Өздік есімдігін тауып, олардың қалай түрленіп тұрғанын анықта
Сабақ туралы мәлімет
Мектеп, пән, сынып
- Өңір:
- Қызылорда облысы, Құттықожа ауылы
- Мектеп:
- №164 орта мектеп
- Пән:
- Қазақ тілі
- Сынып:
- 7-сынып
Мұғалім
Қазақ тілі мен әдебиет пәні мұғалімі Курбаназарова Дариха Налибаевна.
Сабақ тақырыбы
Өздік есімдігінің түрленуі
Сабақтың мақсаттары
Танымдық
Оқушылардың жаңа білімді өздігінен игеруін ұйымдастыру; әртүрлі жаттығулар арқылы есте сақтауын және логикалық ойлауын дамыту.
Эмоциялық
Өздік есімдігінің түрленуін түсіндіру; зейінін, ерік-жігерін табандылықпен басқаруға үйрету; тыңдау мен қабылдау дағдыларын жетілдіру.
Әлеуметтік
Қарым-қатынас мүмкіндіктерін кеңейту, өзара әрекеттестікті белсендіру және бірлескен жұмыста жауапкершілікті қалыптастыру.
Күтілетін нәтиже
Топта жұмыс істеу арқылы оқушылар ізденеді, біледі, түсінеді; сөздік қорын дамыту нәтижесінде пәнге қызығушылығы артады.
Оқыту модульдері мен бағалау
Модульдер
- АКТ — ақпараттық-коммуникативтік технология
- СТО — сын тұрғысынан ойлау
- ОЖЕ — оқушылардың жас ерекшеліктері
- ТжДОЖ — талантты және дарынды оқушылармен жұмыс
- ОБжК — оқытуды басқару және көшбасшылық
- ОҮБжОБ — оқыту үшін бағалау және оқытуды бағалау
- ДО — диалогтық оқыту
Бағалау түрлері
- ӨӨБ — өзін-өзі бағалау
- ЖБ — жұптық бағалау
- ТБ — топтық бағалау
- Жиынтық — қорытынды бағалау
Қолданылатын ресурстар
Тақта, стикерлер, постерге арналған қағаздар, маркерлер, бағалау парақтары.
Әдіс-тәсілдер
Сабақ барысы (кезеңдер мен тапсырмалар)
Білу
5 минут
102-жаттығу
Берілген сұрау есімдіктерін қатыстырып сөйлем құраңдар және жазыңдар: кімнің, қайсымыз, нешеуі, кімдермен, нешеуден, кімсіздер, қандаймыз.
Мысал: Сен кімнің баласысың?
103-жаттығу
«Нешінші», «қайсысы» сұрау есімдіктерін жіктеп және тәуелдеп жазыңдар. Мағыналық және тұлғалық жағынан салыстырыңдар.
| Жіктеу | Нешінші | Қайсысы |
|---|---|---|
| I жақ | нешіншімін | қайсысымын |
| II жақ | нешіншісің | қайсысысың |
| II жақ (сыпайы) | нешіншісіз | қайсысысыз |
| III жақ | нешінші | қайсысы |
Түсіну
10 минут
Жаңа сабақты белсенді, саналы түрде меңгерту: өз есімдігі алдымен тәуелденіп, содан кейін септеледі.
| Септік | Өзім |
|---|---|
| Атау | өзім |
| Ілік | өзімнің |
| Барыс | өзіме |
| Табыс | өзімді |
| Жатыс | өзімде |
| Шығыс | өзімнен |
| Көмектес | өзіммен |
Қолдану
6 минут
Тапсырма: өлеңдерден өздік есімдігін табыңдар және оның қалай түрленіп тұрғанын түсіндіріңдер.
Талдау
10 минут
Өлең жолдарындағы көп нүктенің орнына тиісті сөздерді қойыңдар
Өзім – тәңірі, табынамын ...
Сөзім – құран, бағынамын ...!
Бұзушы да, түзуші де ...,
Енді, ескілік, келдің өлер ...!
Керекті сөздер
Өздік есімдігінің түрленуін анықтаңдар
- Өзім — түбірі өз, -ім (I жақ тәуелдік жалғауы).
- Өзіме — түбірі өз, -ім (I жақ тәуелдік), -е (барыс септік).
- Өзіммін — түбірі өз, -ім (I жақ тәуелдік), -мін (I жақ жіктік жалғауы).
Ойын элементі
«Ойын патшалығына қош келдіңіздер!» — «+» белгісін тиісті жеріне қояйық!
Жинақтау
7 минут
Тапсырма: көп нүктенің орнына тиісті есімдіктерді жазыңдар.
1) .................. үнсіз отыр.
2) Әсел ........................... оқушы?
3) ................. мектепте оқимын.
4) Сабақ ..................... аяқталады?
5) ...................... бақытты баламыз.