Қазақша рефераттар

Интерактивті тақтаға Жекен Жұмахановтың суретін көрсету

Сабақтың тақырыбы: «Ақ боран»

Бұл сабақ жоспары Жекен Жұмахановтың «Ақ боран» мәтінін түсініп оқу, талдау және мазмұндау дағдыларын дамытуға бағытталған. Сонымен бірге оқушылардың шығармашылық қабілетін жетілдіріп, сөздік қорын байыту, еңбекқорлық пен ұғымталдыққа тәрбиелеу көзделеді.

Сабақтың типі

Жаңа сабақ

Сабақтың түрі

Аралас сабақ

Әдіс-тәсілдер

Түсіндіру, сұрақ-жауап, топтық жұмыс

Қажетті құрал-жабдық

Оқулық, дәптер, интерактивті тақта

Сабақтың мақсаты

  • 1) Негізгі ойды анықтау

    Мәтінге талдау жүргізу арқылы автордың негізгі ойын табу.

  • 2) Оқу және мазмұндау дағдылары

    Мәтінді түсініп оқып, мазмұндауға үйрету. Шығармашылық қабілетін дамыту, сөздік қорын молайту.

  • 3) Тәрбиелік бағыты

    Әңгіме желісіне сай оқушыларды ұғымталдыққа, еңбекқорлыққа тәрбиелеу.

Сабақтың барысы

I. Ұйымдастыру кезеңі

  • Оқушыларды түгендеу.
  • Сабаққа назар аударту.
  • Қызығушылықты ояту.

II. Үй тапсырмасын тексеру

А) «Аппақ қыс» өлеңін жатқа айту (2–3 оқушы).

Ә) Қыс туралы жазылған әңгімелерді оқу (4–5 оқушы).

III. Жаңа сабақ

Жұмбақ

Қанаты жоқ ұшады,
Аяғы жоқ жетеді.
Аузы жоқ ұлиды.
Бұл не?

Жауабы

Боран

Бүгін Жекен Жұмахановтың «Ақ боран» мәтінімен танысамыз.

Автор туралы қысқаша мәлімет

Жекен Жұмаханов 1913 жылы 5 желтоқсанда Шығыс Қазақстан облысы, Абай ауданы, Қарауыл ауылында дүниеге келген. Семейдегі педагогикалық техникумды бітірген. 1941–1945 жылдары Ұлы Отан соғысына қатысқан. Кеңес Одағының Батырлары Әлия мен Мәншүкпен жүздесіп, тілдескен. Олар туралы очерктер жазған.

Сабақ барысында интерактивті тақта арқылы жазушының суреті көрсетіледі.

Мәтінмен жұмыс

  • Мәтін бойынша түсіндіру және мазмұндау.
  • Мәтінді кезектесіп оқыту.
  • Түсінбеген сөздермен жұмыс.

Сөздік жұмысы

Екілене
Желдің екпіндей соғуы.
Бүлкек
Аттың желіп жүруі.

Топтық тапсырмалар (3 топ)

1-топ

Қыстың суретін беретін тұстарды тауып оқыңдар, әңгімелеңдер.

2-топ

Боранды адам қимылына ұқсата суреттеген жолдарды тауып оқыңдар, әңгімелеңдер.

3-топ

Қасымның ішкі ойын беретін жолдарды тауып оқыңдар, әңгімелеңдер.

Әр топ берілген тапсырманы өзара талқылайды, нәтижесін 3 оқушы оқып/айтып қорғайды.

Сергіту сәті

Секіреміз топ-топ,
Шапалақтап көп-көп.
Иілеміз оңға қарай: 1, 2, 3.
Иілеміз солға қарай: 1, 2, 3.

Шығармашылық топтық жұмыс

1-топ: «5 жолды өлең» (Қыс)

  1. Қыс.
  2. Боранды, аязды.
  3. Тоңдырады, үсіреді, бүрсеңдетеді.
  4. Аққала жасап, бала мәз.
  5. Қар.

2-топ: Сурет салу

«Қыс қызығы» тақырыбында сурет салыңдар.

3-топ: Мақал-мәтел

  • Қыс азығын жаз жина.
  • Қыста арбаңды сайла, жазда шанаңды сайла.
  • Ақ қар көп болса — ақ нан көп.

Ауа райы туралы халық болжамдары

  • Жылқы оқыранып жусаса, боран соғады.
  • Жылқы жазда ыққа қарап жусаса, қыс қатты болады.
  • Жылқы ішін тартса, ауа райы бұзылады.
  • Қой қораға еркін кірсе, қыс жайлы болады.

IV. Жаңа сабақты қорытындылау (сұрақтар)

  1. Әңгімеде жылдың қай мезгілінде болған оқиға айтылады?
  2. Қасым қайда оқиды?
  3. Ол нені есіне алады?
  4. Қасымның боранда адаспауына не себеп болды деп ойлайсың?
  5. Өзің Қасымның орнында болсаң не істер едің?

V. Үй тапсырмасы

Мәтінді түсініп оқып келу.

VI. Бағалау

Оқушылардың мәтінді түсінуі, талдауы, топтық жұмыстағы белсенділігі және шығармашылық тапсырмаларды орындауы негізінде бағаланады.