Флипчартта жұмыс істеу арқылы оқушылардың қызығушылықтарын арттыру
Сабақ туралы қысқаша мәлімет
Мұғалім
Бастауыш сынып мұғалімі — Рахметова Құралай Болатбекқызы.
Сабақтың тақырыбы
Жіктеу есімдіктерінің септелуі.
Сабақтың мақсаты
- Оқушыларға жіктеу есімдіктерінің септелуі туралы мәлімет беру, түсіндіру және білімін тереңдету.
- Флипчартпен жұмыс арқылы қызығушылықты арттыру.
- Интерактивті тақтада қаламды дұрыс ұстауға, көркем жазуға тәрбиелеу.
Сабақтың түрі және көрнекілігі
Сабақтың түрі: ойын сабақ.
Көрнекілігі: интерактивті тақта, алдын ала дайындалған флипчарт.
Сабақтың барысы
I. Ұйымдастыру кезеңі
- Амандасу.
- Оқушыларға бүгінгі сабаққа қонақтар (ұстаздар) келгенін хабарлау.
- Қонақтарға білімімізді көрсетіп, белсенді қатысуға ынталандыру.
II. Үй тапсырмасын тексеру
26-жаттығу: флипчартта оқушылар сөздердің астын сызады.
1-флипчарт
III. Жаңа сабақ
1-тапсырма
Оқушылар интерактивті тақтадағы флипчартта қалам арқылы есімдіктерді тауып, астын сызады.
2-флипчарт
2-тапсырма
Оқушылар интерактивті тақтадағы флипчартта қарамен жазылған есімдіктердің астын сызады.
3-флипчарт
3-тапсырма
Төмендегі сөздерді тиісті орнына қой. Тапсырма флипчартта орындалады.
4-флипчарт
| Атау | Ілік | Барыс | Табыс | Жатыс | Шығыс | Көмектес |
|---|---|---|---|---|---|---|
| мен, сен, ол, біз | менің, сенің, оның, біздің | маған, саған, оған, бізге | мені, сені, оны, бізді | менде, сенде, онда, бізде | менен, сенен, одан, бізден | менімен, сенімен, онымен, бізбен |
4-тапсырма
Оқушылар флипчарттағы ребусты шешіп, шыққан сөзге байланысты қысқа әңгіме құрайды.
5-флипчарт
IV. Бекіту
Оқушылар сурет таңдайды және суреттің астындағы сұрақтарға жауап береді.
V. Бағалау
«Төрт» дегенің — жақсы баға,
Алады оны жақсы бала.
«Бес» дегенің — үздік баға,
Оқы, әрдайым үздік қана.
VI. Үй тапсырмасы
Күнделікті енді ашайық,
Үй тапсырмасын жазайық.
Жіктеу есімдігінен алған білімді
Ұмытпай, есте сақтайық.
30-жаттығу: орындау.
Ереже: қайталау.