Мұғалім өлеңді жатқа оқуы

Сабақтың тақырыбы: Қыс. Абай Құнанбаев
Сабақтың мақсаты: Өлеңді мәнерлеп оқып, мазмұнын түсіну.
а) автор туралы түсінік, өлеңді түсініп оқуға, мазмұнын айта білуге үйрету;
ә) ой - өрісін кеңейту, сөздік қорын молайту, өз бетімен оқуға машықтану;
б) табиғатқа деген сүйіспеншілігін арттыру, әдемілік пен әсемдікті сезінуге тәрбиелеу.
Сабақтың типі: жаңа білімді меңгерту
Сабақтың түрі: дәстүрлі сабақ
Сабақтың әдістері: көрнекілік, сұрақ - жауап, интерактивті оқыту әдісі, әңгімелеу, түсіндіру, баяндау
Сабақтың көрнекілігі: Абайдың портреті, слайдтар, карточкалар.

Сабақтың барысы: І. Ұйымдастыру бөлімі.
Сәлемдесу, оқушылардың сабаққа дайындығын тексеру.
Оқушылар: - Бір - бірімізге сәттілік тілеп, қолымызды үш рет шапалақтайық!
ІІ. Жаңа сабақты меңгерту.
Кіріспе. – Қазір жылдың қай мезгілі?
- Қыс.
- Қыстың ерекшеліктерін ата.
- Тағы да жылдың қандай мезгілдерін білеміз?

І слайд (Жыл мезгілдерінің суреттері)
Негізгі бөлім.
Қазақтың ақын - жазушылары жылдың төрт мезгілін өз шығармаларында сипаттаған және осы тақырыпқа тоқтамай кетпеген. Соның бірі – ұлы ақын Абай Құнанбаев. Абайдың жылдың төрт мезгіліне арналған өлеңдерін білмейтін адам кем - де кем. Абай жыл мезгілдерін сипаттай отырып, өз заманындағы халықтың тұрмыс - тіршілігі, тынысы, тұрмысы туралы қоса жырлаған.
Мұғалім Абайдың Жазғытұрым , Жаз , Күз өлеңдерін жатқа үзінділерді мәнерлеп оқып береді.

ІІ слайд
Кемел ойдың кемеңгері (Абайдың суреті көрсетіледі).

“ Жүрегімнің түбіне терең бойла,
Мен бір жұмбақ адаммын, соны да ойла...”
• әлем таныған тұлға
• ақын
• ғұлама ойшыл
• аудармашы
• композитор

Қыс өлеңімен таныстыру.
1) Мұғалім өлеңді жатқа оқуы;
2) Сөздік жұмысын жүргізу;
Оқшырайтып – бір шекесіне сәндеп кию;
Шидем – жұқа тоқылған сырт киім;
Ұшпа – жеңіл, жұқа қар;

3) Оқушылардың оқуы;
- Іштей оқуы;
- Тізбектей оқуы.
4) Жаңылтпашты жатқа айту:
Жаңылтпаш
Тайғанақтап,
Қаңғалақтап,
Бұлғалақтап,
Сырғанақ теп.
ІІІ. Бекіту.
ІІІ слайд
1) Берілген суретке қарап, Қыс қызығы тақырыбына эссе жазу.
2) Берілген өлең жолдарын пайдаланып, 1, 2, 3,- қатарлар өлеңдерді толықтырып жазады.

...... ақша қар,...... боп қаламыз,... топ бала,
...... тазалар..... барамыз.... аққала.
...... қалың қар,.... аязда,.... бетіміз,
...... шаңғым бар... шанамыз.... шаттана.

IV. Қорытындылау: Бүгінгі сабақтың пирамидасын құру
- Бүгін кімнің шығармасымен таныстық?
- Шығарманың тақырыбы не?
- Не жаттадық?
- Тағы қандай жұмыс жасадық?
- Өлең шығара алдық па?
- Сабағымыздың мақсатына жеттік пе?
Олай болса, мынау бүгінгі сабағымыздың пирамидасы: (пирамида құру).

IV слайд
Асыл сөзді іздесең,
Абайды оқы, ерінбе.
Адамдықты көздесең,
Жат тоқып ал көңілге.
(С. Торайғыров)
Абай - әлемдік деңгейдегі ойшылардың қатарындағы ғажайып тұлға
(Н.Ә.Назарбаев)

V. Бағалау.
VI. Үйге тапсырма: Абай туралы мәлімет жинау; Қыс өлеңін жаттау.
Орнымыздан тұрамыз. Сабақта белсенділік көрсеткеніміз үшін бір - бірімізге үш рет қол шапалақтаймыз!