Бинго әдісі арқылы алдыңғы білімді тексеру
Сабақ туралы қысқаша ақпарат
Жұмыстың тақырыбы
Екі айнымалысы бар теңсіздіктер
Бағыты
Жаратылыстану – математика
Пәні
Алгебра
Сыныбы
9
Оқу мақсаты
Оқушыларға екі айнымалысы бар теңсіздіктер және олардың шешімдері туралы түсінік беру; екі айнымалысы бар теңсіздіктерді шешу тәсілдерін меңгерту.
Барлық оқушылар
- Екі айнымалысы бар теңсіздіктің түрлерін ажырата алады.
- Негізгі ұғымдарды біледі.
Оқушылардың басым бөлігі
- Алгоритмді пайдаланып екі айнымалысы бар теңсіздіктерді шеше алады.
Кейбір оқушылар
- Алған білімін өмірлік жағдайларда қолдана алады.
- Өз бетінше ізденеді, идея ұсынады.
Жетістік критерийлері
Оқушылар тақырып бойынша білу, түсіну, талдау, қолдану, анализ және синтез деңгейлеріндегі ойлау дағдыларын қалыптастыруы тиіс.
Сабақ құрылымы
Басы: Білу — 5 минут
Негізгі бөлім: Түсіну — 5 минут
Формат: Топтық жұмыс, талқылау, постер қорғау
Басы: ұйымдастыру және өткенді қайталау
Ұйымдастыру сәті
Оқушыларды геометриялық фигуралар арқылы топқа бөлу. Әр топтың мінез-құлқы мен жұмыс стилін таңдалған геометриялық фигураға байланысты сипаттау.
I. «Бинго» әдісі: алдыңғы білімді тексеру
Мақсаты: бір айнымалысы бар теңсіздіктер жүйесі бойынша негізгі ұғымдарды еске түсіру.
- Бір айнымалысы бар теңсіздіктер жүйесінің шешімі дегеніміз не?
- Қатаң теңсіздіктер қалай белгіленеді?
- Қатаң емес теңсіздіктер қалай белгіленеді? ≤, ≥
- Бір айнымалысы бар теңсіздіктер жүйесінің шешімдерін қалай табамыз?
- Мәндес теңсіздіктер деп қандай теңсіздіктерді айтамыз?
Дескриптор
- Сұрақтарға дұрыс жауап береді.
Негізгі бөлім: жаңа тақырыпты меңгерту
II. Ақпаратпен бөлісу
Топпен жұмыс: анықтама, мысалдар және шешу алгоритмі.
Анықтама
Екі айнымалыдан тұратын теңсіздік екі айнымалысы бар теңсіздік деп аталады.
Мысалдар
- 3x + 7y > 9 — екі айнымалысы бар теңсіздік.
- -2y + 5x ≤ 0 — екі айнымалысы бар теңсіздік.
- x² - 6y ≥ 0 — екі айнымалысы бар теңсіздік.
Екі айнымалысы бар теңсіздікті шешу — берілген теңсіздікті дұрыс сандық теңсіздікке айналдыратын сандар жұбының (x, y) жиынын табу немесе теңсіздіктің шешімі жоқ екенін дәлелдеу.
Шешу алгоритмі
- 1 Теңсіздікке сәйкес теңдеудің немесе функцияның түрін анықтаймыз.
- 2 Сәйкес графикті координаталар жазықтығына салып, жазықтықты бөліктерге бөлеміз.
- 3 Қай бөлік теңсіздіктің шешімі болатынын анықтаймыз: жазықтықтың бір бөлігінен кез келген нүкте алып, оның координаталарын теңсіздікке қойып, дұрыстығын тексереміз.
Постер қорғау
Оқушылар жаңа тақырып бойынша алған білімін постер арқылы көрсетеді және қорғайды.
1-топ
Бір айнымалысы бар теңсіздіктер мен екі айнымалысы бар теңсіздіктердің ұқсастығы мен айырмашылығын салыстыру.
2-топ
Екі айнымалысы бар теңдеу мен теңсіздіктің ұқсастығы қандай? Айырмашылығы неде?
Дескриптор
- Анықтамаларды дұрыс қолданады.
- Талдау жасай алады.
- Жауаптарын дәлелдеп, негіздейді.
Автор туралы
Атырау облысы, Қызылқоға ауданы, Сағыз ауылы, №9 жалпы білім беретін орта мектептің математика пәні мұғалімі.
Көшімова Гүлсім Ғарифуллақызы