Қазақша рефераттар

Дененің көлемі

Сабақ туралы қысқаша мәлімет

Сабақтың тақырыбы

Күш. Деформация.

Сабақтың түрі

«Десант» сабақ.

Көрнекілік және құралдар

  • Интерактивті тақта
  • Пластилин, шар
  • Таразы, серіппе
  • Сызғыш, сағат
  • Мензурка, термометр

Сабақтың мақсаты

Білімділік

Жаңа тақырып бойынша алған білімді өздігінен кез келген жағдайда қолдана білуге үйрету.

Дамытушылық

Оқушының ойлау жүйесін дамыту, жүйелі ойлауға және ізденіске бағыттау, білімге деген құштарлығын арттыру.

Тәрбиелік

Өмірдегі көптеген құбылыстардың физикалық заңдылықтарға бағынатынын көрсету, еңбекқорлыққа және ізденімпаздыққа баулу.

Сабақтың барысы

I. Ұйымдастыру кезеңі

  • Оқушыларды түгендеу.
  • Сабаққа дайындығын тексеру.
  • Сынып тазалығын қадағалау.

II. Үй тапсырмасын сұрау

Қайталау бөлімі екі шағын сайыс түрінде ұйымдастырылады: «Кім тапқыр?» және «Кім білгір?».

A) «Кім тапқыр?» сайысы

Тест сұрақтары (10)

  1. 1) Заттың көлем бірлігіндегі массасына тең физикалық шама:

    • A) Заттың тығыздығы
    • B) Дененің массасы
    • C) Дененің көлемі

  2. 2) Заттың тығыздығын табатын формула:

    • A) m = ρV
    • B) V = m/ρ
    • C) ρ = m/V

  3. 3) Тығыздықтың өлшем бірлігі:

    • A) кг
    • B) кг/м³
    • C) м³

  4. 4) Ұзындығы 8 см, ені 5 см, қалыңдығы 3 см алтын кесегінің көлемі қандай?

    • A) 120 см³
    • B) 100 см³
    • C) 150 см³

  5. 5) Бірқалыпты қозғалатын дененің жылдамдығын анықтайтын формула:

    • A) v = S/t
    • B) S = v·t
    • C) m = ρV

  6. 6) 72 км/сағ неше м/с-қа тең?

    • A) 10 м/с
    • B) 20 м/с
    • C) 15 м/с

  7. 7) Аспан денелерінде және олардың жүйелерінде өтетін құбылыстарды зерттейтін ғылым:

    • A) Физика
    • B) Астрономия
    • C) География

  8. 8) Заттың неше күйі болады?

    • A) 2
    • B) 4
    • C) 3

  9. 9) 1 кг-да неше грамм бар?

    • A) 1000 г
    • B) 100 г
    • C) 0,001 г

  10. 10) Қазақстанның алғашқы ғарышкері кім?

    • A) Талғат Мұсабаев
    • B) Юрий Гагарин
    • C) Тоқтар Әубәкіров

Дұрыс жауаптар

1–A; 2–C; 3–B; 4–A; 5–A; 6–B; 7–B; 8–C; 9–A; 10–C.

B) «Кім білгір?» сайысы

Өлшеу құралдарының атауын айтып, олардың атқаратын қызметін түсіндіру.

Термометр

Температураны өлшейді.

Сызғыш

Ұзындықты өлшейді.

Сағат

Уақытты өлшейді.

Мензурка

Сұйықтың көлемін өлшейді.

Таразы

Массаны өлшейді.

III. Жаңа сабақ

«Білегі күшті бірді жығады, білімі күшті мыңды жығады» — білім мен күштің мәнін айқындайтын нақыл.

«Көптің күші – бірлікте» — бірлесе әрекет еткенде күштің арта түсетінін білдіреді.

Күш ұғымы

Күш — денелердің өзара әрекеттесуін сипаттайтын физикалық шама. Әртүрлі денеге әртүрлі күш түсіреміз, сондықтан күштің сан мәні үлкен де, кіші де болуы мүмкін.

Күш сандық мәнімен және бағытымен сипатталады. Күш F әрпімен белгіленеді.

Өлшем бірлігі

Халықаралық SI жүйесінде күштің өлшем бірлігі — ньютон (N).

1 N — тыныштық күйіндегі массасы 1 кг денеге 1 с ішінде 1 м/с жылдамдық беретін күш.

Үлкен бірлік

Үлкен күштерді өлшеуде килоньютон (kN) қолданылады.

1 kN = 1000 N