыйластық, үлкенге құрмет, кішіге қамқор болу қағидаларын меңгерту арқылы имандылыққа, инабаттылыққа, адамгершілікке тәрбиелеу.

Сабақ барысы

I. Ұйымдастыру бөлімі

Амандасу • тақырып пен мақсат • психологиялық жаттығу

Тақтадағы тақырыпқа байланысты тірек сөздерді оқушылар 1 минут ішінде оқып, есте сақтайды. Уақыт аяқталған соң блок жабылады.

Оқушылар естерінде қалған сөздерді дәптерлеріне жазады. Жазып болған соң сөздердің саны матрицаға енгізіледі. Кейін блок қайта ашылып, ұмыт қалған сөздер дәптерге толықтырылады.

Диагностика және деңгейге көшу: егер оқушы 7 сөзді тез жаттап, дәптерге түсірсе — бұл ТКШ (төменгі көрсеткіш шектігі) тапсырмасының орындалғанын білдіреді. Келесі сабақта АКШ (аралық көрсеткіш шектігі) деңгейіне өту ұсынылады: яғни, 14 сөз беріледі.

Бұл кезең — жаңа сөздерді есте сақтаудың тиімді тәсілдерінің бірі. ООМ-ға (оқушылардың партада отыруы бойынша) матрицаға бірінші баға енгізіледі.

Тірек сөздер

Тарихи шығарма Борыштымын Мұра Қайырымдылық қоры Менмен көзқарас Достарым Мал-мүлкін

IV. Ойлауды ұйымдастыру

Мәтінмен жұмыс • 3 минут

Оқушылар мәтінді оқып, одан тірек сөздерді табады және тақырып бойынша мазмұнын ашады. Сонымен қатар мәтінді мұқият оқуға нұсқау беріледі, өйткені мұғалім сұрау барысында ұсақ детальдарға да назар аударатынын ескертеді.

V. Алғашқы түсінікті тексеру

Қарама-қарсы сұрақтар арқылы оқушылардың мәтінді түсіну деңгейі анықталады.

  1. 1. Он бес жастағы Текен әкесімен қайда отыр?

  2. 2. Мұстафа көрші Хасан туралы не айтады?

  3. 3. Достары оған қалай ат қойған?

  4. 4. Алланың адамға берген ең жақсы сыйлығы қандай?

  5. 5. Текеннің әкесі қандай отбасында тәрбиеленген?

  6. 6. Қазіргі уақытта әкесі қалай өмір сүріп жатыр?

  7. 7. Әкесі баласын қайда оқыта алады?

  8. 8. Осы байлығы үшін әкесі кімге борышты?

  9. 9. Әкесі жастайынан кімнен айырылды, оны кім тәрбиеледі?

  10. 10. Нағашысының тәрбиесі қандай болды?

  11. 11. Мұра ретінде нағашысы не қалдырды?

  12. 12. Хасан мырза өзі туралы айтқан қандай сөздерді естиді?

  13. 13. Көршісінің сөзі оған қалай әсер етті?

  14. 14. Хасан мырзаның қай сөзі намысына тиді?

  15. 15. Ол қандай кітаптарды оқи бастады?

  16. 16. Қай жылы кәрі көршісі дүние салды?

  17. 17. Кәрі шалдың мал-мүлкін қайда аударған?

  18. 18. Дүкеннің бұрышына кімнің суретін іледі?

VI. Бекітуді алғашқы ұйымдастыру

Бұл кезеңде сын тұрғысынан сұрақтар қойылады. Мұғалім әдейі қате мәліметі бар тұжырымдар ұсынады. Оқушылар: дұрыс болса — «иә», қате болса — «жоқ» деп жауап береді.

Бұл диагностикалық кезең мәтінмен жұмыстың сапасын көрсетеді және оқушылардың оқу техникасын (көлемі мен жылдамдығын) дамытуға ықпал етеді.

1. Текен әкесімен жаңғақ ағаштың түбінде отыр. +

2. Мұстафа мырза Хасан туралы көп нәрсе айта алмады. −

Нәтиже бойынша үшінші баға қойылады.

VII. Жазылым: эссе

Оқушылар сабақта оқығанын, білгенін және сұрақтарға берген жауаптарын еске түсіріп, эссе жазады. Бұл жұмыс үшін төртінші баға қойылады.

VIII. Тексеру

Оқушылар эсседегі сөз санын есептеп, төменгі жағына белгілейді. Кімнің эссесі көп сөзден тұрса, сол оқушы бірінші болып оқиды.

IX. Бағалау

Әр дұрыс жауапқа «+» қойылып, матрица толтырылады. Қорытынды нәтиже бойынша оқушы бағаланады:

5
++++
4
+++
3
++
2
+

X. Қорытынды

Мұғалім тақырыпты қорытындылайды, сапалы жұмыс жасаған оқушыларды мадақтайды. Матрица бойынша нәтижені шығарып, қорытынды баға қояды.