Қазақша рефераттар

Дамытпалы ойын сабақ

Сыныптан тыс сабақ: «Білімді ұрпақ – ертеңгі байлық»

«Білімді ұрпақ – ертеңгі байлық» тақырыбындағы дамытпалы ойын-сабақ 1-сынып оқушыларының ойлау мәдениетін қалыптастырып, тілдік қорын молайтуға және білімге қызығушылығын арттыруға бағытталған. Сабақ барысында оқушылар өз ойын жүйелеуге, қиялын тұжырымдап айтуға, сұраққа нақты жауап беруге және топпен жұмыс істеуге дағдыланады.

Нақыл сөз

Бүгінгі білім – ертеңгі байлық.

Сабақтың түрі

Дамытпалы ойын-сабақ.

Әдістері

  • Сөздік әдіс
  • Көрнекілік
  • Сұрақ-жауап
  • Ой қозғау

Мақсаты мен міндеттері

  • Ойды жүйелеу: оқушыларды өз ойын ретімен жеткізуге, қиялын тұжырымдап айтуға үйрету.
  • Дамыту: жан-жақты ойлауын, ізденімпаздығын арттыру, есте сақтау қабілетін қалыптастыру.
  • Тілдік қор: ой-өрісін кеңейтіп, сөздік қорын молайту.
  • Тәрбиелік бағыт: болашаққа үлес қоса алатын білімді, еңбексүйгіш, ізденімпаз ұрпақ тәрбиелеу.
  • Қарым-қатынас мәдениеті: әдептілікке баулу, адамдармен дұрыс қарым-қатынас жасай білуге үйрету.

Сабақтың барысы

1) Ұйымдастыру кезеңі

Мұғалім сайыстың ретімен таныстырады: сайыс 6 бөлімнен тұрады.

Шақыру өлеңі

Ал, келіңдер, келіңдер, Біріңе-бірің еріңдер. Біліміңді тексеріп, Ойынға қатысып көріңдер.

  • Әділқазылар алқасын сайлау
  • Ойын ережесімен таныстыру
  • Топтарды таныстыру

Топ 1: «Болашақ»

Жақсы бала еңбекшіл, Ер азамат болады. Қиындықты жеңіп кіл, Құшағы гүлге толады.

Топ 2: «Ұрпақ»

Сабақтан қалмаймыз, Жаман баға алмаймыз. Кім болып өсуді Қазірден таңдаймыз.

2) «Ұшқыр ой» (математикалық жұмбақтар)

  1. Жұмбақ 1

    Сатып алып бір сәбіз, қойды үйрек себетке. Тағы сонша қосса оған, нешеу болмақ әдетте?

    Жауабы: 2 сәбіз.

  2. Жұмбақ 2

    Үш алманы бақтағы кірпі барып жинады. Ең әдемі тәттісін ақ тиінге сыйлады. Ыдыстағы алманың санап көрші қалғанын.

    Жауабы: 2 алма.

  3. Жұмбақ 3

    Құмырсқа еңбекшіл, ұйымшыл және ол көпшіл. Екеуі жүр дән тосып, екеуі шөпке жармасып. Сонда шырша түбінде нешеу болды, санап шық?

    Жауабы: 4 құмырсқа.

  4. Тапсырма 4

    Тура және кері санау.

  5. Жұмбақ 5

    Аулада 3 үйрек, қорада 1 үйрек. 1 үйрек тығылды, 1 үйрек жығылды. Қанша үйрек қалды?

    Жауабы: 2 үйрек.

  6. Тапсырма 6

    Геометриялық пішіндерді ата.

  7. Тапсырма 7

    5 + 4 қосындысын тап.

  8. Тапсырма 8

    4 + 4 қосындысын тап.

3) «Бәйге» (жылдам сұрақтар)

  1. Бір жылда неше ай бар?
  2. Бағдаршамның неше көзі бар?
  3. Дыбыстар нешеге бөлінеді?
  4. Қандай ертегілерді білесің?
  5. Жаңбырдан кейін аспанда не пайда болады?
  6. Өсімдіктің өсуі үшін не қажет?
  7. Неше жыл мезгілі бар?
  8. Бір аптада неше күн бар?

4) «Тілашар» (жұмбақтар және аударма)

Жұмбақ 1

Қыс бойына жатады, тәтті ұйқыға батады.

Жауабы: Аю — медведь.

Жұмбақ 2

Үсті толы ине, инесіне тиме. Инесіне тисең, жете алмайсың үйге.

Жауабы: Кірпі.

Жұмбақ 3

Адамға серік, күзетке берік.

Жауабы: Ит.

Жұмбақ 4

Кішкентай ғана бойы бар, айналдырып киген тоны бар.

Жауабы: Қой.

5) «Білгенге маржан» (өлең оқу)

Оқушылар өздері білетін өлең шумақтарын айтады. Мақсат — мәнерлеп оқу, есте сақтау және өз ойын еркін жеткізу дағдысын дамыту.

Бағалау өлшемдері

  • Мәнерлеп оқу
  • Таза, анық дыбыстау
  • Өлең жолдарын толық айту
  • Сахна мәдениеті

6) Қорытындылау және марапаттау

Сайыс нәтижесі қорытындыланып, белсенді қатысқан оқушылар марапатталады. Сабақ соңында «білім — ең үлкен байлық» деген ой бекітіліп, оқушылардың ынтасы мен қызығушылығы қолдау табады.