Оқушылардың бойындағы математикаға деген қызығушылықты ояту, әрбір ұстаздың басты міндеті
Оқушылардың бойындағы математикаға деген қызығушылықты ояту — әрбір ұстаздың басты міндеті. Өз тәжірибемде сабақ барысында түрлі сайыстарды, өзара тексеруді, тест тапсырмаларын, математикалық диктанттарды және әртүрлі деңгейлік тапсырмаларды қолдана отырып, оқушылардың меңгерген білімін жүйелі түрде бақылап отырамын.
Төменде 7-сыныпта өткізілген «Үшбұрыштың түрлері» тақырыбындағы сабақтың қысқаша мазмұны ұсынылады.
Сабақтың мақсаты
Білімділік
- Үшбұрыштардың түрлері туралы оқушыларға нақты әрі жүйелі ақпарат беру.
- Осы тақырыпқа арналған есептерді шығаруға үйрету.
- Сызбамен жұмыс істеу дағдысын қалыптастыру.
Дамытушылық
- Ойын элементтерін қолдану арқылы оқушылардың іскерлік қабілеттерін дамыту.
- Шығармашылықпен жұмыс істеуге баулу.
Тәрбиелік
- Жолдастарының алдында жауапкершілік сезімін арттыру.
- Еңбекке дұрыс көзқарас қалыптастыруды қадағалау.