Сөздік қорларын, тіл байлығын дамыту
4-сынып: «Қыс» тақырыбы бойынша қорытынды сабақ
Бұл қорытынды сабақ қыс мезгіліне тән ерекшеліктерді және табиғаттағы өзгерістерді негізге ала отырып, оқушыларды жүйелі ойлауға, өз ойын еркін жеткізуге және қазақ тілінде сауатты сөйлем құрастыруға үйретуге бағытталған.
Сабақтың тақырыбы
Қыс. Қорытынды сабақ
Сілтеме
А. Қайырбекова, «Қазақ тілі»
Сабақтың мақсаты
Қыс мезгіліне тән белгілер мен табиғаттағы өзгерістерге сүйене отырып, әңгіме құрастыра білуге үйрету.
Дамытушылық бағыты
- Сын тұрғысынан ойлау қабілетін дамыту.
- Тіл байлығын арттыру, сөздік қорды байыту.
- Шығармашылықпен жұмыс істеу дағдыларын қалыптастыру.
- Өз ойын еркін әрі нақты жеткізуге дағдыландыру.
- Қазақ тілінде сөйлемді дұрыс құрастыру білігін қалыптастыру.
Тәрбиелік бағыты
Жыл мезгілдерін қадірлеуге, табиғатты аялауға және қоршаған ортаны қорғауға тәрбиелеу.
Сабақтың міндеттері
- Оқушылардың қызығушылығын арттыру.
- Тақырыпты меңгерту.
- Топта жұмыс істеуге баулу.
- Өзара ынтымақтастық орнату.
- Сөздік қорын және тіл мәдениетін дамыту.
Күтілетін нәтиже
Танымдық
- Қызығушылығы артады.
- Қыс мезгілі туралы толық мағлұмат алады.
Дағдылық
- Тіл байлығы дамиды.
- Топпен жұмыс істеу арқылы ынтымақтастық қалыптасады.
Тапсырма көздері
- 1 Психологиялық ахуал
- 2 Топтарға бөлу
- 3 Сұрақтармен жұмыс
- 4 Кластер құрастыру
- 5 Тақпақ айту, жұмбақ жасыру
- 6 Суретпен жұмыс
- 7 Жазбаша жұмыс
- 8 Сергіту сәті
- 9 Диалогтік жұмыс
- 10 Бағалау
- 11 Кері байланыс
- 12 Үй тапсырмасын беру
Сабақ барысы (1-сабақ)
Сын тұрғысынан ойлау және топтық жұмыс элементтері енгізіледі.
Психологиялық дайындық (3 минут)
Тренинг:
Мейірімді жүрекпен,
Ақ пейілді тілекпен,
Амандасып алайық,
Бір жадырап қалайық!
Топтарға бөлу (1 минут)
Оқушылар ай атаулары арқылы топтарға бөлінеді.
Үй тапсырмасын тексеру және ой қозғау (5 минут)
Сілтеме сұрақтар арқылы жауап алу, тақырыпқа бағыттау.
Сұрақтар
- Қазақ тілінде неше септік бар?
- Барыс септігінің жалғауы қандай?
- Ілік септігінің сұрағы қандай?
- Қазір қай жыл мезгілі?
- Ең суық жыл мезгілі қайсы?
- Жаңа жылды қай жыл мезгілінде қарсы аламыз?