Қазақша рефераттар

Жұптық есептер шығару

Сабақтың мазмұны

Бұл материал 6-сыныпқа арналған: функция туралы ұғымды қалыптастыру және функцияның формула арқылы берілуін түсіндіру.

Сабақтың мақсаты

Оқушыларда функция туралы ұғымды қалыптастыру; алғырлыққа баулу; алған білімді қорытындылап, тәжірибеде қолдана білуге және шапшаңдыққа тәрбиелеу.

Сабақтың түрі

Түсіндірмелі (жаңа сабақ).

Сабақтың әдісі

Блум таксономиясы.

Көрнекі құралдар

  • Парақшалар
  • Тапсырмалар

Сабақ жоспары

  1. 1Ұйымдастыру кезеңі
  2. 2Үй тапсырмасын тексеру
  3. 3Жаңа сабақ
  4. 4Жаңа сабақты бекіту (талдау)
  5. 5Қолдану (жұптық есептер шығару)
  6. 6Үй тапсырмасы
  7. 7Қорытындылау
  8. 8Бағалау

Сабақтың барысы

1) Ұйымдастыру кезеңі

Мұғалімнің кіріспе сұрақтары:

  • Сәлеметсіздер ме, оқушылар?
  • Бүгін кім кезекші? Орныңнан тұра қой.
  • Сыныпта кім жоқ?
  • Сабаққа дайындаламыз. Сабақты бастаймыз.

2) Үй тапсырмасын тексеру

Өткен тақырып бойынша орындалған тапсырмалар тексеріледі, қателер талданады.

3) Жаңа сабақ: Функция ұғымы

Анықтама: Бірінші жиынның әрбір элементіне екінші жиынның бір ғана элементі сәйкес келетін екі жиын арасындағы сәйкестік функция деп аталады.

Мысал есеп

Квадраттың қабырғасы a см болса, оның периметрін табыңдар. Мұнда a = 2.

Шешуі: Егер a = 2 болса, онда P = 4 · 2 = 8 см.

Формула арқылы берілуі

Берілген есепте бірінші және екінші жиын арасындағы сәйкестік:

P = 4a, мұнда a > 0

Мұндағы a — тәуелсіз айнымалы (аргумент), ал P — тәуелді айнымалы (функция). Яғни, тәуелсіз айнымалы аргумент, ал тәуелді айнымалы функция деп аталады.

Негізгі деректер

  • «Функция» сөзі латынның functio сөзінен шыққан, қазақша мағынасы — орындау, атқару.
  • Функция терминін математикаға 1694 жылы алғаш енгізген неміс физигі әрі математигі Готфрид Вильгельм Лейбниц.
  • Функционалдық тәуелділік формуламен, кестемен немесе графикпен беріледі.
  • Аргументтің берілген мәніне сәйкес функцияның мәні табылады.

Анықталу аймағы

Аргумент қабылдайтын мәндер жиыны функцияның анықталу аймағы деп аталады. Белгіленуі: D(f) немесе D(y).

Мысал

f(x) = 3/(x − 4) функциясының анықталу аймағы — 4 санынан басқа барлық сандар.

D(f) = (−∞; 4) ∪ (4; +∞)

Мәндер аймағы

Функцияның қабылдай алатын мәндерінің жиыны функцияның мәндер аймағы деп аталады.

4) Жаңа сабақты бекіту (талдау)

№1257 есеп тақтада орындалады. Есеп шығарылғаннан кейін түсіндірмелі талдау жұмысы жүргізіледі.

5) Қолдану: жұптық есептер

Оқушылар қасындағы оқушымен жұптасып, есептерді шығарады:

  • №1259
  • №1261

6) Үй тапсырмасы

№1264 есеп.

7) Қорытындылау

«БҮҮ» стратегиясы бойынша сабақ қорытындыланады.

8) Бағалау

Оқушылардың жұмысы бағаланады.

Автор туралы мәлімет

Өңірі: Қостанай облысы, Амангелді ауданы

Мектебі: Құмкешу жалпы білім беретін орта мектебі

Пәні: Математика

Мұғалім: Зайкенова Бекзада Жұмаділқызы