Қазақша рефераттар

Оқушыларды ақпарат түрлерімен және оларды өңдеу тәсілдері арқылы жұмыс істеуге дағдырландыру

Сабақтың тақырыбы

Ақпараттардың алуан түрлілігі және оларды өңдеудің тәсілдері.

Сабақтың мақсаты

Оқушыларды ақпарат түрлерімен таныстырып, оларды өңдеу тәсілдерін қолдана отырып жұмыс істеу дағдыларын қалыптастыру.

Білімділік

Ақпараттың түрлері мен оны өңдеу тәсілдері туралы мәлімет беру арқылы білімдерін тереңдету және жүйелеу.

Тәрбиелік

Жауапкершілікке, ұқыптылыққа баулу; ойлау қабілетін дамыта отырып, бірізді және тәртіппен жұмыс істеуге үйрету; пәнге қызығушылығын арттыру.

Дамытушылық

Оқушылардың ойлау өрісін, компьютерлік сауаттылығын, шығармашылығын және танымдық қабілетін дамыту; белсенділігін арттыру.

Сабақ форматы

Сабақтың түрі
Жаңа білімді меңгерту
Сабақтың әдісі
Түсіндіру, сұрақ-жауап
Пәнаралық байланыс
Физика, математика
Көрнекілік
Оқулық, интерактивті тақта

Сабақтың барысы

I. Ұйымдастыру бөлімі

  • Оқушылармен сәлемдесу, түгендеу.
  • Оқушылардың зейінін сабаққа аудару.
  • Сабақтың мақсатымен таныстыру.
  • Сұрақ-жауап.
  • Қорытындылау.

II. Үй тапсырмасын тексеру

  1. Көзді шаршатпаудың қандай жолдарын білесіңдер?
  2. Неліктен компьютердің алдында ұзақ отыруға болмайды?
  3. Компьютерде жұмыс істегенде техника қауіпсіздігі ережелерін қалай сақтаймыз?

Жаңа тақырып: ақпарат және оны өңдеу

Информатика пәні компьютермен тығыз байланысты. Дегенмен, компьютер — ақпаратпен жұмыс істеуге мүмкіндік беретін құрал ғана. Информатика — ақпаратты алу, жинақтау, сақтау, түрлендіру, жөнелту және пайдалану тәсілдері туралы ғылым.

Адамдардың күнделікті қызметінің бәрі ақпаратпен байланысты. Мысалы, тамақ пісіру үшін қажетті өнімдерді және дайындау жолын білу керек. Сол сияқты, компьютерлік сауаттылықты қалыптастыру үшін ақпараттық технологиялармен жұмыс істеу дағдыларын меңгеру маңызды.

Ақпарат дегеніміз не?

Ақпарат — қоршаған әлем туралы мәлімет; ол сақтау, түрлендіру, жөнелту және пайдалану нысаны бола алады. Біз күн сайын ақпарат аламыз: оны қабылдаймыз, түсінеміз, өңдейміз және қолданамыз.

Ақпаратты қабылдау арналары

Адам ақпаратты сезім мүшелері арқылы қабылдайды. Ғылыми деректерге сәйкес, ақпараттың шамамен:

  • 81% — көру арқылы
  • 10% — есту арқылы
  • 4% — иіс сезу арқылы
  • 3% — дәм сезу арқылы
  • 2% — сипап сезу (тактильді) арқылы

Ақпаратты қабылдау арнасына байланысты ақпарат әртүрлі болып көрінеді. Мысалы, таңертең сағаттың шылдырын адам құлақ арқылы қабылдайды: ақпарат көзі — қоңыраулы сағат, қабылдаушы — адам. Бұл — естілетін ақпарат.

Демек, қабылдау тәсілдері бойынша ақпарат: көрінетін, естілетін, дәм арқылы, иіс арқылы және сезу арқылы болып бөлінеді.

Ақпараттың қасиеттері

Өзектілік: бір ақпарат белгілі бір уақытта маңызды болуы мүмкін, ал уақыт өткен соң маңызын жоғалтады. Мысалы, 2 мамырға арналған ауа райы болжамы 1 мамырда өзекті, бірақ 10 мамырда өзектілігін жояды.

Толықтық: ақпарат жеткілікті болса — түсінікті, жеткіліксіз болса — түсініксіз болуы мүмкін. Мысалы, досың тек «Ертең» десе, оның нақты нені білдіретіні белгісіз. Ал «Ертең киноға сағат 16:00-де барамыз» десе — ақпарат толық әрі анық болады.

Қорытынды және тапсырмалар

IV. Сабақты бекіту

  1. Ақпарат туралы қандай жаңа мәлімет білдіңдер?
  2. Қазіргі кезде ақпараттың қандай түрлері бар?
  3. Ақпараттың қасиеттерін атаңдар және мысал келтіріңдер.

V. Үй тапсырмасы

«Ақпараттардың алуан түрлілігі және оларды өңдеудің тәсілдері» тақырыбын оқу, негізгі ұғымдарды қайталау.

VI. Бағалау

Оқушылардың сабаққа қатысуы, жауаптарының нақтылығы және тапсырмаларды орындауы бойынша бағалау жүргізіледі.