Тиісті еңбек демалысы үшін қаржылай өтемақы алуға рұқсат етіледі ма
Тиісті еңбек демалысы үшін қаржылай өтемақы алуға рұқсат етіле ме?
Қазақстан Республикасының еңбек заңнамасы бойынша жыл сайынғы ақылы еңбек демалысының пайдаланылмаған бөлігі үшін өтемақы төлеу жалпы қағида ретінде көзделмейді. Өтемақы тек нақты жағдайларда, заңда көрсетілген тәртіппен ғана төленуі мүмкін.
Заңдағы негіз: Еңбек кодексінің 109-бабы 3-тармағы
Қазақстан Республикасының Еңбек кодексінің 109-бабы 3-тармағына сәйкес, қызметкерді жыл сайынғы ақылы еңбек демалысынан шақыртып алған кезде, пайдаланылмаған бөлігін басқа уақытта берудің орнына, қызметкер мен жұмыс берушінің келісімі бойынша пайдаланылмаған күндер үшін өтемақы төлемі жүргізілуі мүмкін.
Маңызды шарт: өтемақы қашан төленеді?
-
Өтемақы тек қызметкер еңбек демалысында болып, сол демалыстан шақыртып алынған жағдайда ғана қарастырылады.
-
Пайдаланылмаған демалыс күндерін кейін басқа уақытта беру орнына, өтемақы төлеу үшін қызметкер мен жұмыс берушінің келісімі қажет.
Тәртіп қалай болуы тиіс?
Алдымен қызметкерге еңбек демалысы беріледі.
Қызметкердің жазбаша келісімі негізінде демалыстан шақыртып алу рәсімделеді.
Пайдаланылмаған күндер үшін өтемақы төлеу туралы тараптардың келісімі жасалады.
Қорытынды
Қолданыстағы Қазақстан Республикасының еңбек заңнамасына сәйкес, еңбек демалысы берілмей тұрып жыл сайынғы ақылы еңбек демалысы үшін өтемақы төлеу қарастырылмаған. Өтемақы төлеу мүмкіндігі қызметкердің демалыстан шақыртып алынуына байланысты және тек тараптардың келісімімен жүзеге асырылады.