Қазақша рефераттар

Сұрақтың жауабы

Сабақтың барысы

Сабақ сайыс формасында өтеді. Оқушылар екі топқа бөлінеді, әр кезеңде жинаған ұпайлар топтың қорына қосылып отырады.

І кезең

1 ұпай

Сөзжұмбақ сайысы: сұрақтарға жауап беріп, сөзжұмбақты толтыру.

ІІ кезең

3 ұпай

Біліктілік сайысы: ұяшық таңдап, тест пен есептерді орындау.

ІІІ кезең

1 ұпай

Тапқырлық сайысы: логикалық сұрақтар және мақал-мәтелдер.

Ұйымдастыру кезеңі

  • Сәлемдесу.
  • Оқушылардың сабаққа даярлығын тексеру.
  • Үй тапсырмасын ауызша сұрақтар арқылы тексеру:
    • 1-топқа: ондық бөлшектерді қосу және азайтуды түсіндіріңдер.
    • 2-топқа: ондық бөлшектерді көбейту мен бөлу қалай орындалады?
  • Сыныпты екі топқа бөліп, сабақтың сайыс түрінде өтетінін хабарлау.
  • Сабақ мақсатымен таныстыру және кезеңдердің ережесін түсіндіру.

І кезең: Сөзжұмбақ сайысы

Әр дұрыс жауап — 1 ұпай

Оқушылар тақтаға кезекпен шығып, көлденеңінен және тігінен берілген сұрақтарға жауап беру арқылы сөзжұмбақты толтырады.

Сұрақтар (1–9)

  1. 1. Құрамында тек сандардан тұратын өрнек — санды.
  2. 2. Шеңберді тең екі бөлікке бөлетін кесінді — диаметр.
  3. 3. Қосындыны қосылғыштар санына бөлгенде шығатын орта — арифметикалық.
  4. 4. 1-ге және өзіне ғана бөлінетін сан — жай.
  5. 5. Белгісізі әріппен берілген теңдік — теңдеу.
  6. 6. Бүтін және бөлшек бөліктен тұратын сан — аралас.
  7. 7. P = a + b + c — периметр формуласы.
  8. 8. Бірліктен кіші разрядтары бар бөлшек — ондық.
  9. 9. % — пайыз деп оқылады.

Сұрақтар (10–17)

  1. 10. Шеңбердің дәл ортасы — центр.
  2. 11. Қатардағы жиілігі ең көп сан — мода.
  3. 12. Центрден шеңбердің кез келген нүктесіне жүргізілген кесінді — радиус.
  4. 13. Алымы бөлімінен үлкен бөлшек — бұрыс.
  5. 14. 90°-қа тең бұрыш — тік.
  6. 15. 0, 2, 4, 6, 8-ге аяқталатын сандар — жұп.
  7. 16. Бөлшектің үстіңгі бөлігі — алымы.
  8. 17. 2-ге бөлінбейтін сандар — тақ.

Ереже: дұрыс жауап берген оқушының ұпайы өз тобының қорына қосылады.

ІІ кезең: Біліктілік сайысы

Әр дұрыс жауап — 3 ұпай

А1 плакатта 4 ұяшық беріледі. Әр топтан 2 оқушы шығып, бір ұяшықты таңдайды да, тапсырманы тақтада орындайды.

1-ұяшық (тест)

Бөліктер

Самал, Аружан және анасы бәліш жеді. Самал бәліштің 1/2 бөлігін, Аружан 1/4 бөлігін, анасы 1/4 бөлігін жеді. Қанша бәліш қалды?

  • A) 3/4
  • Ә) 2/4
  • Б) 1/4
  • В) Ештеңе қалмады

2-ұяшық (есеп)

Қозғалыс

Жылдамдықты табу формуласын жазып, оқулықтағы №1446 есепті орындау.

Формула: v = S / t

Жауабы: 2,1 м/с

3-ұяшық (тест)

Ондық бөлшек

7/10 санын қалай жазуға болады?

  • A) 0,07
  • Ә) 0,007
  • Б) 0,7
  • В) 70

4-ұяшық (есеп)

Пайыз

Санның пайызын табу ережесін түсіндіріп, оқулықтағы №1449 есепті орындау.

Ереже: пайызды 100-ге бөліп, берілген санға көбейту керек.

Жауабы: 45,9 кг — темір, 5,1 кг — никель.

Ереже: әр дұрыс жауап үшін оқушының ұпайы өз тобының үлесіне қосылады.

ІІІ кезең: Тапқырлық сайысы

Дұрыс жауап — 1 ұпай

Логикалық есептер мен мақал-мәтелдер жазылған 12 топшама дайындалады. Оқушылар кезекпен топшама алып, сұрақтарға жауап береді.

Логикалық сұрақтар

  • Үстел үстінде 3 стакан шие тұр. Дәурен бір стакан шиені жеп қойды. Неше стакан қалды?

    Жауабы: 3 стакан.

  • Допты лақтырғанда, доп сол ізімен қайтуы үшін оны қалай лақтыру керек?

    Жауабы: жоғары.

  • Айдынның бойы Асқардан ұзын, бірақ Жанаттан кіші. Кім ең ұзын?

    Жауабы: Жанат.

  • Жүгіру жарысында Әсет, Марат, Талғат үш орынды иеленді. Егер Марат ІІ орын алмаса, ал Талғат ІІІ орын алмаса, кім қандай орын алды?

    Жауабы: І — Марат, ІІ — Талғат, ІІІ — Әсет.

  • Көшеде екі әке, екі бала, атасы немересімен бірге қыдырып жүр. Көшеде неше адам жүр?

    Жауабы: үшеу.

  • Бес жыл бұрын егіздердің жастарының қосындысы 8-ге тең болды. Бес жылдан кейін олардың жастарының қосындысы неше болады?

    Жауабы: 18.

Мақал-мәтелдер

  • ... жақсы қас болмас, ... жаман дос болмас.

    Жауабы: Екі.

  • Досыңды ... күн сынама, ... жыл сына.

    Жауабы: Үш.

  • Алтау ала болса, ауыздағы кетеді, ... түгел болса, төбедегі жетеді.

    Жауабы: Төртеу.

  • ... теңгең болғанша, ... досың болсын!

    Жауабы: Жүз.

  • ... тал кессең, ... тал ек!

    Жауабы: Бір және он.

  • ... саусақ бірдей емес.

    Жауабы: Бес.

Ереже: дұрыс жауап берген әр оқушы өз тобына 1 ұпай әкеледі.

Қорытынды бөлім

Ұпайларды есептеу

Жиналған ұпайлар саналып, жеңімпаз топ анықталады.

Қорытындылау

Сабақ соңында сұрақ-жауап арқылы негізгі ұғымдар бекітіледі.

Бағалау және аяқтау

Белсенді қатысқан оқушылар бағаланады. Сабақ аяқталды. Назарларыңызға рахмет! Сау болыңыздар!