Paint редакторында сурет салу
Маңғыстау облысы · Бейнеу ауданы
«Абай атындағы орта мектебі» ММ · Информатика пәні мұғалімі: Абдыллаева Зауре
Тақырыбы: «PAINT-қа саяхат»
Математика және информатика апталығы аясында 7-сынып оқушылары арасында өтетін «Paint-қа саяхат» сайысы — компьютерлік графикаға қызығушылықты арттырып, білімді бекітуге бағытталған шығармашылық жарыс.
Мақсаты
- Оқушылардың алған білімдерін нығайту.
- Ойын нақты, тиянақты жеткізе білуге және қарсыласын тыңдай білуге тәрбиелеу.
- Тапқырлық пен ізденімпаздық қасиеттерін қалыптастыру.
- Шығармашылыққа баулу және пәнге қызығушылығын арттыру.
Көрнекілігі
- Проектор
- Слайдтар
- Paint редакторының терезесі
Түрі
Сайыс сабағы (ойын түрінде).
Кіріспе сөз
Құрметті оқушылар! Бүгінгі математика және информатика апталығы аясында 7-сыныптар арасында өтетін «Paint-қа саяхат» атты сайысқа қош келдіңіздер!
Бұл сайыста әрқайсыңыздың сурет салудағы шеберлігіңіз сыналады. Қатысушыларға сәттілік тілей отырып, топтармен танысайық.
Топтар
- «Компьютер» тобы
- «Информатика» тобы
- «Ақпарат» тобы
- «Программа» тобы
Әділқазылар алқасы
- Информатика пәні мұғалімі
- Математика пәні мұғалімі
Сурет салу — өте ертеден бастау алатын көне өнер. Біреулер үшін ол атақ-абыройға жеткізсе, енді біреулер үшін хобби, ермек. Параққа шимайламаған адам кемде-кем.
Суретті құмға да, бояумен де, жай қарындашпен де салуға болады. Ал бұл сайыстың ерекшелігі — біз суретті компьютерде, Paint графикалық редакторын пайдаланып саламыз.
Батылдық балалық шақтан басталады. Бала тәрбиесіндегі тиімді құралдардың бірі — ойын. Сондықтан бүгінгі сайысымыз ойын түрінде өтеді.
Кезеңдердің мазмұны және бағалау
2-бөлім: Пікірталас
Әр топтан бір оқушы шығып, компьютердің пайдасы мен зияны туралы ой талқысына қатысады.
Ең жоғары ұпай: 5
3-бөлім: Бұл не?
Топ мүшелері қиындылардан сурет құрастырып, шыққан құрылғыны анықтайды: атауын және қызметін түсіндіреді. Әр топқа әртүрлі сурет беріледі.
Ең жоғары ұпай: 5
4-бөлім: Қызықты сұрақтар
Бұл турда барлық топ мүшелері жауап бере алады. Дұрыс жауап берген топқа ұпай қосылады.
Сұрақтар
- Сурет салуға арналған бағдарлама қандай?
- Графиктік редактордың меню құрамын атаңдар.
- Графикалық редакторды іске қосу жолы қандай?
- Редактордағы құралдар саны қанша?
- Құю құралы қандай қызмет атқарады?
Жалғасы
- Бүріккіш құралының қызметі қандай?
- Әрекетті болдырмау үшін қандай команданы орындаймыз?
- Алғаш рет сақтау командасы қандай?
- Түстер палитрасы көрінбесе, қалай шығарамыз?
- Салынған суреттің масштабын қалай өзгертеміз?
Дұрыс жауап үшін: 5 ұпай
5-бөлім: Сурет сыры
Paint құралдарының суреті төртбұрыштармен жабылады. Оқушы суреттің бір бөлігін ғана ашып, соның көмегімен қандай құрал немесе құрылғы екенін табады. Кім бұрын тапса, сол топ алға шығады.
Жеңімпаз топқа: 5 ұпай
6-бөлім: Кім жылдам?
Слайдта суреттер көрсетіледі. Сол суретте ең көп қолданылған құралдың атауын және неше рет қолданылғанын айту керек. Жауапты бірінші айтқан оқушының тобы ұпай алады.
Бірінші жауапқа: 5 ұпай
7-бөлім: Жас суретшілер — «Қыс көрінісі»
Әр топ Paint редакторында «Қыс көрінісі» тақырыбында сурет салады. Жұмыстардың көркемдігі, ұқыптылығы және тақырыпқа сәйкестігі ескеріледі.
Бағалау
Жақсы әрі әдемі салынған сурет үшін әр оқушыға 5 ұпай беріледі.
Нәтиже
Ұпайлар жинақталып, финалда қорытынды шешім шығарылады.
8-бөлім: Қорытынды және марапаттау
Оқушылардың жұмыстары қорытындыланып, жалпы бағалар қойылады. Әділқазылар алқасына сөз беріліп, жеңімпаздар анықталады және марапатталады.
Негізгі назар: білім, жылдамдық, шығармашылық, ұжымдық жұмыс.
Қорытынды ой
«Paint-қа саяхат» сайысы оқушыларға компьютерлік графиканың негізгі құралдарын практикада қолдануға, өз ойын еркін жеткізуге, қарсыласын тыңдауға және командамен жұмыс істеуге мүмкіндік береді. Ең бастысы — әр қатысушы өз қабілетін байқатып, шығармашылықпен ізденуге қадам жасайды.