Қазақша рефераттар

Сұр қоян

Ұйымдастырылған оқу қызметінің технологиялық картасы

Білім беру саласы: Таным Бөлімі: Жаратылыстану Тақырыбы: Жабайы жануарлардың қысқа дайындығы

Мақсаты

  • Балалардың жануарлардың ұзақ қыс алдындағы дайындығы туралы білімдерін бекіту.
  • Жануарлардың өмірі мен қоршаған орта жағдайлары арасындағы байланысты анықтауды үйрету.
  • Логикалық ойлау қабілеттерін дамыту.

Оқу қызметінің әдістері

Түсіндіру, сұрақ-жауап, ойын.

Қажетті құрал-жабдықтар

Жануарлардың суреттері: түлкі, аю, қоян, қасқыр, тиін, жолбарыс, арыстан және т.б.

Билингвалдық компонент

Қыс

зима

Орман

лес

Түлкі

лиса

Аю

медведь

Қасқыр

волк

Қоян

заяц

Мотивациялық-қозғаушылық

Шаттық шеңбері

Армысың, қайырымды аспан ата.

Армысың, мейірімді жер ана.

Армысың, шұғылалы алтын күн.

Қуанайық, шаттанайық бәріміз.

Қол ұстасып тұрайық.

Шаттық шеңбер құрайық.

Ұйымдастыру-іздестіру кезеңі

  1. Қыс мезгілінің ерекшелігі

    Қыс мезгілі жабайы жануарлар үшін өте қиын кезең. Олар азығын қардың арасынан табуға қиналады, сондықтан жиі аштыққа ұшырайды.

  2. Ән орындау

    «Аю, аю, тұршы» әнін айту.

  3. Слайдпен жұмыс

    Балаларға слайд көрсетіледі.

    • Бұл суреттен нені көріп тұрсыңдар?
    • Жабайы аңдарға қандай жануарлар жатады?
    • Неліктен оларды «жабайы аңдар» деп атаймыз?

Тақпақтар

Қасқыр

Дәулет

Мен көкжал қасқырмын,

Малшыны састырдым.

Аш болсам, ұлимын,

Ауылды торимын.

Аю

Асылбек

Тауға шықсаң — қалың қар,

Сайға түссең — қалың қар,

Шырша үсті — қалың қар,

Байқаңдар, қар астында

Ұйықтап жатқан аю бар.

Сұр қоян

Диана

Ұзын құлақ сұр қоян

Естіп қалып сыбдырды.

Ойлы-қырлы жерлермен,

Ытқып-ытқып жүгірді.

Қарап еді артына,

Қиығын сап көзінің.

Келе жатқан томпаңдап,

Көжек екен өзінің.

Жолбарыс

Нұрқанат

Мен — жыртқыш жолбарыс,

Тұрағым — ну қамыс.

Түн демей, күн демей,

Жортамын жолда алыс.

Арыстан

Мейірбек

Мен — мықты арыстан,

Аңдардың патшасы.

Жауыммен алысқан,

Күл болған қаңқасы.

Тиін

Айзере

Мен тиінмін, тиінмін,

Қысқа жылы киіндім.

Қоймам толы жаңғаққа,

Іші толы үйімнің.

Қысқаша мәлімет

Жолбарыс туралы

Жолбарыс — ірі жыртқыш аң. Ол Қазақстанда кездеспейді; негізінен Суматра аралында кездеседі. Ну ормандарда мекендейді. Қыста өз азығын өзі тауып қоректенеді.

Ақләйлек

Қоян туралы

Қоян орманды және далалы жерлерде мекендейді. Салмағы 6 килограмға дейін жетеді. Түсі жыл мезгілдеріне байланысты өзгеріп отырады. Қыста қар астындағы шөптердің тамырымен және ағаштардың қабығымен қоректенеді.

Алдияр

Сергіту сәті

Қимыл-қозғалысқа арналған қысқа сергіту жаттығулары орындалады.

Жұмбақтар

  1. 1)

    Өзі қу, жүрген жері айғай да шу.

  2. 2)

    Жаздай қаңғиды, қыста қалғиды.

  3. 3)

    Аузы бейне шалғы орақ, шөп емес, бірақ малды орады.

  4. 4)

    Сылдырдан қорқады, шошынып жатады.

Суреттер бойынша әңгіме құрастыру

Берілген суреттерді негізге ала отырып, балалар жабайы жануарлардың қысқа дайындығы туралы қысқаша әңгіме құрастырады.

Материал: «Жабайы жануарлардың қысқа дайындығы».