Қазақша рефераттар

Аудандық білім бөлімінің басшысы

Аудандық іс-шара

Қазақ киносының атасы — Шәкен Айманов 100 жаста

Бұл жазба аудандық І Шәкен Айманов оқуларының ашылу салтанатына арналған әзірлемені редакциялық тұрғыда реттеп, бірізді мәтін ретінде ұсынады.

Оқулардың басты мақсаты

  • 1 Ш. Аймановтың өмірі мен қазақ өнеріндегі еңбегін насихаттау.
  • 2 Оқушылардың бойындағы табиғи талантын ұштау.

Ашылу салтанатының барысы

Музыкалық кіріспе

Фанфар орындалады.

Би қойылымы

Мектебіміздің «Баян‑сұлу» үлгілі би ұжымы орындауында «Қуаныш» биі.

Жүргізушілер

1-жүргізуші
Төлеу Жәнібек (11-сынып)
2-жүргізуші
Тұрсынбай Аягөз (11-сынып)

1-жүргізуші: Армысыздар, құрметті қонақтар, ұстаздар, оқушылар!

2-жүргізуші: Қайырлы күн, халайық!

2-жүргізуші: Қазақ киносының атасы Шәкен Аймановтың 100 жылдық мерейтойына арналған аудандық І Шәкен Айманов оқуларына қош келдіңіздер!

Арнау шумақтар

1-жүргізуші: Бір тумасы киелі жер Баянның, Өнерге де құлаш ұрған дананың 100 жасқа келді міне, халайық! Шәкен — дархан дарыны бір даланың.

2-жүргізуші: Керілгенде кинода бір кереге, Сусындатқан қазағымды өнерге. Шәкен — мәңгі сөнбейтұғын бір жұлдыз, Өнердегі өмірі — бір өнеге.

Тұлға туралы дерек

Шәкен Кенжетайұлы Айманов 1914 жылы 15 ақпанда Павлодар облысы Баянауыл ауданы, Торайғыр ауылындағы Айманбұлақ деген жерде дүниеге келген.

Семей қаласындағы «Казкоммуна» мектебінде, кейін педагогикалық техникумда оқыған жылдары көркемөнерпаздар үйірмесіне белсене қатысып, театр сахнасында қайталанбас образдар сомдады.

1947–1951 жылдары театрдың көркемдік жағын басқарумен қатар бас режиссер қызметін атқарды. 1953–1970 жылдары «Қазақфильм» киностудиясының көркемдік жетекшісі болып, қазақ кино өнерінің қанат жайып, өркендеуіне айрықша үлес қосты.

Жүргізушілер: Қазақ киносының осындай дара саңлағына арналған аудандық І Шәкен Айманов оқуларын ашық деп жариялаймыз!

Ресми бөлім

Қазақстан Республикасының Әнұраны орындалады.

Құттықтау сөздер

  • Аудан әкімінің орынбасары — ________________
  • Аудандық білім бөлімінің басшысы — ________________

Поэзия минуты

2-жүргізуші: Талайлардың шырқалып тұңғыш әні, Талайлардың жүрегін нұр құшады. Бүгінгі күн — Шәкен ата туған жерде, Ән қалықтап, күй мен жыр бірге ұшады.

Жас ақындардың арнауы (күй сүйемелімен)

Қатысушылар:

Әйткен Жоламан, Ықылас Әли, Сьез Гүлнар, Тұрсынбай Аягөз, Маулит Мадияр, Әбдікәрім Нұрерке, Нағымтаева Меруерт

Естелік және қонақ сөзі

1-жүргізуші: 1969 жылдың тамызында Шәкен Кенжетайұлы Айманов туған елдің көркем табиғатында — Торайғыр көлінің жағасында, найзағайдай шаншылған Найзатас тауының етегінде «Найзатас баурайында» атты көркем фильмін түсірді.

Осы фильмде рөл сомдаған, бүгінде зейнеткерлік жаста болса да ел игілігі үшін еңбек етіп жүрген жерлес ұстазымызға сөз беріледі — ________________.

Келесі сөз кезегі: мектебімізде бірнеше жыл қызмет атқарған, Жаңатілек ауылының әкімі — ________________.

Ән тартуы

2-жүргізуші: Шалқытып бүгінгі күн ән салайық, Өнерпаз өрендерге тамсанайық. Әсем дауыс, сазды әнмен таңқалдырар, Құрметпен әншімізді қарсы алайық.

Төлеу Каринаның орындауында «Туған өлке» әні.

Қорытынды бөлім

1-жүргізуші: Шәкен аты қала берер жаңғырып, Келер ұрпақ айта жүрер ән қылып. Шәкен — дархан, дарынды ұлы халықтың, Жүрегінде сақталады мәңгілік.

Келесі сөз: мектеп директорының бейінді оқыту жөніндегі орынбасарына беріледі.

2-жүргізуші: Түрлі секция айқара ашты есігін, Танытады тума дарын есімін. Мерейтойға жиналған баршаңызға, Тілейміз бүгінгі күн сәттілігін!

1-жүргізуші: Көңіл қойып тыңдағандарыңызға рахмет!