Ауыз әдебиеті - халқымыздың асыл мұрасы
Қазақ әдебиеті • 9-сынып • Күнделікті сабақ жоспары
Сабақ мазмұны және негізгі бағыттар
Бұл жоспар 9-сыныпқа арналған қазақ әдебиеті сабағын жүйелі ұйымдастыруға көмектеседі. Негізгі назар халық ауыз әдебиетінің мәнін ашуға, түрлерін танытуға және оқушының көркем мәтінді қабылдау мәдениетін қалыптастыруға бағытталады.
Тарау тақырыптары
- 1 Халық ауыз әдебиеті
- 2 Тұрмыс-салт жырлары
- 3 Мақал-мәтелдер
- 4 Сәбидің дүниеге келуіне байланысты өлең-жырлар
- 5 Көңіл-күйді білдіретін өлең-жырлар
Сабақтың тақырыбы
Халық ауыз әдебиеті
Сабақтың түрі
Дәстүрлі сабақ
Әдіс-тәсілдер
Сұрақ-жауап, түсіндіру және басқа да жұмыс түрлері
Көрнекіліктер
Оқулықтар, қосымша кітаптар және т.б.
Пәнаралық байланыс
Тарих, қазақ тілі
Сабақтың мақсаты
-
Әдебиет түрлері туралы түсінік бере отырып, оқушылардың пәнге қызығушылығын арттыру.
-
Тәрбиелік мәні бар мысалдар арқылы оқушыларды елін, жерін, Отанын сүюге баулу.
-
Білімді бақылау және жұмыс нәтижелері арқылы мәнерлеп оқуға дағдыландыру.
Жаңа тақырып: халық ауыз әдебиеті
Ауыз әдебиеті — халқымыздың асыл мұрасы, сөз өнерінің сарқылмас қазынасы. Оның өзегінде ғасырлар бойы бастан өткен тарихи белестер, тәуелсіздік жолындағы ерлік істер, әдет-ғұрып пен салт-дәстүр, арман-мүдде, қиял, сондай-ақ жастардың кіршіксіз пәк махаббаты көркем тілмен кестеленіп беріледі.
Бұл тарауға тұрмыс-салт жырлары, мақал-мәтелдер, жұмбақтар, аңыз-әңгімелер, батырлық дастандар, лиро-эпостық жырлар, шешендік сөздер сияқты ауыз әдебиетінің көптеген жанрлары енеді. Оларды оқып-үйрену арқылы әдебиеттің көркемдік әлеміне тереңдей түсесіңдер, сөз өрнегінен нәр алып, рухани дүниелерің байиды.
Маңызды ой: Ауыз әдебиетінен сусындамаған бірде-бір шынайы суреткер болған емес. Ол — көркем ойдың құнарлы топырағы.
Ауыз әдебиеті — талай ғасырдың жемісі. Халық жыраулары, жыршылары, ертегішілері оны ықылым заманнан бері рухани асыл қазына ретінде сақтап, ұрпақтан ұрпаққа аманат етіп жеткізді.
Топпен жұмыс
Ауыз әдебиетінің түрлерін топтастырыңдар.
Тұрмыс-салт жырлары
Салтқа қатысты өлең-жырлар
Мақалдар
Түйінді ой, тағылым
Мәтелдер
Бейнелі тіркес, астарлы мән
Жұмбақтар
Ой ұшқырлығын дамытады
Аңыз-әңгімелер
Тарихи-танымдық баяндау
Шешендік сөздер
Тіл мәдениеті, тапқырлық
Айтыстар
Суырыпсалма өнер, сөз сайысы
Білімді бекіту (сұрақтар)
- 1) Қазақ әдебиеті нешеге бөлінеді?
- 2) Ауыз әдебиеті дегеніміз не?
- 3) Ауыз әдебиеті қандай салаларға бөлінеді?
Білімді бағалау
Оқушылардың жауаптары мен сабаққа белсенді қатысуына қарай білімдері бағаланады.
Үй тапсырмасы
«Ауыз әдебиеті және оның түрлері» тақырыбын оқып келу.
Қосымша тапсырма жоспары (сабақтарды қарау)
Төмендегі сабақтарды ретімен қарап шығыңдар:
- 6–10 сабақтар
- 11–15 сабақтар
- 16–20 сабақтар
- 21–25 сабақтар
- 26–30 сабақтар (жүктеу)
- 31–35 сабақтар
- 36–40 сабақтар
- 41–45 сабақтар
- 46–50 сабақтар
- 51–55 сабақтар
- 56–60 сабақтар
- 61–65 сабақтар
- 66–70 сабақтар
- 71–75 сабақтар
- 76–80 сабақтар
- 81–85 сабақтар