Жұмсақ жолмен жүру
Қызылорда облысы, Шиелі ауданы, Бала би ауылы
КМКҚ «Мұрагер» балабақшасы
Бағдарламашы: Аширбекова Ақшолпан
Тақырыбы: «Түрлі-түсті шарлар»
Мақсаты
Балалардың ойынға қызығушылығын оятып, жаттығуларды дұрыс орындауға үйрету.
Тәрбиелік міндет
Төзімділікке, жылдамдыққа, ептілікке тәрбиелеу.
Өту форматы
Ойын түрінде ұйымдастырылады. Балалар шеңбер жасап тұрады.
Сабақ барысы
1) Қонақпен танысу: Карлсонның келуі
Топқа Карлсон (тәрбиеші) кіреді.
Карлсонның сөзі:
- — Ох, жерге әрең қондым ғой!
- — Жж-жж...
- — Балалар, сәлеметсіңдер ме?
- — Мен Карлсонмын. Сендермен дос болғым келеді. Бәріміз бірігіп шаттық шеңберін құрайық.
2) «Шаттық шеңбері» қимыл-қозғалыс өлеңі
- Орнымыздан тұрамыз,
- Алақанды соғамыз.
- Жоғары-төмен қараймыз,
- Тоқылдатып басамыз.
- Біз ақылды боламыз,
- Айтқан тілді аламыз.
- Жаттығу жасап, шынығып,
- Өсіп үлкен боламыз.
3) Денсаулық жолдары арқылы жүру
Балалар ауырмау үшін «денсаулық жолдарымен» жүріп өтеді. Бұл жаттығу аяқтың бұлшық еттерін шынықтырып, тепе-теңдікті сақтауға көмектеседі.
- 1. Соқпақ, гүлді жолмен жүру.
- 2. Кедір-бұдырлы жолмен жүру.
- 3. Жұмсақ жолмен жүру.
- 4. Қайтадан кедір-бұдырлы жолмен жүру.
Осылайша балалардың денсаулығы нығая түседі.
4) «Желдің сыйы»: шарлардың пайда болуы
— Балалар, тыңдаңдаршы, бір дыбыс естіліп тұр. Қане, бәріміз тыңдайық.
Желдің дыбысы естіледі. Осы кезде ішінде шарлар толы қапшық домалап келіп тоқтайды.
Диалог:
- — Ол не болды екен?
- — Ол шар!
- — Жарайсыңдар, желдің жасырғаны — шар екен.
Шарларды біз ойын ойнауға және мереке күндері безендіруге қолданамыз.
5) Ойын: «Шарды маған бер»
Балалар шарды бір-біріне қауіпсіз түрде ұсынып, кезекпен береді. Мақсаты — назар, жылдамдық және ептілікті дамыту.
6) Гигиенаға баулу: Кішкентай Карлсон
— Балалар, қараңдаршы, бізге кім келе жатыр?
Бұл — Карлсонның кішкентай досы. Беті кірлеп қалыпты, тосапты тым көп жеп қойса керек.
Ендеше, кішкентай Карлсонмен бірге жылы сумен жуынып, құрғақ сүлгімен сүртініп, сергіп алайық.
Тап-таза болып жүрсеңдер, ауырмайсыңдар.
7) Ойын: «Шарларды жинау»
Балалар шарларды белгіленген орынға жинайды. Ойын қимыл белсенділігін арттырып, ұйымшылдыққа тәрбиелейді.
8) Тыныс алу жаттығуы: «Шар үрлеу»
Балалар мұрынмен терең тыныс алып, ауызбен баяу шығарады. Жаттығу тыныс алуды реттеп, сөйлеу аппаратының жұмысын қолдайды.
9) Ән: «Қызыл, сары, көк шар»
Қызыл, сары, көк шар
Әуеде қалықтап
Әніміз шалқиды
Қызыл, сары, көк шар
Қасымызда көп шар
Айдаймыз, күндейміз
Ойнаймыз, күлеміз
10) Ойын: «Шарды ұшыру»
Балалар шарларды жоғарыға ұшырып, оларды жерге түсірмей ойнайды. Қауіпсіздік ережесі сақталады: бір-бірін итермей, шарды жұмсақ түрде қағып ойнайды.
Қорытынды: мадақтау және қоштасу
Сабақ соңында балалар мақталып, белсенді қатысқандары үшін мадақталады. Карлсонмен қоштасады.
Күтілетін нәтиже
Біледі
- Шарлардың түрлі түстерін ажырата алады.
- Шарлармен қауіпсіз және дұрыс ойнай алады.
Үйренеді
- Шарды қолына дұрыс ұстап, басқаруды үйренеді.
- Әртүрлі ойын түрлеріне қатысып, қимыл-қозғалыс дағдыларын дамытады.