Монитор - ақпаратты компьютер экранына шығаратын құрылғы
Сабақ туралы қысқаша мәлімет
Өңір
Маңғыстау облысы, Бейнеу ауданы, Боранқұл селосы
Пән / мұғалім
Информатика пәні мұғалімі: Арна Кидиршаева
Сабақтың тақырыбы
Компьютер құрылымы
Сабақтың типі
Жаңа білімді игерту сабағы
Пәнаралық байланыс
Математика
Сабақтың мақсаты
Білімділік
Оқушылардың компьютердің негізгі құрылғылары туралы білімін қалыптастыру.
Дамытушылық
Бекіту тапсырмалары арқылы білімді меңгерту және дамыту.
Тәрбиелік
Компьютер құрылысын білуге, ұқыптылыққа тәрбиелеу.
Сабақтың міндеттері
- Компьютер құрылғыларымен танысып, алған білімдерін тапсырма орындау барысында қолданады.
- Шығармашылық қабілеттерін арттырып, топтық жұмыста әр оқушының жауапкершілігін күшейтеді.
- Зеректік пен білімге деген сенім мен қызығушылықты арттырып, достыққа және еңбекқорлыққа тәрбиеленеді; патриоттық құндылықтары нығаяды.
Қолданылатын стратегиялар мен әдіс-тәсілдер
Стратегиялар
- Елес жетелеу
- Диалог
- Ой қозғау
- Білемін – Білдім – Білгім келеді
Әдіс-тәсілдер
- Топпен жұмыс
- Сөйлесу
- Көрнекілік қолдану
- Тәжірибелік әдіс
- Сұрақ-жауап
Құрал-жабдықтар мен көрнекіліктер
Сабақ барысы
I. Ұйымдастыру кезеңі
- Оқушылармен амандасу, түгендеу.
- «Елес жетелеу» стратегиясы: оқушылар көздерін жұмып, «уақыт машинасымен» болашақтағы компьютер дәуіріне сапар шегеді.
- Топқа бөлу: боялған дисктерді таңдау арқылы үш топ құрылады — Монитор, Жүйелік блок, Пернетақта.
II. Ой қозғау
Жетелеуші сұрақтар
- Информатика деген не?
- Компьютер деген не?
Үй тапсырмасын шолу (сұрақтар)
- Компьютер қандай функцияларды орындайды?
- Дербес компьютерлердің түрлерін атаңдар.
- Ноутбуктер мен алақан компьютерлерін не үшін пайдаланамыз?
- Компьютер түрлерін атаңдар.
- 1 байтта неше бит бар?
III. Мағынаны таныту: негізгі ұғымдар
Компьютер және дербес компьютер
Компьютер — есептеуіш құрылғы. Дербес компьютер — бір адам жұмыс істеуге арналған компьютер.
Дербес компьютердің негізгі құрылғылары: жүйелік блок, монитор, пернетақта.
Енгізу және шығару құрылғылары
Енгізу
- Пернетақта
- Тышқан
- Сканер
Шығару
- Монитор
- Принтер
- Колонка
Монитор
Монитор — ақпаратты экранға шығаратын құрылғы. Экрандағы кескін пиксель деп аталатын ұсақ нүктелерден құралады.
Пернетақта және тышқан
Пернетақта — әріптік және сандық ақпаратты енгізу құрылғысы. Тышқан — ақпарат енгізудің кең тараған құрылғыларының бірі; әдетте екі батырмалы: сол жақ — негізгі, оң жақ — қосымша.
Жүйелік блок: ішкі және сыртқы құрылғылар
Жүйелік блок — компьютердің негізгі тораптарының көпшілігі орналасатын бөлік. Корпустары әртүрлі пішінде болады және әдетте қоректендіру блогымен бірге жабдықталады.
Жіктелуі
- Жүйелік блоктың ішінде орналасқандары — ішкі құрылғылар.
- Жүйелік блоктың сыртында орналасқандары — сыртқы (перифериялық) құрылғылар.
Ішкі құрылғылар (негізгілері)
- Аналық тақша — ДК-нің негізгі тақташасы.
- Жедел жад (ЖЖҚ) — компьютер қосулы кезде деректерді уақытша сақтайды.
- Процессор — математикалық және логикалық операцияларды орындайды.
- Тұрақты жад (ТЖҚ) — деректерді ұзақ уақыт сақтайды.
- Чипсет — ішкі құрылғылардың жұмысын басқаратын микросхемалар жиыны.
- Слоттар — қосымша құрылғыларды қосуға арналған ажыратпалар.
- Шиналар — құрылғылар арасында сигнал алмасатын өткізгіштер жиыны.
Оқу әрекеті
Құрылғылардың жүйелік блокта орналасу сәйкестігін белгілеу ұсынылады. Есте сақтауды жеңілдету үшін мұғалімнің түсіндіруімен қатар оқулықтағы параграфты оқып, кесте толтыруға болады.
Процессор: компьютердің «миы»
Процессор — компьютердің негізгі микросхемасы. Ол ақпаратты өңдейді және барлық құрылғылардың бірлескен жұмысын басқарады. Кең тараған процессор атауы ретінде оқу мәтінінде Pentium мысалы келтіріледі.
Құрамдас бөліктері
- БҚ — басқару құрылғысы
- АЛҚ — арифметикалық-логикалық құрылғы
Регистр ұғымы
Процессордың ішкі ұяшықтары регистр деп аталады. Бұл ұяшықтарда деректер тек сақталмай, сонымен бірге өңделіп (өзгертіліп) отырады.
Қорытындылау және бекіту
Постер қорғау
Топтар өз атауына сәйкес (Монитор, Жүйелік блок, Пернетақта) постер дайындап, бүгінгі сабақта алған білімдері негізінде қорғайды.
Электрондық оқулық тапсырмалары
Электрондық оқулықтағы тапсырмаларды орындап, сұрақтарға жауап береді.
Жұмбақтар (таратпа материал)
1) Жұмбақ
Бар нәрсеге жетік, миы күшті тетік. Ол арқылы сөйлесіп, кетесің шетелге де өтіп.
Жауабы: компьютер
2) Жұмбақ
Әдетте үнсіз тұрамын, белгі берсең ұғамын. Жазуы бар қағаздың құралы боп шығамын.
Жауабы: принтер
3) Жұмбақ
Компьютердің айнасы, бағытыңды таңдашы. Сурет, сөзін көрсетіп, тиер саған пайдасы.
Жауабы: монитор
«Кім жылдам?» (слайд сұрақтары)
-
Компьютердің негізгі құрылғыларын атаңдар.
Процессор, пернетақта, жүйелік блок
-
Ақпаратты енгізу құрылғыларын атаңдар.
Пернетақта, тышқан, сканер, микрофон
-
Ақпаратты шығару құрылғыларын атаңдар.
Монитор, колонка, құлаққап
-
Сәйкестендіру тапсырмасы.
1–1, 2–5, 3–7, 4–6
INSЕRT: «Не білемін – Нені білдім – Не білгім келеді?»
Сабақты бекіту үшін оқушылар кестені толтырады: өздерінің бастапқы білімін, бүгін үйренгенін және әлі білгісі келетін тұстарын белгілейді.
| Не білемін | Нені білдім | Не білгім келеді? |
|---|---|---|
V. Үй тапсырмасы және бағалау
Үй тапсырмасы
- §6 оқу.
- Тест тапсырмаларын дәптерге орындау.
Бағалау және кері байланыс
Оқушылар сабақтан алған әсерлерін смайликтер арқылы көрсетеді. Мұғалім оқу әрекетіне қатысуы мен тапсырмаларды орындауына қарай бағалайды.