Қазақша рефераттар

Оқушы білімін бағалау

Ұйымдастыру кезеңі

Амандасу

Оқушылармен сәлемдесу.

Түгендеу

Оқушылардың қатысуын тексеру.

Назар аударту

Сабаққа көңіл бөлуді ұйымдастыру.

Біздің мектебіміз – өнерлі, талапты шәкірт тәрбиелейтін білім ордасы. Ел болашағы – дарынды жастар. Сондықтан да бүгінгі сабақта әр оқушының қабілетін ашып, шығармашылыққа жол береміз.

Дарынды балалар еліне қош келдіңіздер!

I. «Құпия сөздер сыры»: тақырыпты табу

Оқушыларға мына сөздер ұсынылады: кітап, қасқыр, ақпан, мектеп, ауыл. Бұл сөздер ақынның өмірі мен шығармашылығына қатысты деректерге жетелейді.

Ақын туралы қысқаша мәлімет

  • 1980 жылы 2 ақпанда Семей облысы, Шұбартау ауданы, Мәдениет ауылында дүниеге келген.
  • Е. Рахмадиев атындағы орта мектептің түлегі.
  • Әл-Фараби атындағы ҚазҰУ-дың тарих факультетін бітірген.
  • Қазақстан Жазушылар одағының мүшесі.
  • Қазақстанның «Серпер» жастар сыйлығының лауреаты.
  • Қазіргі таңда Астана қаласында тұрады.

Құпия сөздер мен деректер сабақтың тақырыбын айқындады. Енді дәптерімізді ашып, бүгінгі күнді және тақырыпты жазамыз.

II. «Бәйге жарысы»: өлең оқу және жатқа айту

Ақберен Елгезектің «Көк бөрінің рухы» атты кітабынан өлең жаттаған оқушыларға сөз беріледі. Мақсат — мәтінді мәнерлеп оқу, жатқа айту деңгейін байқау және көркем сөзге құрметті арттыру.

Өлеңдер топтамасы

«Шұбартауым», «Сарытайпақ», «Көктал», «Әкеме», «Әкені аңсау», «Ғалым аға» және т.б.

Бағалау өлшемдері

  • Мәнерлеп оқу
  • Дыбыстау, тыныс
  • Мазмұнды түсіну
  • Жатқа айту дәлдігі

III. Сергіту сәті

Алматы және Семей қалаларында ән айтып, жүлделі орындармен оралған Айботаға кезек беріліп, сабаққа серпін береміз. Сонымен қатар өнер мектебінде тәлім алып жүрген оқушылардың өнерін тамашалаймыз.

Бұл бөлімнің идеясы — оқушылардың өнерін қолдап, аудиторияның көңіл күйін көтеру әрі шығармашылық орта қалыптастыру.

IV. «Жадымызда сақтай білу»: дәптермен жұмыс

Оқушылар жаттаған өлеңдерін дәптерге қатесіз түсіреді. Қатар отырған оқушылар бір-бірінің жұмысын тексеріп, қателерін түзетеді.

Мақсат

Сауатты жазу, есте сақтау қабілетін дамыту, өзара қолдау мәдениетін қалыптастыру.

Жұмыс форматы

  • Жекелей жазу
  • Жұппен тексеру
  • Қателермен жұмыс

V. «Жүректен шыққан арнау»: оқушы шығармашылығы

Бұл бөлімде оқушылардың шығармашылық қабілеті ашылады: әрқайсысы ақынға арнаған өз өлеңін оқиды. Төменде оқушылардың арнауларынан үзінділер берілген.

Нұрсерік

Өлең деген ой сандық,

Ой сандықтан ой алдық.

Жерлес ақын жырларын

Оқыдық та, ойландық.

Ақындық шабытына бақ береді,

Жүрегінен төгілер сөз желеңі.

Тағылым-тәрбиенің сыры аңқып жатқан —

Поэзияның жүйрігі — Ақберені.

Парасат пен Мұқағали

Ақберендей алып қазақ болыпты,

Аққу құсы осы алыпқа қоныпты.

Ол — аққу құс, Дана деген сұлу, әрі ару қыз.

Осы мектептің түлегі ғой ағамыз,

Ұмытпаңыз, қорықпаңыз:

Артыңызда біз бармыз.

Мейіргүл

Ақберен аға — дара ақын, дана ақын,

Ол кісінің көңілі күнде жарқын.

Өлеңі ән тербейді, күн тербейді,

Кейбірі жүректі тез кернейді.

Өлеңдері жүректі жырлатады,

Кейбірі жүректі жылатады.

Ақберен аға, аман болыңыз,

Зор байлық, мол бақытты мен тіледім.

VI. Сұрақ-жауап

Талқылау сұрақтары арқылы оқушылардың ойы жинақталып, рухани-адамгершілік ұстанымдары тереңдетіледі.

  1. 1) Сендерге қандай кітап ұнады? Ол кімнің кітабы?

  2. 2) Рухани байлықты қайдан аламыз?

  3. 3) Еліміздің болашағына ие болатын жастар қандай болуы керек?

VII. Қорытындылау және бағалау

Оқушылардың жауабы тыңдалып, білімі бағаланады.

Әдеби кітаптарды көп оқуға дағдыланайық. Кітап — ұрпақтан ұрпаққа қалатын рухани қазына. Сондықтан оны жыртпай, қадірлеп ұстау — әрқайсымыздың міндетіміз.

Қорытынды сөз

Бойларыңда от барын байқадым,

Жүректерде шоқ барын да байқадым.

Әрқашанда осы шоқты өшірмей,

Шәкірттерім, шарықтаңдар әрдайым.

VIII. Үй тапсырмасы

Ана туралы өлең немесе шығарма жазып, жаттап келу.