ЖУАН НЕМЕСЕ ЖІҢІШКЕ

Дидактикалық міндеті

Балалардың фонематикалық есту қабілетін дамыту.

Құралдар

Орамал.

Мазмұны

Балалар шеңберге тұрады. Жүргізушінің көзін орамалмен байлайды. Балалар шеңбер бойымен жүріп: «Сен жұмбақты шешіп ал, кім сені атады — соны біліп ал» дейді. Содан кейін балалардың бірі жүргізушінің атын атайды. Егер жүргізуші дұрыс тапса, шеңберге тұрады, ал атын айтқан бала жүргізуші болады.

Дидактикалық міндеті

Фонематикалық естуді дамыту және сөз ішінен қажетті дыбысты есту дағдысын қалыптастыру.

Құралдар

Жетондар.

Мазмұны

Балалар педагогтың қысқа әңгімесін немесе жаңылтпашты тыңдайды. Содан кейін берілген дыбыстан басталатын сөздерді атайды. Көп сөз айтқан бала жеңімпаз болады. Тапсырманы түрлендіруге болады.

Дидактикалық міндеті

Дауысты және дауыссыз дыбыстарды ажырату біліктілігін дамыту, дыбыстарды белгілер арқылы көрсетуді үйрету.

Құралдар

Дауысты және дауыссыз дыбыстарға арналған карточкалар.

Мазмұны

Педагог әртүрлі дауысты және дауыссыз дыбыстарды айтады, ал балалар сәйкес карточканы көтереді. Ойынды қайталағанда дыбыстарды көзді жұмып тыңдау арқылы да орындауға болады.

Дидактикалық міндеті

Жуан және жіңішке дауыссыз дыбыстарды ажыратуға үйрету.

Құралдар

Көк және қара түсті фишкалар.

Мазмұны

Педагог жуан және жіңішке дауыссыз дыбыстарды жұптап немесе араластырып айтады. Балалар тиісті фишканы көрсетеді: жуан дыбысқа — қара, жіңішке дыбысқа — көк. Барлығын дұрыс көрсеткен бала жеңімпаз болады.

Дидактикалық міндеті

Берілген сөздегі буын санын дұрыс анықтауға үйрету.

Құралдар

Ойыншықтар жинағы немесе суреттер.

Мазмұны

Педагог ойыншықтарды (немесе суреттерді) көрсетеді, ал балалар тапсырмаға сәйкес карточканы таңдайды. Мысалы: «доп» — 1 буын карточкасын көрсету. Тапсырманы түрлендіруге болады.

Дидактикалық міндеті

Сөздің құрылымы туралы білімдерін бекіту.

Құралдар

Буындар мен сөздерге арналған карточкалар.

Мазмұны

Педагог екі дыбыстан, кейін үш дыбыстан тұратын буындар мен сөздерді араластырып айтады: су, па, ме, то, доп және т.б. Балалар әр буынға немесе сөзге сәйкес құрылым карточкасын көрсетеді. Қате жіберген бала орнынан тұрады.

Дидактикалық міндеті

Сөзді буынға бөлу механизмін қалыптастыру.

Құралдар

• Доп
• Фанттар
• Карточкалар

Мазмұны

Балалар шеңберге тұрады. Педагог бір буынды айтып, допты бір балаға лақтырады. Бала допты қағып алып, бір немесе бірнеше буын қосып, сөзді жалғастырады. Дұрыс айта алмаса немесе кідіріп қалса, фант береді.

Ойынды түрлендіруге болады.

Дидактикалық міндеті

Балаларды сөздің дыбыстық құрамын талдауға жаттықтыру.

Құралдар

Сөздердің құрылым үлгілері, жетондар.

Мазмұны

Тақтаға үш сөздің құрылым үлгісі ілінеді (мысалы: доп, шана, қоян, әке және т.б.). Балалар берілген құрылымдарға сәйкес сөздерді тауып айтады. Жеңімпаздарға жетондар беріледі.