Студенттік өмірдің қиындығы мен қызығын таныстыру, олардың таңдаған мамандыққа деген құштарлығын ояту
Кездесу кешінің тұжырымдамасы
Бүгінгі студент – ертеңгі маман
Бұл кештің негізгі мақсаты — мектеп бітірушілерді болашақ мамандық таңдауға бейімдеу, оларға дұрыс бағыт-бағдар беру. Сонымен қатар студенттік өмірдің қызығы мен қиындығын таныстырып, жас түлектердің таңдаған мамандығына деген құштарлығын арттыру.
Форматы
Осы мектептің бұрынғы түлектері — қазіргі студенттермен кездесу кеші.
Жоспар
- 1 Концерттік бағдарлама
- 2 Студенттер мен оқушылар арасындағы ойын
- 3 Оқушылардың студенттерге қоятын сұрақтары мен жағдаяттары
Жүргізушілер сөзі
Кештің ашылуы
Бұл кеш — студенттік шақтың мәнін ұғындырып, мектеп түлектеріне алдағы жолын нықтауға жігер беретін кездесудің бір арнасы.
1-жүргізуші
Кеш жарық, құрметті ұстаздар, студент жастар — біздің мектебіміздің түлектері!
Қайда менің студенттік күндерім,
Жалындаған жастық шағым, күн керім.
Дауылдатып, думандатып жүретін,
Бақытты сәт, шалқып шығар күндерім.Қайда сол бір асыл жанды достарым?
Аңқылдаған, жарқылдаған от-жалын.
Сұңқар жігіт, аққу қыздар — қайдасың?
Еске аламыз, жүрегімде от жанып.Ақын ағамыз жырлағандай, студенттік өмірдің қым-қуыт белесінде жүрген студенттер мен осы жылғы мектеп түлектерінің кездесу кешін ашық деп жариялаймын.
2-жүргізуші
Әр адамның жадында ерекше естеліктерімен сақталатын студенттік өмір ешқашан ұмытылмайды. Қызығы мен шыжығы мол сол бір төрт жыл талай әдемі де әсерлі әңгіменің арқауы болып, көрігін қыздырғаны анық.
Сәні мен салтанаты, мәні мен мағынасы мол өмірдің кейіпкерлері — студенттердің әр күні мерекедей өтеді.
Құттықтау және алғашқы сөз
1-жүргізуші
Қош келдің, тәуелсіз ел қырандары,
Жақсы атың шартарапқа шығар әлі.
Өнеге үлгі болған кішілерге,
Ұстаздар шын пейілмен жыр арнады.
Кешіміздің алғашқы сөз кезегін мектебіміздің директоры Жанар Шамұратқызына және оқу ісінің меңгерушісі Гүлзада Набиоллақызына береміз.
2-жүргізуші
Өнерпаздар жарысып сан-салалы,
Жиын десе, той десе жан салады.
Кешіміздің ашылу құрметіне,
Әуелеген әсем ән жолданады.
11-сынып оқушысы, мектебіміздің әншісі Нұрғазиева Тұрсынайдың орындауындағы «Мектебім» әнін қабыл алыңыз.
Түлектердің тілегі мен аманаты
1-жүргізуші
Қабыл етіп қонақтардың тілегін,
Тілегіңді тұмар етіп жүремін.
Кейінгіге жақсы істі үлгі етер,
Өздеріңдей болса деймін түлегім.
Студенттер туралы дерек
Соңғы жылдары Қ. И. Сәтбаев атындағы жалпы орта мектебін бітірген түлектердің бір бөлігі бүгінде студент атанып, түрлі оқу орындарында білім алуда.
90-жылдар
22
студент
91-жылдар
25
студент
92-жылдар
24
студент
93-жылдар
28
студент
94-жылдар
38
студент
95-жылдар
21
студент
Оқу бағыттары
- Олардың бір бөлігі жоғары оқу орындарында оқиды.
- Қалғандары арнаулы және кәсіптік оқу орындарында білім алуда.
Білім алып жатқан қалалар
Бұл студенттер Атырау, Ақтау, Ақтөбе, Орал, Алматы және Астана қалаларында білім алуда.
Бұлар — болашақ сан түрлі мамандық иелері.