Сағаттың барысы
Павлодар облысы · Баянауыл ауданы · Бірлік ауылы
Тарих және география пәнінің мұғалімі: Нұрлыбек Раисұлы Күлкашев
Тәрбие сағаты: «Досы көпті жау алмас»
Орта буын сыныптарға арналған тәрбиелік іс-шара. Негізгі өзегі — достық құндылығын түсіндіру, өзара сыйластық пен жауапкершілікті нығайту.
Мақсаты (білімділік)
Оқушылардың достық туралы түсінігін тереңдету, достықтың мәнін нақты өмірлік мысалдар арқылы бекіту.
Мақсаты (дамытушылық)
Көңіл күйді сөзбен, қимылмен, іс-әрекетпен жеткізе білу дағдысын дамыту; үлкендермен және құрбылармен сыйластық қарым-қатынас мәдениетін қалыптастыру.
Мақсаты (тәрбиелік)
Отансүйгіштікке, ұлтжандылыққа және адамгершілікке тәрбиелеу; адалдық пен жанашырлық құндылықтарын орнықтыру.
Өткізу форматы
- Топтық жұмыс
- Әңгімелесу
- Тренинг
- Сұрақ-жауап
Сабақтың ұйымдастырылуы
Бастау
Мұғалім оқушыларды шеңбер құрып отырғызады. Интербелсенді тақтада сабақтың тақырыбы мен мақсаттары алдын ала көрсетіледі.
Эмоциялық орта
Сабақ әсем әннің немесе күйдің әуенімен көркемделіп, жылы әрі ашық диалогқа бағытталған атмосфера қалыптастырылады.
Тәжірибелік бағыт
Талқылау мен тапсырмалар арқылы оқушылар өз ойларын дәлелдеп айтуға, пікір алмасуға және ортақ шешімге келуге үйренеді.
Кіріспе ой: достықтың өзегі
Достық адамды асқақтатып, жан мен тәннің гүлденуіне ықпал етеді. Оның маңызды белгісі — берік әрі терең эмоциялық жақындық. Бұл жақындық адамдардың бір-біріне сөзде де, істе де адал әрі шынай болуын, өзара тең мүдделілікті, сенімді, қиындықта қолұшын беруді, жауапкершілік пен қамқорлықты талап етеді.
Нағыз достық адамға шабыт беріп, өмірдегі түрлі сәтсіздіктерге мойымауға көмектеседі. Осы ойдың аясында оқушылар сұрақтарға жауап беріп, пікір бөліседі.
Жүргізуші 1: талқылау сұрақтары
- Достық деген не?
- Дос деген кім?
- Достастық ұғымын қалай түсінеміз?
Жүргізуші 2: мақал-мәтелдер
Оқушылар достық туралы білетін мақал-мәтелдерін айтып, мағынасын талдайды.
Достық туралы ой және визуалды материал
Ортақ құндылық
Қазақ халқы ертеден қонақжайлығымен танылған. Бүгінгі таңда елімізде жүзден аса ұлт өкілдері тату-тәтті өмір сүреді. Бұл — бейбітшілік пен достастықты дәріптейтін саясаттың және халықтың бірлікке ұмтылысының айғағы.
Слайдтардағы нақыл сөздер
Интербелсенді тақтада достық тақырыбындағы суреттер көрсетіліп, әрқайсысы мақал-мәтел немесе қанатты сөзбен түйінделеді.
Досы жақсының — өзі де жақсы.
Доссыз өмір — тұзсыз ас.
Дос жылатып айтады, дұшпан күлдіріп айтады.
Досы жоқпен сырлас, досы көппен сыйлас.
Жүз теңгең болғанша, жүз досың болсын.
Адал — жаныңа дос, арам — малыңа дос.
Дұшпаннан бір сақтан, достан шыққан дұшпаннан мың сақтан.
Жолдасы да сай, жорғасы да сай.
Досын сатқанның сағы сынады, жауға сатылғанның бағы сынады.
Практикалық бөлім
Тапсырма 1: постер жасау
Оқушыларға тапсырма: достықты бейнелейтін постер дайындау. Бір ерекше эмблема немесе басқа сурет арқылы идеяны көрсетіп, соңында өз жұмыстарын түсіндіріп береді. Постерлер түрлі-түсті маркерлердің көмегімен жасалады.
Нәтиже: әр топ өз символын қорғайды — ортақ құндылық, сенім, қамқорлық және адалдық ұғымдары нақты мысалдармен ашылады.
Тапсырма 2: ситуациялық сұрақ
Мысал: сенің досың мектептің терезесін абайсызда сындырып алды. Ол сенен «ешкімге айтпа» деп өтінді. Мектеп ішінде у-шу, кінәліні іздеп жатыр. Сен не істер едің?
Бұл тапсырма адалдық пен достықтың тепе-теңдігін, жауапкершілік пен дұрыс шешім қабылдаудың маңызын талқылауға бағытталған.
Қорытынды ой
Жолдас деген — еңсесі биік пана, мызғымайтын тас қамал, нәр суы сарқылмас берік қорған. Жолдас деген — таусылмайтын рақат, еселей түсетін шаттықтың, той-думанның көркі.
Жолдас деген — жүректің шамшырағы, көздің қарашығы, әулетті қолдың қуаты, медеткер тірегің. Жолдас деген — қас дұшпанға қаһарлы айбының, достарыңның үміт-сүйеніші, жат алдында мақтанышың.
Жолдас деген — басыңа ауыр күн түскендегі таянышың; ауырып-сырқасаң, еліңнің басына қатер төнсе, жанын қияр серігің.
Рефлексия
Оқушылар бір-бірінің қолын ұстап, достық туралы ән шырқайды. Ән аяқталғаннан кейін бірнеше оқушы осы тәрбие сағаты туралы ой-пікірлерімен бөліседі.
Негізгі түйін
- Достық — сенім мен адалдыққа негізделген жауапкершілік.
- Қиын сәтте қолдау көрсету — нағыз достықтың өлшемі.
- Сыйластық мәдениеті — сыныптағы берекенің тірегі.