Сендер - Қазақстан Республикасының кішкентай азаматтарысыңдар

Сабақтың тақырыбы: С, с дыбысы және әрпі
Сабақтың мақсаты: С, с дыбысының айтылуы артикуляциясымен таныстыру, басқа дыбыстардың ішінен айыра білуге, сөзге дыбыстық талдау жасауға, сөзді буынға дұрыс бөлуге сурет арқылы заттың атауын білуге үйрету; ойлау қабілеттерін арттыру.
Сабақтың әдісі: сұрақ - жауап, түсіндіру, ойын, кқрнекілік, жұмбақ шешу.
Сабақтың көрнекілігі: суреттер, қағаздан қиылған буындар, жаңа әріптің баспа және жазба үлгісі, жұмбақтар жинағы, әліпби.

Сабақтың барысы:
І. Ұйымдастыру кезеңі
Психологиялық дайындық
Амандасу үлкенге -
Тәрбиенің басы ғой.
Ал, қанекей, бәріміз,
Сәлем дейік үлкенге.
Балалар қонақтармен амандасады.
Біздің ұранымыз:
Біз көңілді балалармыз!
Ештеңеден қорықпаймыз.
Келген қонақтарды сыйлап,
Ортаға білімімізді саламыз!

ІІ. Үй тапсырмасын тексеру
- Дыбыс пен әріптің қандай айырмашылығы бар?
- Дыбысты естиміз, айтамыз, ал әріпті көреміз, оқимыз, жазамыз.
- Дыбыстар сөздің қай жерінде кездеседі?
- Сөздің басында, ортасында, аяғында кездеседі.
- Үй тапсырмасы бойынша Ы дыбысына сөз ойлап келдіңдер ме?
- Ыдыс, жұмыс, қыс, қыран, домбыра.
-
ІІІ. Жаңа сабақ
1. Балаларға С дыбысынан басталатын сөздерге байланысты сөзжұмбақ жасыру.
- Дұрыс – ақ. Олай болса бүгінгі танысатын жаңа дыбыс – С, с дыбысы мен әрпі.
Мынау – С дыбысының баспа және жазба түрлері. С, с дыбысы айтылған кезде тілдің ұшы астыңғы тіске тіреле отырып белгі кедергі арқылы шуылдап шығады (хормен дауысты төмен және жоғары көтеріп айту). С дыбысы – дауыссыз дыбыс.
2. Көкөністер жинау ойыны. Шарты: педагог жұмбақтар жасырады. Балалар жұмбақтардың шешуі болған көкөністердің суретін не мульяжін себетке салады. Мысалы:
Жаздай інге тығылып, Жатқан қызыл түлкіні. Құйрығымен суырып, Әкелді әжем бір күні.

Шешуі: сәбіз.
Сәбіз сөзін буынға бөлгізу арқылы с дыбысы қай буында тұрғанын тапқызу.
3. Сергіту сәтін өткізу.
Бір, екі, үш Жинап алып күш. Қолға қалам аламыз, С дыбысын жазамыз.
4. Тіл ұстарту жаттығуы.
Са - са - са Ызыңдайды маса.
5. Дәптермен жұмыс.
Асық, сандық, күнбағыс сөздеріне дыбыстық талдау жасатып, ондағы с дыбысының орнын ажыратады. Балалардың өздеріне с дыбысының сөздің басында, ортасында, аяғында келетін сөздер ойлатады. Дәптердегі буындарды, сөздерді құрап, барлығы хормен қайталап оқиды.
6. Қорытынды
- Балалар, бүгінгі қандай дыбыспен таныстық?
- С дыбысы дауысты ма, дауыссыз ба?
- Балалар, сендер бүгін өте жақсы жұмыс жасадыңдар, жарайсыңдар. Сендер – Қазақстан Республикасының кішкентай азаматтарысыңдар. Келешекте біздің Қазақстан еліміздің белгілі жұлдыздары болыңдар, сондықтан мен сендерге мынадай жұлдызша сыйлаймын.