Әңгімені мәнерлеп, түсініп оқу
Сабақ туралы мәлімет
- Сабақтың тақырыбы
- «Наурыз көже» (34–35-сабақ), Әдебиеттік оқу
- Сабақ түрі
- Аралас
- Әдісі
- Сұрақ-жауап
- Пәнаралық байланыс
- Дүниетану, салауаттану
Сабақтың мақсаты
Білімдік
- Әңгімені түсініп, мәнерлеп оқуға және мазмұнын жүйелі әңгімелеуге үйрету.
- Наурыз көже туралы түсінік қалыптастыру.
Тәрбиелік
- Ұлттық тағамдарды қадірлеуге, салт-дәстүрді сақтауға тәрбиелеу.
- Ел байлығын ұқыпты әрі орынды пайдалануға баулу.
Дамытушылық
- Көркем сөйлеу дағдысын дамыту, тіл байлығын арттыру.
- Ойын анық әрі дәл жеткізе білуге жаттықтыру.
Сабақтың барысы
I. Ұйымдастыру бөлімі
- Оқу құралдарын түгендеу.
II. Өткен сабақты пысықтау
- Ертегіден түсінгендерін айту.
- «Құстар — біздің досымыз» тақырыбында әңгімелеу.
- «Қарлығаштың ұясы» тақырыбында шығарма жазу.
Фонетикалық жаттығу: таңырқау
Біз әдемі киім көрдік. Біз қалай таң қаламыз?
«Ай-ай-ай, ай-иә, қандай әдемі!»
Барлығыңыз менің соңымнан асықпай қайталаңыз.
III. Жаңа сабақ
Кіріспе әңгіме
Жаңа жыл! Жаңа жыл! Бақыт жылы болғайсың!
Бізге беріп жаңа жыр, бізден алғыс алғайсың.
Сұрақтар
- «Жаңа жыл» деп қай мерекені айтып тұр?
- Наурыз мерекесін біз қалай қарсы аламыз?
- Қандай салт-дәстүрлерді білеміз?
- Ұлттық тағамдарымызды атаңдар.
- Биыл қай жылды қарсы аламыз?
- Өткен Барыс жылы туралы әңгімеле.
Сергіту сәті (есте сақтауды дамыту)
Орнымыздан тұрайық,
Алақанды соғайық.
Бір отырып, бір тұрып,
Біз тынығып алайық.
Оқулықпен жұмыс
- Мәтінді түсініп, мәнерлеп оқу.
- Наурыз көженің қашан және қалай жасалатыны айтылған бөлікті тауып оқу.
Тапсырмалар
Наурыз көже неліктен қасиетті тағам саналады?
Наурыз көжеге неше түрлі тағам қосады? Атап бер.
IV. Сабақты бекіту
- Наурыз мерекесі бейнеленген сурет бойынша әңгімелеу.
- «Қош келдің, Наурыз» әнін орындау.
- Біздің мектеп Наурыз мерекесін қалай қарсы алатынын әңгімелеу.
V. Үй тапсырмасы
- Әңгімені түсініп, мәнерлеп оқу.
- «Қош келдің, Наурыз!» тақырыбына шығарма жазу.
VI. Бағалау
Оқушылардың белсенділігіне, мәтінді түсініп оқуына және тапсырмаларды орындауына қарай бағалау.